มัดทาย 5
5
เยซู ฝาว บง ฒุ่น โต์
(เป๊ย หมั่ง ลูกา 6:20-23)
1เยซู ปวัด เมี่ยน ด่ง หน่าย ธั้ม, นิ่น ฯฒฯ ฝาว นอม บง มี่ง เฒว์ย เจี๊ยน. นิ่น เญย ไซ-ก๋อ บัว หย่า ต้าย เยียม ฒุ้น. 2เยซู ฯฒฯ เจี์ย กอน หฌาว นิ่น บัว. นิ่น ก๊อง,
3“กั้น ฮิ้ว ตุ๊ กั้น เฉียม หฒุ ทิน-ฮู่ง วั้ว เต๋ย, ม่าย เฌียน-โย่ว อ๊ะ,
เหว่ย หฒุ ม่าย ทิน-ฮู่ง โหฒว เฒี้ยว กุ๊น นิ่น บัว.
4ม่าย โยว-เฑ่า วั้ว เต๋ย, ม่าย เฌียน-โย่ว อ๊ะ,
เหว่ย หฒุ ทิน-ฮู่ง อ๋อย เถง ไจ๊ โยว-เฑ่า.#อิสะยา 61:2
5เฮญี้ยว ส่วน วั้ว เต๋ย, ม่าย เฌียน-โย่ว อ๊ะ,
เหว่ย หฒุ ทิน-ฮู่ง แล์ง ปุน เญย, นิ่น บัว อ๋อย ตุ๊ ฒิบ เหฑ่ง.#5:5 กีก หว่า ก๊อง “นิ่น บัว อ๋อย หฑิบ ลู่ง เดี๊ย เญย เดา-เป้ย”.#สีง ฑูง 37:11
6หง่อ อ๋อย โหฒว หอบ ทิน-ฮู่ง เญย เฮญี้ยว วั้ว เต๋ย, ม่าย เฌียน-โย่ว อ๊ะ,
เหว่ย หฒุ ทิน-ฮู่ง อ๋อย ปุน นิ่น บัว ตุ๊ ปวั๊ง เอ๋ย.#อิสะยา 55:1-2
7ค้อ-เลี่ยน เมี่ยน วั้ว เต๋ย, ม่าย เฌียน-โย่ว อ๊ะ,
เหว่ย หฒุ ทิน-ฮู่ง อ๋อย ค้อ-เลี่ยน นิ่น บัว.
8ม่าย ธีง-เหฑ่ง เญย เฮญี้ยว วั้ว เต๋ย, ม่าย เฌียน-โย่ว อ๊ะ,
เหว่ย หฒุ นิ่น บัว อ๋อย ตุ๊ ปวัด ทิน-ฮู่ง.#สีง ฑูง 24:3-4
9ขวิน อี ปูง เมี่ยน หอบ เฮญี้ยว ต้าย ม่าย แป้ง ออน วั้ว เต๋ย, ม่าย เฌียน-โย่ว อ๊ะ,
เหว่ย หฒุ ทิน-ฮู่ง อ๋อย เหญี่ยม นิ่น บัว โหฒว นิ่น เญย น่าม โญ์ว.
10เหว่ย โหฒว เอย ทิน-ฮู่ง เญย เอ๋ย หฒุ เมี่ยน โหฒว โตะ วั้ว เต๋ย, ม่าย เฌียน-โย่ว อ๊ะ,
เหว่ย หฒุ ม่าย ทิน-ฮู่ง โหฒว นิ่น บัว เญย เฒี้ยว กุ๊น นิ่น บัว.#1 ปีเต 3:14
11“เม่ย บัว เหว่ย เยีย หฒุ เมี่ยน ก๊อง โตะ, โหฒว โตะ, หฒุ เมี่ยน ก๊อง หญู่งๆ หว่าย เญย เจ๊า,#5:11 ม่าย เต๋ย โซว แอ๋ง จา หว่า ก๊อง มป่า จ๊า เญย. เม่ย บัว ฯฒฯ ม่าย เฌียน-โย่ว อ๊ะ.#1 ปีเต 4:14 12อ๋อย หฒุ เฌียน-โย่ว อะเฮน้ย เหว่ย หฒุ เยียม วั้ว ทิน-ต้อง ม่าย ต้ม ฒี่ง เหญ่ย อ๋อย ปุน เม่ย บัว. ฒิ่น ด่าง โต่ว หว่า เมี่ยน ฟี่ ฮนั้ง เญย หฒุ เมี่ยน โหฒว โตะ.#2 ฒุ่น ต่อย โต้ว 36:16; กง-โฒ่ 7:52
บัว เซ เป๊ย เฑ้า เหธา ฌัง
(เป๊ย หมั่ง มาโค 9:50; ลูกา 14:34-35)
13“เม่ย บัว เซ ฮนั้ง เฑ้า เหว่ย เยียม ป้าม เมี่ยน บุด๋ง. มป่า สี ก๊อง เฑ้า เญย เหมวย ถุย ฒ้าม มี่ง, ฮนั้ง หาย นอ หน่อย ตุ๊ แอ๋ง ฑ่าย ต้าย? น้าย เต๋ย เฑ้า ไม้ ลั่ม หล่ง อ๊ะ. อ๋อย หฒุ โต๋ กวั่ง ปุน เมี่ยน ธ้าย ฮนั้ง.
14“เม่ย บัว เซ ฮนั้ง ฌัง เหว่ย หฒิว ลู่ง เดี๊ย เมี่ยน. เหยียด นอม ฒี่ง เยียม วั้ว บง-นี้ง ไม้ ไฮ่ ปี๋ง ไม้ เบว์ย เมี่ยน.#โยฮัน 8:12; 9:5 15หย่า ไม้ ม่าย เมี่ยน เตี๊ยม เหฒียะ ตัง ต้าย, เฒาะ ท้ง ฆบ เจี๊ยน. ตัง มต้าย ตน ตัง เญย ป้าย หฒิว ฌัง เหยียด เปย๊า เมี่ยน.#มาโค 4:21; ลูกา 8:16; 11:33 16เม่ย บัว หย่า อ๋อย หฒุ ฮนั้ง ตัง นอ, หฒิว ลู่ง เดี๊ย เมี่ยน. ฮนั้ง หน่าย, นิ่น บัว ตุ๊ ปวัด เม่ย บัว โหฒว เญย คู้ สี่ ฯฒฯ ท่าย เม่ย บัว เญย ทิน-ต้อง เตี๋ย.#1 ปีเต 2:12
เยซู หฌาว เล์ย-หลัด เญย เจ๊า
17“ไม้ ตู๋ง ฮนั้ม เยีย ต้าย กวั่ง โมเซ เญย เล์ย-หลัด เหธา ทิน-ฮู่ง เญย โต่ว หว่า เมี่ยน หฌาว เญย หว่า. เยีย ไม้ เฒ์ย ต้าย กวั่ง. เยีย ต้าย เหว่ย ปุน เหยียด ฒู้ง ธ้วด ต้าย เฒียน.
18“เยีย ก๊อง เฒียน บั๋ว เม่ย บัว, ม่าย ลู่ง เหธา เดา หธ่อ เยียม เจี๊ยน เญย เฒี่ยง โห่, เล์ย-หลัด เญย เหยียด ติ๊ม เหยียด แหวะ หฑั่ง ฒู้ง ไม้ ไฮ่ ด๊อด. ฒั้ว เถา หญู่งๆ ตุ้น ยุ่น เหฑ่ง.#ลูกา 16:17
19“ฮนั้ง หน่าย, หาย เต้า ป์าม เลี่ยม ไฝ เจี๋ย วั้ว ติ้ว เล์ย, แอ๋ง หฌาว เมี่ยน ฟี่ ฮนั้ง เญย ป์าม, วั้ว เต้า เยียม ทิน-ฮู่ง เญย กั๊วะ หฒุ โหฒว เก้า ไฝ เจี๋ย. มป่า หาย เต้า หมวัง เหฑ่ง เล์ย, แอ๋ง หฌาว เมี่ยน ฟี่ ฮนั้ง เญย โหฒว, วั้ว เต้า เยียม ทิน-ฮู่ง เญย กั๊วะ ตุ๊ โหฒว โฮล. 20เยีย ฯฒฯ บั๋ว เม่ย บัว, เม่ย บัว อ๋อย หฒุ กัน ทิน-ฮู่ง เก้า หลง หฌาว เล์ย เญย ฟิน-แซง เหธา ฟาลิสี เมี่ยน. ไม้ เฒย แอ๊ะ, เม่ย บัว ฒู้ง ไม้ ตุ๊ เปียะ#5:20 ไฟ “เหยียด ลิ์ว ไม้ ตุ๊ เปียะ”. ทิน-ฮู่ง เญย กั๊วะ.
เยซู หฌาว เฉีย เจี์ย เญย เจ๊า
21“โล์-ฮนอย หฌาว เมี่ยน น้าย เต๋ย หว่า เม่ย บัว ไฮ์ เจี๋ย เญย, ‘ไม้ ตู๋ง ไต๋ เมี่ยน.#ธ้วด อียิบ 20:13; หฑั่ม เล์ย-หลัด 5:17 หาย เต้า ไต๋ เมี่ยน อ๋อย หฒุ ตี่ง ฒุ์ย.’ 22มป่า เยีย บั๋ว เม่ย บัว, หาย เต้า เฉีย เจี์ย นิ่น เญย ก๋อ-โย์ว, ฒู้ง หฒุ เซี้ยม ฒุ์ย อ๊ะ. หาย เต้า เหม นิ่น เญย ก๋อ-โย์ว, ‘กะน้าย-หฮงง อ้า!’ วั้ว เต้า หฒุ ต้อ มี่ง กุ๊น สี่ หวุ่ย เซี้ยม ฒุ์ย. หาย เต้า เหม นิ่น เญย ก๋อ-โย์ว, ‘กะน้าย-บัว พิ,’ กั้ม เหฑีย วั้ว เต้า หฒี่ ตุ๊ ด๊อด เต่ย หญัวะ เญย โต์ว.
23“ฮนั้ง น้าย นอ, สี ก๊อง เม่ย ต้อ กะน้าย มี่ง เหฒี่ย-ต้อง อ๋อย เหฒี่ย ปุน ทิน-ฮู่ง, มป่า เถา วั้ว จั๋ง หฒุ เม่ย เญย ก๋อ-โย์ว ม่าย หาย หญู่ง เหธา เม่ย ไม้ หอบ, 24อ๋อย หฒุ เฒาะ เม่ย ต้อ มี่ง เญย กะน้าย อัน เจี๊ยน เหฒี่ย-ต้อง กะเฮลน, มี่ง เหธา เม่ย เญย ก๋อ-โย์ว ก๊อง หอบ. ก๊อง ซูง ลิ์ว หธีง ต้าย เฒาะ เม่ย เญย กะน้าย เหฒี่ย ปุน ทิน-ฮู่ง.
25“ก๊อง ฮนั้ง ม่าย เมี่ยน โก๋ เม่ย, ต้อ เม่ย มี่ง วั้ว สี่ ต้อง, เม่ย เหธา นิ่น มี่ง ไม้ แก้ง เถา สี่ ต้อง, อ๋อย หฒุ เหธา นิ่น ก๊อง หอบ. ฒั้ว เถา สี่ ต้อง, เหฑีย นิ่น อ๋อย เฒาะ เม่ย จิว ปุน เซี้ยม ฒุ์ย เจียน. เซี้ยม ฒุ์ย เจียน แอ๋ง เฒาะ เม่ย จิว ปุน ฮู่ง แปง. เม่ย ฯฒฯ หฒุ หววน เจี๊ยน โล่ อ๊ะ. 26เยีย ก๊อง เฒียน บั๋ว เม่ย, เม่ย อ๋อย หฒุ หววน เจี๊ยน โล่ ฒั้ว เถา เม่ย จ๊าว ซูง เหฑ่ง, ไม้ ธา เหยียด นอม ต้ง ฒิ่น เญย แฒะ หธีง ตุ๊ ธ้วด.
เหฮยียน เอ๊า เหฮยียน โหฆ เญย เจ๊า
27“เม่ย บัว ไฮ์ เจี๋ย โล์-ฮนอย หฌาว เมี่ยน น้าย เต๋ย หว่า, ‘ไม้ ตู๋ง เหฮยียน เอ๊า เหฮยียน โหฆ.’#ธ้วด อียิบ 20:14; หฑั่ม เล์ย-หลัด 5:18 28มป่า อี้ หฒั่น เยีย บั๋ว เม่ย บัว, หาย เต้า ปวัด เต้า มเซียะ ตอน หย่า ไฮ์ หั่น, เซ ต๋อง เยียม เฮญี้ยว เหฮยียน ลิ์ว อ๊ะ. 29ฮนั้ง หน่าย, สี ก๊อง เม่ย เญย บย่าว ปูง มฒีง ดั๊ว เม่ย ป์าม ฒุ์ย, อ๋อย หฒุ เกว๋ย กวั่ง. เม่ย เญย ซิน หว่าย ฝัง หธ่อ เก้า หลง เม่ย เญย เฒี่ยง ซิน หฒุ ด๊อด เต่ย หญัวะ.#มัดทาย 18:9; มาโค 9:47 30ก๊อง ฮนั้ง เม่ย เญย บย่าว เจี๊ยะ ปั์ว ปุน เม่ย ป์าม ฒุ์ย, อ๋อย หฒุ ฮงะ กวั่ง. โหฒะ เจี๊ยะ ปั์ว หธ่อ เก้า หลง เม่ย เญย เฒี่ยง ซิน หฒุ ด๊อด เต่ย หญัวะ.#มัดทาย 18:8; มาโค 9:43
เล่ย ไธ-ต๋อย เญย เจ๊า
(เป๊ย หมั่ง มัดทาย 19:9; มาโค 10:11-12; ลูกา 16:18)
31“แอ๋ง ม่าย โจ๋ว หว่า ก๊อง, ‘หาย เต้า เล่ย นิ่น เญย เอ๊า อ๋อย หฒุ เฟี้ย เฒ้ย เล่ย ไธ โซว ปุน เจี๊ยน นิ่น.’#หฑั่ม เล์ย-หลัด 24:1-4; มัดทาย 19:7; มาโค 10:4 32มป่า อี้ หฒั่น เยีย บั๋ว เม่ย บัว, หาย เต้า เล่ย นิ่น เญย เอ๊า หย่า ไม้ เฒ์ย หลาย นิ่น เญย เอ๊า เหฮยียน โหฆ, วั้ว เต้า เอ๊า แอ๋ง มี่ง หล่ง เซียง-โหฆ, วั้ว เต้า โล์-โหฆ โหฒว ปุน นิ่น เญย เอ๊า เป๋น เหฮยียน โหฆ เญย เมี่ยน. นิ่น หล่ง วั้ว เต้า เซียง-โหฆ หย่า เป๋น เหฮยียน เอ๊า เญย เมี่ยน อ๊ะ.#มัดทาย 19:9; มาโค 10:11-12; ลูกา 16:18; 1 โคลินโท 7:10-11
แล์ง แหง่ง หว่า เญย เจ๊า
33“โล์-ฮนอย หฌาว เมี่ยน น้าย เต๋ย หว่า เม่ย บัว หย่า ไฮ์ หมี่ อ๊ะ. หว่า ก๊อง, ‘ไม้ ตู๋ง ปู๋ง ด๊อด เม่ย แล์ง เญย หว่า. เม่ย เยียม เฒี้ยว เญย หฑะเฮมียน แล์ง หาย หญู่ง หว่า อ๋อย หฒุ เอย เจี๊ยน โหฒว.’#เลวี 19:12; ซ้าว เมี่ยน 30:2; หฑั่ม เล์ย-หลัด 23:21 34มป่า อี้ หฒั่น เยีย บั๋ว เม่ย บัว, ไม้ ตู๋ง เฒี้ยง หาย หญู่ง แล์ง หว่า. ไม้ ตู๋ง เฒี้ยง ทิน-ต้อง แล์ง หว่า, เหว่ย หฒุ ทิน-ต้อง เซ ทิน-ฮู่ง เญย เหว่ย.#อิสะยา 66:1; มัดทาย 23:22; ยากอบ 5:12 35หย่า ไม้ ตู๋ง เฒี้ยง เดา, เหว่ย หฒุ เดา เซ นิ่น หลอง เหฒา เญย ต๋อง.#อิสะยา 66:1 หย่า ไม้ ตู๋ง เฒี้ยง เยลูซาเลม ฒี่ง แล์ง หว่า, เหว่ย หฒุ น้าย นอม ฒี่ง เซ ต้ม ฮู่ง เตี๋ย เญย ฒี่ง.#สีง ฑูง 48:2 36เลี่ยม ไม้ ตู๋ง เฒี้ยง เม่ย เญย มฆ้อง แล์ง หว่า เหว่ย หฒุ เม่ย ไม้ ไฮ่ โหฒว เหยียด ติ้ว เม่ย เญย บะเปยย แปะ ไฟ เจี๊ยะ. 37เม่ย ขูง อ๋อย หฒุ ก๊อง หฒะ เฒ์ย ไฟ ไม้ เฒ์ย เก๋า อ๊ะ. แอ๋ง ก๊อง เก้า ธั้ม หน่าย เซ เยียม ฮยวัง เอ๊าะ วั้ว เต้า ต้าย.
เยซู หฌาว จ๊าว วิน เญย เจ๊า
(เป๊ย หมั่ง ลูกา 6:29-30)
38“เม่ย บัว ไฮ์ เจี๋ย โล์-ฮนอย หฌาว เมี่ยน น้าย โจ๋ว หว่า, ‘มฒีง จ๊าว มฒีง, ญ่า จ๊าว ญ่า.’#ธ้วด อียิบ 21:24; เลวี 24:20; หฑั่ม เล์ย-หลัด 19:21 39มป่า อี้ หฒั่น เยีย ก๊อง บั๋ว เม่ย บัว, เมี่ยน โหฒว ต่อง ปุน เม่ย, ไม้ ตู๋ง จ๊าว วิน. สี ก๊อง ม่าย เมี่ยน ไบ๋ เม่ย เญย บย่าว ปูง เฮมียน, อ๋อย หฒุ เลี่ยม หฒาย แหมง ปูง ฮวิน มี่ง ปุน นิ่น ไบ๋.
40“สี ก๊อง ม่าย เต้า เมี่ยน ต้อ เม่ย มี่ง สี่ ต้อง อ๋อย โก๋ หล่ง เม่ย เญย ลุย, เลี่ยม เม่ย เญย ต้ม ลุย หย่า อ๋อย หฒุ ปุน นิ่น.
41“สี ก๊อง ม่าย เต้า เมี่ยน เฒาะ เม่ย ฝูง โปว, อ๊าบ เม่ย เหญีย นิ่น เญย กะน้าย เหยียด กีโล เจ๊า, เม่ย อ๋อย หฒุ เถง เหญีย มี่ง อี กีโล.
42“ม่าย เมี่ยน เถง เม่ย โท้ หาย หญู่ง, เม่ย อ๋อย หฒุ ปุน อ๊ะ. ม่าย เมี่ยน อ๋อย ก๊า เม่ย เญย กะน้าย หล่ง, หย่า อ๋อย หฒุ ปุน นิ่น หล่ง.
เยซู หฌาว เมี่ยน อ๋อย หฒุ ฮนั้ม วิน-วั้ง
(เป๊ย หมั่ง ลูกา 6:27-28,32-36)
43“เม่ย บัว ไฮ์ เจี๋ย โล์-ฮนอย เมี่ยน หฌาว น้าย เต๋ย หว่า, ‘อ๋อย หฒุ ฮนั้ม เม่ย เญย ก๋อ-โย์ว, ฑอง เม่ย เญย วิน-วั้ง.’ 44มป่า อี้ หฒั่น เยีย ก๊อง บั๋ว เม่ย บัว, อ๋อย หฒุ ฮนั้ม เม่ย บัว เญย วิน-วั้ง. โหฒว โตะ เม่ย บัว วั้ว เต๋ย, อ๋อย หฒุ เถง นิ่น บัว เต๋า เก๋า. 45เม่ย บัว ฮนั้ง น้าย นอ โหฒว, เม่ย บัว ฯฒฯ เป๋น เม่ย บัว เญย ทิน-ต้อง เตี๋ย เญย ตอน อ๊ะ.
“ไม้ กุ๊น คู้ เมี่ยน ไฟ เมี่ยน หว่าย เมี่ยน, ทิน-ฮู่ง หย่า ปุน บะฮนอย หฒิว ฟี่ ฮนั้ง เญย. นิ่น หย่า ปุน ลู่ง ตุ้ย บยู่ง เถง โหฒว หลง โหฒว หว่าย เญย เมี่ยน ตุ๊ ฟี่ ฮนั้ง.
46“สี ก๊อง เม่ย บัว ขูง ฮนั้ม ต้ง ฮนั้ม เม่ย บัว วั้ว เต๋ย เมี่ยน ฮนั้ง, ทิน-ฮู่ง เหว่ย หาย ติ่ว หอบ หฒุ ปุน ฒี่ง เหญ่ย เม่ย บัว? เลี่ยม เถง โลมา ฮู่ง จา เซียว โฑว-ฒิ่น วั้ว เต๋ย เมี่ยน หย่า ฮนั้ง น้าย นอ โหฒว. 47สี ก๊อง เม่ย บัว ขูง เหธา เม่ย บัว ฮนั้ม วั้ว เต๋ย เมี่ยน ก๊อง หว่า ฮนั้ง, เม่ย บัว โหฒว หาย หญู่ง เก้า หลง หฒวัง เมี่ยน? เลี่ยม ไม้ แก้ง ฮิ้ว ตุ๊ ทิน-ฮู่ง วั้ว เต๋ย เมี่ยน หย่า ฮนั้ง หน่าย นอ โหฒว นี!
48“เม่ย บัว อ๋อย หฒุ ตุ้น ยุ่น, ฮนั้ง เม่ย บัว เญย ทิน-ต้อง เตี๋ย นอ, ตุ้น ยุ่น.#เลวี 19:2; หฑั่ม เล์ย-หลัด 18:13
Currently Selected:
มัดทาย 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007