อาโม้ด 6
6
อิสะลาเอน เมี่ยน อ๋อย หฒุ โค้ว
1เยียม สิโอน เค้า เจี๊ยน เหลาะ เหญ่ย เหฒา เญย เมี่ยน,
เหธา เยียม สะมาเลีย บง ฝุน กั้น แป้ง ออน เญย วั้ว เต๋ย,
อ๋อย หฒุ โค้ว อ๊ะ,
เซ อิสะลาเอน เมี่ยน มี่ง ล์อ
เยียม หฒวัง กั๊วะ บุด๋ง เม่ง เต้า โฮล เญย กั๊วะ
ม่าย เม่ง โห่ โฮล เญย เปย๊ย เฒ้ย.
2เม่ย บัว อ๋อย หฒุ มี่ง คานเน,
หมั่ง ก๋า ฮนั้ง หาย นอ.
เยียม หน่าย มี่ง ฮามัด ต้ม ฒี่ง,
แอ๋ง เหฌี่ย เถา ฟีลิสะเตีย เมี่ยน เญย กัด ฒี่ง.
วั้ว เต๋ย ฒี่ง เก้า หลง น้าย เต๋ย กั๊วะ ไฟ?
นิ่น บัว เญย กั๊บ-จ๋าย เก้า จั๊ง เม่ย บัว เญย กั๊บ-จ๋าย ไฟ?
3เม่ย บัว อ๋อย ถุย เหฒะ หน่าน เญย ฮนอย มี่ง โก,
ต๋าว หฑวน เม่ย บัว ขูง ต้อ เธี้ยว เญย ฮนอย ต้าย กุ๊น เจี๊ยน.
4เม่ย บัว หฒุ โค้ว อ๊ะ.
เม่ย บัว เปว๋ย เจี๊ยน ฒ์าง-ญ่า เญย โหธว,
หย่า ซูง หฒะ ปั์ว-เหฒา,
เฌียน-โย่ว เญย เปว๋ย เจี๊ยน เอ๊ย,
เม่ย บัว หญั่น ปะกี ยู่ง กวั้น เญย ยู่ง ตอน,
หย่า หญั่น ง่ง กวั้น กะญั์ว เญย ง่ง ตอน,
5เม่ย บัว พัด ต้าน ป้า ป๋าว ไม้ ลั่ม หล่ง เญย ฑูง,
แอ๋ง หล่ง โหฒว ฑูง เญย จา-สี่ โหฒ่ ฑูง ฮนั้ง ดาวิด นอ.
6เม่ย บัว หล่ง หฑ่อม ฮบ อะหงุ่น ติ๊ว,
หย่า หล่ง หฒั่ง ฮ่อง โย่ว ฑ้าด ซิน,
มป่า เม่ย บัว ไม้ เฑ่า,
เหว่ย โยเซ้บ อ๋อย หฒุ ป่าย.
7เหว่ย น้าย เม่ย บัว อ๋อย หฒุ โหฒว กว๊าด มี่ง เญย ต้าว ปาน,
เม่ย บัว เฌียน-โย่ว เญย เปว๋ย เจี๊ยน หญั่น, เปว๋ย เจี๊ยน ฮบ เญย เฉีย ฯฒฯ ป่า เหฑ่ง หมี่ อ๊ะ.
เฒี้ยว โหยว ไห่ อิสะลาเอน โหฒว เหมา
8เฒี้ยว ทิน-ฮู่ง เฒี้ยง เจี๊ยน กั้น โฮ้ว หว่า. เฒี้ยว, เน่น เจี๋ย เญย ทิน-ฮู่ง ก๊อง,
“เยีย โหยว ไห่ อิสะลาเอน เมี่ยน #6:8 ฮิบลู หว่า ก๊อง ยาโค้บ. เซ อิสะลาเอน เญย กั้น นอม บั๋ว. โหฒว เหมา เญย เจ๊า.
เยีย ฑอง ไห่ นิ่น บัว เว่ย ว้วน เญย ติ่น.
เยีย อ๋อย เฒาะ นิ่น บัว เญย ฒี่ง
เหธา เยียม ฒี่ง กะญั์ว เญย เหยียด ฒู้ง กะน้าย จิว ปุน วิน-วั้ง.”
9สี ก๊อง เหยียด นอม เปย๊า เหฒ่ง เหฌี่ย เหฒียบ ล่าน เมี่ยน, นิ่น บัว ฒู้ง อ๋อย หฒุ ไต่ เหฑ่ง. 10สี ก๊อง ไต่ วั้ว เต๋ย เมี่ยน เญย เธียน-เธะ ต้าย เฒาะ เซย เยียม กะญั์ว เจี๋ย วั้ว ฉง เปย๊า ธ้วด ต้าย ปั๊ว เญย เฒี่ยง โห่, ฯฒฯ หน่าย เยียม เปย๊า กะญั์ว เญย ต๋อง เหฒ่ง เหฌี่ย เญย เมี่ยน,#6:10 ไฟ ปี๋ง เจี๊ยน เญย เมี่ยน. “แอ๋ง ม่าย เมี่ยน เหธา เม่ย เยียม หน่าย ไฟ ไม้ ม่าย?”
วั้ว เต้า ฯฒฯ ก๊อง, “ไม้ ม่าย.” นิ่น แอ๋ง ก๊อง, “เซ้ก ม่าะ! บัว ไม้ หอบ หฒุ ก๊อง ธ้วด เฒี้ยว เญย บั๋ว.”
11เหว่ย หฒุ เฒี้ยว หัด เญย เฒี่ยง โห่,
ต้ม เปย๊า หฒุ เบ๊าะ ฮู้ เป๋น เหฒีย เต๋ย,
เปย๊า-ตอน หฒุ เบ๊าะ หม่วน เหฑ่ง.
12ม์า เยียม หละเปย๊ย กู้ หงว่าย ถิว ไฟ?
เมี่ยน ไฮ่ หล่ง ง่ง ไล่ ค้อย ตุ๊ เญย ไฟ?
มป่า เม่ย บัว เฒาะ แป้ง ฟิม เญย เจ๊า ทิ้ว เป๋น เดีย-โตะ,
หย่า ปุน โหฒว หอบ เญย เจ๊า ทิ้ว ฮนั้ง ยั่ง เม์ว นอ อิม.
13เม่ย บัว อะเฮน้ย เธง กั้น เบ๊าะ ตุ๊ ฮี่ง โลเดบา มู้ง, #6:13 เอ๋ย เล์ย เซ “ไม้ เป๋น หาย หญู่ง กะน้าย”.
หย่า ก๊อง, “เยีย บัว เขา กั้น เญย ชะ
เหว่ย กั้น ธ้าง ตุ๊ คานนาอิม มู้ง.” #6:13 เอ๋ย เล์ย เซ จอง. จอง ปิ๋ว เม่ง ม่าย ชะ.
14 เฒี้ยว, เน่น เจี๋ย เญย ทิน-ฮู่ง, ก๊อง,
“โอ อิสะลาเอน เญย เฒ้ย-ฟุน อ้า!
เยีย อ๋อย ปุน กั้น นอม กั๊วะ เญย เมี่ยน ต้าย เบ๊าะ เม่ย บัว,
หย่า เหฒย เม่ย บัว เยียม เปียะ ฮามัด วั้ว ติ้ว เจ๊า มี่ง เถา อาลาบา โด๊ะ.”
Currently Selected:
อาโม้ด 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
