ทิน เต่ย โต้ว 29

ยาโค้บ มี่ง เถา ลาบาน เญย เปย๊า

1ยาโค้บ แอ๋ง กัน เจี๊ยน เจ๊า มี่ง เถา ตง ปูง เมี่ยน เญย เต่ย-ปูง. 2เยียม วั้ว นิ่น ปวัด นอม ววม-ค้วด เยียม หล่ม-ฮวาง กะญั์ว. ม่าย ปัว กวั้น ปะกี ยู่ง เปว๋ย เจี๊ยน ววม-ค้วด กะเฮลน เหว่ย หฒุ โก๋ว ยู่ง เญย เมี่ยน ฒ่าง น้าย นอม ววม-ค้วด เญย ววม ปุน ยู่ง ฮบ. ปวัง เจี๊ยน ววม-ค้วด วั้ว คว้าย หละเปย๊ย หย่า โฮล เญย. 3ฒั้ว กวั้นๆ ปะกี ยู่ง เถา ฑ่อย, หมั่ง ยู่ง เญย เมี่ยน ฯฒฯ เฑียน ฆอย หละเปย๊ย, ฒ่าง ววม ต้าย ปุน ยู่ง ฮบ. ฮบ ลิ์ว, นิ่น บัว แอ๋ง เฒาะ วั้ว คว้าย หละเปย๊ย ก๊ม เจี๊ยน ววม-ค้วด.

4ยาโค้บ หน่าย ก๋า โก๋ว ยู่ง เญย เมี่ยน, “ก๋อ-โย์ว อ่า, เม่ย บัว เยียม หาย ต้าย?”

นิ่น บัว เตา, “เยีย บัว เยียม ฮาลาน ฒี่ง ต้าย.”

5นิ่น แอ๋ง หน่าย ก๋า, “เม่ย บัว ฮิ้ว ตุ๊ นาโฮ เญย ฟุน, ลาบาน, เญย ไฟ?”

นิ่น บัว เตา, “ฮิ้ว เญย โอ่.”

6ยาโค้บ แอ๋ง หน่าย ก๋า, “นิ่น หลง เญย ซ่าะ?”

นิ่น บัว เตา, “นิ่น หลง เญย. วั้ว นี! นิ่น เญย เซียะ, ลาเซน, ต้อ เจี๊ยน ลาบาน เญย ปะกี ยู่ง ต้าย อ๊ะโล่ะ!”

7ยาโค้บ หน่าย ก๋า นิ่น บัว, “อี้ หฒั่น บะฮนอย หธ่อ ฮลัง เญย. ไม้ แก้ง เถา เฒี่ยง โห่ ฮ่อง ยู่ง หฑวน. เม่ย บัว เหว่ย หาย ติ่ว ไม้ ฒ่าง ววม ปุน ปะกี ยู่ง ฮบ แอ๋ง ปู๋ง นิ่น บัว มี่ง หญั่น เมี้ย?”

8นิ่น บัว เตา, “เยีย บัว ไม้ ไฮ่ ฮนั้ง หน่าย โหฒว. เยีย บัว อ๋อย หฒุ ฒั้ว กวั้นๆ ปะกี ยู่ง ต้าย ฑ่อย หธีง เฑียน ฆอย หละเปย๊ย ฒ่าง ววม ปุน ยู่ง ฮบ.”

9ยาโค้บ เหธา น้าย เต๋ย เมี่ยน หธ่อ ก๊อง เจี๊ยน หว่า วั้ว หฒั่น, ลาเซน หย่า ฮ่อง เจี๊ยน นิ่น เญย เตีย เญย ปะกี ยู่ง เถา ต้าย, เหว่ย หฒุ นิ่น โก๋ว น้าย เต๋ย ยู่ง. 10ยาโค้บ ปวัด นิ่น เญย มา เญย ก๋อ, ลาบาน, เญย เซียะ, ลาเซน, ฮ่อง เจี๊ยน ลาบาน เญย ปะกี ยู่ง, นิ่น ฯฒฯ มี่ง วั้ว ววม-ค้วด เฑียน ฆอย หละเปย๊ย ฒ่าง ววม ปุน นิ่น เญย ต้ม เน์า เญย ยู่ง ฮบ. 11ฒ่าง ลิ์ว ววม, ยาโค้บ ฒม ลาเซน เญย เฮมียน, อะเฮน้ย เกา, เสียง เญี้ยม เญย. 12นิ่น หย่า บั๋ว ลาเซน, “เยีย โหฒว เม่ย เญย เตีย เญย เธียน-เธะ, เซ โหฒว เลเบคา เญย ตอน.” ลาเซน ฯฒฯ ถิว หฑวน มี่ง บั๋ว นิ่น เญย เตีย.

13ลาบาน เยี้ยด ไฮ์ ก๊อง นิ่น เญย หมั่ว เญย ตอน, ยาโค้บ, ต้าย, นิ่น ฯฒฯ ถิว เจี๊ยน มี่ง ฒิบ, ชัม เจี๊ยน ฒม, หย่า ต้อ เจี๊ยน หฑวน เปย๊า หมี่ อ๊ะ. ยาโค้บ ก๊อง เหฑ่ง นิ่น เญย เจ๊า-โหล่ว ปุน ลาบาน หมวัง. 14ลาบาน ฯฒฯ ก๊อง, “เม่ย หฒะเก้ง เหธา เยีย จวั่ง ฑย้าม-เฟย เญย เมี่ยน.” ยาโค้บ เหธา ลาบาน เยียม เหยียด หฮลา เหญียะ.

ยาโค้บ เถง ลาบาน โหฒว ล่าง

15ลาบาน ก๊อง บั๋ว ยาโค้บ, “เม่ย ไม้ ตู๋ง ฮนั้ม หลาย โหฒว เธียน-เธะ มั์ว-ต่อย อ๋อย หฒุ แปะๆ เถง เยีย โหฒว กง. เม่ย อ๋อย หล่ง กง-ฒิ่น บัวะ เหฒีย กุ๊น บั๋ว เยีย.”

16ลาบาน ม่าย อี เต้า เซียะ. เซียะ-โฮล เห่ว เลอา. เซียะ-ไฝ เห่ว ลาเซน. 17เลอา เญย มฒีง ไม้ หนั่ง ฌัง.#29:17 ม่าย เต๋ย โซว ฟาน ต้าย ก๊อง มฒีง ไม้ หนั่ง ฌัง ไฟ มฒีง เหฑว่ย. ลาเซน แอ๊ะ, เฒี่ยง ตุ๊ หลง, เฒี่ยง ตุ๊ เหฑว่ย. 18ยาโค้บ ฮนั้ม ไห่ ลาเซน ฯฒฯ ก๊อง บั๋ว ลาบาน, “สี ก๊อง ต้ม เน์า แล์ง ปุน เม่ย เญย เซียะ-ไฝ, ลาเซน, เยีย นอ, เยีย แล์ง เถง เม่ย โหฒว เสี่ย หฮญัง กง.”

19ลาบาน ก๊อง, “ปู๋ง ปุน เม่ย เซ เก้า หลง ปู๋ง ปุน กั้น เต้า. ฮนั้ง หน่าย, กุ๊น เหธา เยีย เยียม อ๊ะ.” 20ยาโค้บ เถง นิ่น เญย ต้ม เน์า โหฒว เสี่ย หฮญัง กง เหว่ย เปี๊ยด ลาเซน. นิ่น ฮนั้ม ไห่ ลาเซน ฯฒฯ ไฮ์ ฮนั้ง อี เหฒีย ฮนอย ฮนั้ง.

21ยาโค้บ ก๊อง บั๋ว ลาบาน, “เฒี่ยง โห่ ปวั๊ง อ๊ะ. โท้ ปุน เยีย เญย เอ๊า เยีย, เหว่ย ปุน เยีย ตุ๊ เปียะ มี่ง เหธา นิ่น เปว๋ย.”

22ลาบาน ฯฒฯ เบ่น ธีง-จา-หฮนาง, ธี้ง วั้ว นอม ต๋อง เญย หฒวัง เมี่ยน ต้าย. 23มป่า วั้ว ม์วน ลาบาน ฝูง นิ่น เญย เซียะ, เลอา, มี่ง ปุน ยาโค้บ. ยาโค้บ หย่า เหธา นิ่น เปว๋ย. 24(ลาบาน แอ๋ง ปุน เต้า นิ่น เญย โน่ว เป์ย, บั๋ว เห่ว สินปา, โหฒว เลอา เญย โน่ว เป์ย.)

25เถา ลู่ง ฌัง, ยาโค้บ เฒียะ ตุ๊ เซ เลอา, ฯฒฯ มี่ง ต๋อย ลาบาน ก๊อง, “เม่ย เหว่ย หาย ติ่ว ฮนั้ง น้าย นอ โหฒว ปุน เยีย? เยีย เถง เม่ย โหฒว กง เปี๊ยด ลาเซน ไม้ เฒ์ย? เม่ย เหว่ย หาย ติ่ว เผียน เยีย?”

26ลาบาน เตา, “หฒิว เยีย บัว เยียม น้าย, ไม้ ม่าย เล์ย ปุน เซียะ-ไฝ ตอง จา ด่าง เซียะ-โฮล. 27เม่ย อ๋อย หฒุ ฒั้ว น้าย นอม เสี่ย ฮนอย เญย ยิ่น เจี๋ย ลิ์ว, เยีย แอ๋ง ปุน เซียะ-ไฝ เม่ย หล่ง. มป่า เม่ย อ๋อย หฒุ แอ๋ง เถง เยีย โหฒว เสี่ย หฮญัง ล่าง.”

28ยาโค้บ หย่า แล์ง อ๊ะ. ฒั้ว น้าย นอม ธีง-จา-ยิ่น เญย เสี่ย ฮนอย เจี๋ย ลิ์ว, ลาบาน ปุน นิ่น เญย เซียะ-ไฝ ยาโค้บ โหฒว เอ๊า. 29(ลาบาน แอ๋ง ปุน เต้า นิ่น เญย โน่ว เป์ย, บั๋ว เห่ว บินฮา, โหฒว ลาเซน เญย โน่ว เป์ย.) 30ยาโค้บ ฯฒฯ ตุ๊ หล่ง ลาเซน โหฒว เอ๊า หย่า ฮนั้ม ลาเซน เก้า ธั้ม เลอา. นิ่น แอ๋ง เถง ลาบาน โหฒว เสี่ย หฮญัง ล่าง.

ยาโค้บ เญย ฝุเจว๊ย

31 เฒี้ยว ปวัด ยาโค้บ ไม้ ฮนั้ม เลอา ฯฒฯ ปุน นิ่น ไฮ่ ม่าย กู้งว์า. ลาเซน แอ๊ะ, ไม้ ไฮ่ ม่าย.

32เลอา ฯฒฯ ม่าย เจี๊ยน ซิน, ยู์ง ตุ๊ เต้า ตอน. นิ่น ก๊อง, “เซ เหว่ย หฒุ เฒี้ยว ปวัด เยีย เญย โค้ว หน่าน. อี้ หฒั่น เหฑีย เยีย เญย โหฆ อ๋อย ฮนั้ม เยีย มเปย?” นิ่น ฯฒฯ ธ้วด วั้ว เต้า ตอน เญย บั๋ว เห่ว ลูเบน.#29:32 ลูเบน วั้ว นอม บั๋ว ไฮ์ ฮนั้ง ฮิบลู หว่า ก๊อง “นิ่น ปวัด เยีย เญย โค้ว หน่าน.” บั๋ว เญย เอ๋ย เล์ย เซ หมั่ง ก๋า, หฒะเก้ง ตอน.

33เลอา แอ๋ง ม่าย เจี๊ยน ซิน, ยู์ง ตุ๊ เต้า ตอน. นิ่น ก๊อง, “เฒี้ยว ปุน เยีย แอ๋ง ตุ๊ น้าย เต้า ตอน เหว่ย หฒุ นิ่น หมวัง ไฮ์ เยีย เญย โหฆ ไม้ ฮนั้ม เยีย.” เลอา ฯฒฯ ธ้วด น้าย เต้า ตอน เญย บั๋ว เห่ว สิเมโอน.#29:33 สิเมโอน วั้ว นอม บั๋ว เญย เอ๋ย เล์ย เซ หมวัง ไฮ์ วั้ว เต้า.

34เลอา แอ๋ง ม่าย หฑุ่น ซิน, แอ๋ง ยู์ง ตุ๊ เต้า ตอน. นิ่น ก๊อง, “เยีย ยู์ง ตุ๊ ปัว เต้า ตอน. เยีย เญย โหฆ หฒะเก้ง! อ๋อย ฮนั้ม เยีย.” นิ่น แอ๋ง เถง วั้ว เต้า ตอน ธ้วด บั๋ว เห่ว เลวี.#29:34 เลวี วั้ว นอม บั๋ว ไฮ์ ฮนั้ง ฮิบลู หว่า ก๊อง กั๊บ เจี๊ยน.

35นิ่น แอ๋ง ม่าย เจี๊ยน ซิน, แอ๋ง ยู์ง ตุ๊ เต้า ตอน. นิ่น ก๊อง, “น้าย หฑุ่น เยีย อ๋อย เธง เฒี้ยว. ” นิ่น ธ้วด บั๋ว เห่ว ยูดา.#29:35 ยูดา วั้ว นอม บั๋ว ไฮ์ ฮนั้ง ฮิบลู หว่า ก๊อง เธง. นิ่น ตุ๊ ลิ์ว น้าย เต้า ตอน ฯฒฯ ไม้ ยู์ง อ๊ะ.

Currently Selected:

ทิน เต่ย โต้ว 29: IuMiTH

Highlight

Copy