มัดทาย 4
4
เยซู หฒุ เมี้ยน เญย ฮู่ง เสย
(เป๊ย หมั่ง มาโค 1:12-13; ลูกา 4:1-13)
1เยซู เจี๋ย ลิ์ว ววม เญย เล์ย, สีง ลี่ง ฯฒฯ ต้อ นิ่น มี่ง เต่ย-ปูง-ฮวาง หฒุ เมี้ยน เญย ฮู่ง เสย.#ฮิบลู 2:18; 4:15 2เฝย เหฒียบ ฮนอย เฝย เหฒียบ ม์วน เยซู เฒย ไม้ หญั่น หาย หญู่ง, เฮญี้ยว ฯฒฯ เซีย อ๊ะ. 3เมี้ยน เญย ฮู่ง ฯฒฯ ต้าย ล์อ นิ่น หย่า ก๊อง, “เม่ย หฒะเก้ง ทิน-ฮู่ง เญย ตอน นอ, เห่ว น้าย เต๋ย หละเปย๊ย เป๋น ฌั้ว ต้าย ม่าะ!”
4เยซู เตา, “กีง-โซว เฟี้ย เจี๊ยน ก๊อง,
‘เมี่ยน ไม้ เฒ์ย ขูง เขา หญั่น ฮบ ยู์ง แหม่ง ฮนั้ง,
มป่า อ๋อย หฒุ เขา ทิน-ฮู่ง ก๊อง เญย โจ๋วๆ หว่า.’”#หฑั่ม เล์ย-หลัด 8:3
5เมี้ยน เญย ฮู่ง ฯฒฯ ต้อ เยซู มี่ง ธีง-เหฑ่ง เญย ฒี่ง, เยลูซาเลม, ปุน นิ่น เยียม หฒั่ง ทิน-ฮู่ง เญย เปย๊า ฮลัง เจี๋ย เญย ต๋อง, 6ก๊อง บั๋ว นิ่น, “เม่ย หฒะเก้ง ทิน-ฮู่ง เญย ตอน นอ, ปิว เหฌี่ย ก๋า. เหว่ย หฒุ กีง-โซว เฟี้ย เจี๊ยน ก๊อง,
‘ทิน-ฮู่ง อ๋อย พ้าย นิ่น เญย ฟิน-เมี่ยน โก๋ว เจี๊ยน เม่ย.
นิ่น บัว ฯฒฯ หล่ง ปั์ว โป้ว เจี๊ยน เม่ย,
ไม้ ปุน เม่ย เญย เหฒา ฒง หฒุ หละเปย๊ย.’”#สีง ฑูง 91:11-12
7เยซู เตา, “มป่า กีง-โซว หย่า เฟี้ย เจี๊ยน ก๊อง,
‘ไม้ ตู๋ง เสย เฒี้ยว, เม่ย เญย ทิน-ฮู่ง.’”#หฑั่ม เล์ย-หลัด 6:16
8เมี้ยน เญย ฮู่ง แอ๋ง ต้อ เยซู ฝาว นอม ฮลัง ไห่ เญย บง, ปุน นิ่น หมั่ง ลู่ง เดี๊ย หม่าน กั๊วะ หย่า หมั่ง หม่าน กั๊วะ เญย ฌัง-หล่าง. 9เมี้ยน เญย ฮู่ง ก๊อง, “สี ก๊อง เม่ย เกว่ย เหฌี่ย ป๋าย เยีย, เยีย ฯฒฯ เฒาะ น้าย เต๋ย เหยียด ฒู้ง ปุน เม่ย.”
10เยซู ฯฒฯ เตา, “ซาตาน อ้า! เปย๋า ฆอย ม่าะ! กีง-โซว เฟี้ย เจี๊ยน ก๊อง,
‘อ๋อย หฒุ ป๋าย เฒี้ยว, เม่ย เญย ทิน-ฮู่ง.
ขูง อ๋อย หฒุ ฟู-สู นิ่น ดุ เต้า ฮนั้ง.’”#หฑั่ม เล์ย-หลัด 6:13
11เมี้ยน เญย ฮู่ง เฒียง หน่าย เล่ย ฆอย เยซู หมี่ อ๊ะ. ฟิน-เมี่ยน ฯฒฯ ต้าย หลิ่ว เล์ย เยซู.
เยซู เยียม กาลิลี แซ้ง เจี์ย กอน ฒุ่น โต์
(เป๊ย หมั่ง มาโค 1:14-15; ลูกา 4:14-15)
12เยซู ไฮ์ ก๊อง โยฮัน หฒุ หววน โล่, นิ่น ฯฒฯ มี่ง กาลิลี แซ้ง หมี่ อ๊ะ.#มัดทาย 14:3; มาโค 6:17; ลูกา 3:19-20 13เยซู ไม้ เยียม นาซาเล้ด มู้ง, นิ่น มี่ง เยียม คาเปนาอุม มู้ง, กาลิลี ค้อย-ตอน เฮลน, เสบูลุน เหธา นับทาลี เต่ย เญย กั๊บ-จ๋าย ต๋อง.#โยฮัน 2:12 14ฮนั้ง หน่าย ธ้วด ต้าย เซ เหว่ย ปุน ฒิ่น ด่าง เถง ทิน-ฮู่ง โต่ว หว่า วั้ว เต้า อิสะยา เญย หว่า ต๋อย เหฑ่ง. 15อิสะยา ก๊อง,
“เสบูลุน เหธา นับทาลี เต่ย,
เยียม วั้ว หง่าน หฒิ จอแดน ด้าย,
ต้ง มี่ง ค้อย วั้ว ติ้ว เจ๊า,
เซ จั๋น เยียม เญย เต่ย-ปูง, กาลิลี.#อิสะยา 9:1-2
16เยียม หฮมวัง กะญั์ว เญย แปะ ฝีง,
ฒู้ง ตุ๊ ปวัด ต้ม ฌัง.
เยียม หฒุ ไต่ เญย ต้ง ลิ่น กะญั์ว วั้ว เต๋ย,
ม่าย ฌัง ธ้วด ต้าย หฒิว เจี๊ยน นิ่น บัว.”
17ยั่ง น้าย มี่ง เยซู เจี์ย กอน ฒุ่น โต์. นิ่น ก๊อง, “อ๋อย หฒุ ก๊อย เฮญี้ยว กวั่ง ฒุ์ย. ทิน-ฮู่ง ต้าย โหฒว เฒี้ยว กุ๊น เมี่ยน เญย ฮนอย เถา ฟัด อ๊ะ.”#มัดทาย 3:2
เยซู เห่ว เปยย เต้า เมี่ยน ต้าย โหฒว ไซ-ก๋อ
(เป๊ย หมั่ง มาโค 1:16-20; ลูกา 5:1-11)
18เยซู ยั่ง เจ๊า กัน กาลิลี ค้อย-ตอน เฮลน มี่ง, ปวัด ม่าย อี มั์ว-ตอน. นิ่น บัว โหฒว เฒาะ เบย์า เญย เมี่ยน, เยียม วั้ว ค้อย ป์อง เบย์า. ม่าย เต้า เห่ว ซีโมน, แอ๋ง ม่าย นอม บั๋ว เห่ว ปีเต, เหธา เจี๊ยน นิ่น เญย โย์ว, อันดาลู. 19เยซู บั๋ว นิ่น บัว, “เม่ย บัว ต้าย กัน เยีย โอ่. เยีย อ๋อย หฌาว เม่ย บัว ล์อ เมี่ยน, ฮนั้ง อี้ หฒั่น เม่ย บัว ล์อ เบย์า นอ.” 20นิ่น บัว เลี่ยม เฒ่ย กวั่ง นิ่น บัว เญย มู์ง กัน เจี๊ยน เยซู มี่ง อ๊ะ.
21เยซู เจี๋ย มี่ง เต๋ย แอ๋ง ปวัด เสเบดี เญย อี เต้า ตอน, ยากอบ เหธา โยฮัน. น้าย เต๋ย อี มั์ว เหธา นิ่น บัว เญย เตีย เยียม วั้ว ฑั้ง หลิ่ว เล์ย มู์ง. เยซู เห่ว นิ่น บัว ต้าย. 22นิ่น บัว เลี่ยม เฒ่ย กวั่ง เจี๊ยน นิ่น บัว เญย เตีย, กวั่ง เจี๊ยน ฑั้ง, กัน เยซู มี่ง อ๊ะ.
เยซู ฒุ่น โต์ หย่า หฒ่อ แป่ง
(เป๊ย หมั่ง ลูกา 6:17-19)
23เยซู มี่ง ก๋อม กาลิลี แซ้ง, เยียม นิ่น บัว เญย หวุ่ย ต้อง หฌาว เมี่ยน, หย่า ฒุ่น ทิน-ฮู่ง โหฒว เฒี้ยว กุ๊น เมี่ยน เญย คู้ เฝียน. นิ่น หย่า หฒ่อ หลง หฒวัง เมี่ยน เญย หญู่งๆ แป่ง.#มัดทาย 9:35; มาโค 1:39 24เยซู เญย เม่ง เต้า ซีง ปวั๊ง ซีเลีย เต่ย-ปูง. เมี่ยน ฯฒฯ ต้อ เหยียด ฒู้ง แป่ง เมี่ยน ต้าย ล์อ เยซู, เซ ต้อ ปุ๊ด หญู่งๆ แป่ง เหธา หฒุ เตี๊ย มุน เญย, หฒุ เมี้ยน มัวะ เญย, ปุ๊ด ตู์ง-ดิน เญย, เหธา ปุ๊ด แป่ง-ไบ เญย เมี่ยน ต้าย. เยซู หย่า หฒ่อ หลง นิ่น บัว. 25เมี่ยน ธั้ม ไห่ กัน เจี๊ยน เยซู มี่ง. ม่าย เต๋ย เยียม กาลิลี แซ้ง, ม่าย เต๋ย เยียม โท้ดบุลี#4:25 เอ๋ย เล์ย เซ เหฒียบ นอม ฒี่ง. แซ้ง, ม่าย เต๋ย เยียม เยลูซาเลม ฒี่ง, ม่าย เต๋ย เยียม ยูเดีย แซ้ง, แอ๋ง ม่าย เต๋ย เยียม จอแดน ด้าย เญย ตง ปูง แหมง กัน เจี๊ยน เยซู มี่ง.
Currently Selected:
มัดทาย 4: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007