ทิน เต่ย โต้ว 32

ยาโค้บ เบ่น เจี๊ยน อ๋อย ปวั้ง เอซาว

1ยาโค้บ กัน เจี๊ยน เจ๊า มี่ง วั้ว หฒั่น, ม่าย เต๋ย ทิน-ฮู่ง เญย ฟิน-เมี่ยน ต้าย ปวั้ง นิ่น. 2ยาโค้บ ปวัด ฟิน-เมี่ยน นิ่น ก๊อง, “น้าย เซ ทิน-ฮู่ง เญย แปง.”#32:2 ไฟ “ทิน-ฮู่ง เญย ด๊บ-ลิ่ว เธี้ยง”. นิ่น ฯฒฯ ธ้วด วั้ว นอม ต๋อง เญย บั๋ว เห่ว มาหะนาอิม.#32:2 มาหะนาอิม เญย เอ๋ย เล์ย เซ อี กวั้น แปง ไฟ อี นอม ด๊บ-ลิ่ว เธี้ยง.

3ยาโค้บ พ้าย เต๋ย โต่ว เฝียน เมี่ยน มี่ง ด่าง เถา เสอี เต่ย, เอโดม เต่ย-ปูง, ล์อ นิ่น เญย ก๋อ, เอซาว. 4นิ่น หย่า หฌาว เหฒียง หว่า นิ่น บัว. นิ่น ก๊อง, “เม่ย บัว อ๋อย หฒุ ฮนั้ง น้าย นอ บั๋ว เยีย เญย เฒี้ยว, เอซาว, โอ่. บั๋ว นิ่น, ‘เม่ย เญย โปว, ยาโค้บ, ก๊อง, เยีย มี่ง เหธา ลาบาน เยียม เถา อี้ หฒั่น. 5เยีย ม่าย ง่ง, ล่อ, ปะกี ยู่ง เหธา ยู่ง, ม่าย โน่ว เก๊า โน่ว เป์ย. เยีย พ้าย เมี่ยน มี่ง บั๋ว เม่ย, เยีย เญย เฒี้ยว, โท้ เม่ย ฆอย ฟิม ฆอย เอ๋ย ปุน เยีย.’”

6โต่ว เฝียน เมี่ยน หฑวน เถา ยาโค้บ วั้ว ก๊อง, “เยีย บัว เถา เม่ย เญย ก๋อ เอซาว วั้ว หมี่ อ๊ะ. อี้ หฒั่น นิ่น ต้าย ปวั้ง เม่ย, แอ๋ง ม่าย เฝย แป๊ะ เต้า เมี่ยน เหธา เจี๊ยน นิ่น ต้าย.”

7ยาโค้บ กั้ม เหฑีย ไห่ หย่า เฑ่า ไห่ อ๊ะ, ฯฒฯ เฒาะ กัน นิ่น ต้าย เญย เมี่ยน เหธา ง่ง กวั้น, ปะกี ยู่ง กวั้น, ยู่ง กวั้น, เหธา ล่อ ท่อ ปุน ฆอย โหฒว อี กวั้น. 8นิ่น เยียม เฮญี้ยว ฮนั้ม, “สี ก๊อง เอซาว ต้าย โหฒว หว่าย ต้าว กวั้น, ตะเหญ่ย กวั้น หธ่อ ไฮ่ เปย๋า ตุ๊ ดุ๊ด.”

9ยาโค้บ เต๋า เก๋า ก๊อง, “เยีย เญย อง, อับลาฮัม, เญย ทิน-ฮู่ง เหธา เยีย เญย เตีย, อีสัก, เญย ทิน-ฮู่ง อ่า. โอ เฒี้ยว, เม่ย บั๋ว เยีย หฑวน เยีย กั้น เญย ป๊วน-เต่ย-ปูง, เยีย เญย เธียน-เธะ มั์ว-ต่อย เญย ต๋อง. เม่ย หย่า อ๋อย ปุน เยีย ตุ๊ หลง. 10เยีย ไม้ ผุย เม่ย ด่ง น้าย ค้อ-เลี่ยน, เหฒียบ ฒัวะ เญย โหฒว ปุน เยีย, เม่ย เญย โปว. เจี๋ย จอแดน ด้าย วั้ว หฒั่น เยีย ขูง ม่าย ดุ ติ้ว ปย๊า-บย่า ฮนั้ง. อี้ หฒั่น เยีย แอ๋ง หฑวน ม่าย น้าย เต๋ย อี กวั้น เมี่ยน เหธา แซง-คู้.#32:10 ไฟ อี นอม เธี้ยง. 11โท้ เม่ย เหฌียว เยีย เปย๋า ดุ๊ด เยีย เญย ก๋อ, เอซาว, เญย ปั์ว-เดี๊ย เหว่ย หฒุ เยีย กั้ม เหฑีย นิ่น อ๋อย ต้าย ไต๋ เหฑ่ง เยีย บัว, เลี่ยม มเซียะ ตอน เหธา ฝุเจว๊ย ไต๋ เหฑ่ง. 12เฒี้ยว ก๊อง เจี๋ย, ‘เยีย อ๋อย ปุน เม่ย ตุ๊ หลง หย่า ปุน เม่ย เญย เฒ้ย-ฟุน ด่ง ค้อย-เฮลน#32:12 ฮิบลู หว่า ขูง ก๊อง ค้อย ฮนั้ง. เญย ซา-เฒียว ธั้ม, ฒู้ง ซ้าว ไม้ เฒี์ยน.’”#ทิน เต่ย โต้ว 22:17

ยาโค้บ ฝูง ฒี่ง เหญ่ย ปุน เอซาว

13วั้ว ม์วน ยาโค้บ ฮิด วั้ว นอม ต๋อง. นิ่น กิ๊น ธ้วด เต๋ย นิ่น ม่าย เญย กะน้าย โหฒว ฒี่ง เหญ่ย ปุน นิ่น เญย ก๋อ, เอซาว. 14นิ่น เฒาะ ธ้วด หญี่ แป๊ะ เต้า ยู่ง เญ์ย, หญี่ เหฒียบ เต้า ยู่ง โก๊ว, เหธา หญี่ แป๊ะ เต้า ปะกี ยู่ง เญ์ย, หญี่ เหฒียบ เต้า ปะกี ยู่ง โก๊ว, 15เหธา ฟ่า เหฒียบ เต้า ล่อ ท่อ ต้อ เจี๊ยน ตอน เญย, เหธา เฝย เหฒียบ เต้า ง่ง เญ์ย, เหฒียบ เต้า ง่ง โก๊ว, เหธา หญี่ เหฒียบ เต้า ล่อ เญ์ย, เหฒียบ เต้า ล่อ โก๊ว. 16นิ่น ปุน ฆอย เหยียด หญู่ง โหฒว เหยียด กวั้น, เหยียด กวั้น ปุน เหยียด เต้า โปว โก๋ว. นิ่น แอ๋ง บั๋ว โปว, “เม่ย อ๋อย หฒุ ฮ่อง แซง-คู้ มี่ง ด่าง เยีย. เหยียด กวั้น เหธา เหยียด กวั้น อ๋อย หฒุ เล่ย ซา เต๋ย.”

17ยาโค้บ หย่า ก๊อง บั๋ว มี่ง ด่าง วั้ว เต้า, “ปวั้ง หฒุ เยีย เญย ก๋อ, เอซาว, วั้ว หฒั่น, นิ่น หน่าย ก๋า เม่ย, ‘เม่ย เญย เฒี้ยว ต้ง หาย เต้า?’ เหธา ‘เม่ย มี่ง หาย? มี่ง ด่าง น้าย เต๋ย แซง-คู้ เซ หาย เต้า เญย?’ 18อ๋อย หฒุ ฮนั้ง น้าย นอ เตา. ‘ต้ง เม่ย เญย โปว, ยาโค้บ, เญย. นิ่น ฝูง น้าย เต๋ย แซง-คู้ ต้าย โหฒว ฒี่ง เหญ่ย ปุน นิ่น เญย เฒี้ยว, เอซาว. ยาโค้บ กั้น หย่า กัน เจี๊ยน ฆะฮ้า ต้าย.’”

19ยาโค้บ หฌาว เหฒียง ตะเหญ่ย เหธา ตะฟาม แอ๋ง เหธา เต้าๆ ฮ่อง แซง-คู้ เญย เมี่ยน, “ปวั้ง เอซาว เญย เฒี่ยง โห่ อ๋อย หฒุ ต้ง โจ๋ว หว่า ก๊อง. 20เม่ย บัว อ๋อย หฒุ ก๊อง, ‘เม่ย เญย โปว, ยาโค้บ, กัน เจี๊ยน เยีย บัว ฆะฮ้า ต้าย.’” เหว่ย หฒุ ยาโค้บ เยียม เฮญี้ยว ฮนั้ม, “เยีย ฝูง ฒี่ง เหญ่ย มี่ง ด่าง นุ์น เจี๊ยน นิ่น เญย เฮญี้ยว. เยีย ตุ๊ ปวัด นิ่น เญย เฮมียน เหฑีย นิ่น เหธา เยีย โหฒว หอบ มเปย.” 21ยาโค้บ ฝูง ฒี่ง เหญ่ย มี่ง ด่าง. นิ่น กั้น แอ๊ะ, แอ๋ง เปว๋ย ม์วน วั้ว ด๊บ-ลิ่ว เธี้ยง.

ยาโค้บ เยียม เปนีเอน ป์อง จ๋า

22วั้ว ม์วน ยาโค้บ เจี์ย ซิน ต้อ นิ่น เญย อี เต้า เอ๊า, อี เต้า โน่ว เป์ย, เหธา นิ่น เญย เหฒียบ เยี้ยด เต้า ฝุเจว๊ย, ยั่ง ยับบอก ด้าย เญย เจ๊า-โป่ว เจี๋ย วั้ว หง่าน หฒิ ยับบอก ด้าย. 23นิ่น แอ๋ง ฝูง นิ่น เญย เหยียด ฒู้ง กะน้าย เจี๋ย เหฑ่ง. 24ขูง เหฒ่ง นิ่น กั้น เยียม วั้ว ฮนั้ง. แอ๋ง ม่าย เต้า เมี่ยน ต้าย เหธา นิ่น ป์อง จ๋า เถา ลู่ง อ๊า ลั่ม ฌัง.#โฮเซยา 12:3-4 25วั้ว เต้า เมี่ยน ไฮ์ นิ่น ป์อง ไม้ ฮี่ง ยาโค้บ, นิ่น ฯฒฯ มัวะ ยาโค้บ เญย ธั่ม ฒุ่ย บู๊ง พยัด มี่ง.

26วั้ว เต้า เมี่ยน ก๊อง, “ปู๋ง เยีย ม่าะ! ลู่ง ฌัง อ๊ะ นีอา.”

ยาโค้บ เตา, “เม่ย ไม้ ปวัง หว่า เยีย นอ, เยีย ไม้ ปู๋ง เม่ย.”

27วั้ว เต้า เมี่ยน หน่าย ก๋า, “เม่ย เญย บั๋ว เห่ว หาย หญู่ง?”

นิ่น เตา, “เยีย เห่ว ยาโค้บ.”

28วั้ว เต้า เมี่ยน ก๊อง, “เยียม น้าย มี่ง เม่ย เญย บั๋ว ไม้ เห่ว ยาโค้บ อ๊ะ. เม่ย เญย บั๋ว เห่ว อิสะลาเอน,#32:28 อิสะลาเอน เญย เอ๋ย เล์ย เซ “นิ่น เหธา ทิน-ฮู่ง ป์อง จ๋า.” เหว่ย หฒุ เม่ย เหธา ทิน-ฮู่ง ป์อง จ๋า หย่า ป์อง ตุ๊ ฮี่ง. เหธา เมี่ยน ป์อง จ๋า หย่า ป์อง ตุ๊ ฮี่ง.”#ทิน เต่ย โต้ว 35:10

29ยาโค้บ ก๊อง, “โท้ บั๋ว เยีย, เม่ย เญย บั๋ว เห่ว หาย หญู่ง?”#ต้ม เจียน 13:17-18

มป่า นิ่น เตา, “เม่ย เหว่ย หาย ติ่ว หน่าย เยีย เญย บั๋ว?” นิ่น ฯฒฯ เยียม วั้ว ปวัง หว่า ยาโค้บ.

30ยาโค้บ ก๊อง, “เยีย เฮมียน ต๋อย เฮมียน ปวัด ลิ์ว ทิน-ฮู่ง, เยีย หธ่อ ม่าย แหม่ง เฒี่ยง เญย.” นิ่น ฯฒฯ ธ้วด วั้ว นอม ต๋อง เญย บั๋ว เห่ว เปนีเอน.#32:30 เปนีเอน เญย เอ๋ย เล์ย เซ ทิน-ฮู่ง เญย เฮมียน. 31ยาโค้บ เจี๋ย เปนีเอน วั้ว หฒั่น, บะฮนอย ธ้วด ต้าย อ๊ะ. นิ่น ฯฒฯ หละไบๆ เญย มี่ง อ๊ะ, หลาย นิ่น เญย ธั่ม ฒุ่ย บู๊ง พยัด มี่ง. 32หลาย ยาโค้บ หฒุ วั้ว เต้า เมี่ยน มัวะ นิ่น เญย ธั่ม ฒุ่ย บู๊ง พยัด มี่ง, เยียม หน่าย ต้าย เถา อี้ หฒั่น, อิสะลาเอน เมี่ยน ไม้ หญั่น ธั่ม ฒุ่ย บู๊ง เญย จาน.

Currently Selected:

ทิน เต่ย โต้ว 32: IuMiTH

Highlight

Copy