อาโม้ด 5
5
เห่ว อิสะลาเอน เมี่ยน ก๊อย เฮญี้ยว
1โอ อิสะลาเอน เมี่ยน เญย เฒ้ย-ฟุน อ่า, อ๋อย หฒุ หมวัง เยีย เหว่ย เม่ย บัว ป๋าว น้าย ติ้ว หน่าน ฒี่ง ฑูง.
2“อิสะลาเอน #5:2 เป๊ย หมั่ง เยเลมี 31:4. ดอบ เหฌี่ย,
เหยียด ลิ์ว ไม้ ตุ๊ แอ๋ง เจี์ย ซิน.
นิ่น หฒุ กวั่ง เยียม กั้น เญย เต่ย-ปูง,
ไม้ ม่าย หาย เต้า แอ๋ง เคน นิ่น เจี์ย ซิน ต้าย.”
3เฒี้ยว ทิน-ฮู่ง ฮนั้ง น้าย ก๊อง.
“อิสะลาเอน เญย เฒ้ย-ฟุน เญย ฒี่ง ฝูง เหยียด ธิน เต้า แปง ธ้วด,
ขูง เหฒ่ง เหยียด แป๊ะ เต้า ตุ๊ หฑวน,
ฝูง เหยียด แป๊ะ เต้า แปง เญย,
ขูง เหฒ่ง เหฒียบ เต้า หฑวน.”
4 เฒี้ยว ฮนั้ง น้าย ก๊อง บั๋ว อิสะลาเอน เญย เฒ้ย-ฟุน,
“เม่ย บัว ล์อ เยีย ฯฒฯ ตุ๊ เฒี่ยง เจี๊ยน.
5ไม้ ตู๋ง มี่ง ล์อ เบดเอน,
หย่า ไม้ ตู๋ง เปียะ กินกาน,
ไฟ เจี๋ย มี่ง เถา เบเอเชบา,
เหว่ย หฒุ กินกาน เมี่ยน ฒู้ง อ๋อย หฒุ ธ้าง มี่ง,
เบดเอน หย่า อ๋อย หฒุ ป่าย เหฑ่ง.”
6อ๋อย หฒุ ล์อ เฒี้ยว ฯฒฯ ตุ๊ เฒี่ยง เจี๊ยน,
เหฑีย นิ่น เยียม โยเซ้บ เญย เฒ้ย-ฟุน ฮนั้ง โต์ว นอ, หฌบ ต้าย.
โต์ว ฯฒฯ ปั๊ว ชุย,
หย่า ไม้ ม่าย หาย เต้า เถง เบดเอน เบ๊าะ โต์ว.
7เม่ย บัว เฒาะ แป้ง ฟิม เญย เจ๊า ทิ้ว ฮนั้ง ยั่ง เม์ว นอ อิม.
เม่ย บัว หย่า เฒาะ โหฒว หอบ เญย เจ๊า ฒอย เหฌี่ย เดา.
8 เฒี้ยว เหฒย ฟาม-ธีง เหฮลย เหธา เสี่ย มั์ว-เซียะ เหฮลย.
นิ่น หย่า เฒาะ ลู่ง ม์วน หฒั่น เญย หฮมวัง ทิ้ว เป๋น ลู่ง ดอม เญย ฌัง,
หย่า ปุน ลู่ง ฮนอย หฒั่น ทิ้ว เป๋น ลู่ง ม์วน หฒั่น.
นิ่น เห่ว ค้อย เญย ววม ต้าย,
หย่า โต๋ น้าย เต๋ย ววม เหฌี่ย เดา-เป้ย. #โย้บ 9:9; 38:31
นิ่น เญย บั๋ว เห่ว เฒี้ยว.
9นิ่น ปุน เฮ้น เญย เมี่ยน หฌับ ตั้ง หฒุ เหมียด เหฑ่ง,
เว่ย ว้วน เญย ต๋อง ฯฒฯ หฒุ เหมียด เหฑ่ง.
10นิ่น บัว ฑอง เยียม ฒี่ง แก้ง #5:10 เซ นิ่น บัว เบ่น สี่ เญย ต๋อง. ป๊า เมี่ยน วั้ว เต๋ย,
นิ่น บัว หย่า โหยว ก๊อง เฒียน หว่า เญย เมี่ยน.
11เม่ย บัว ธ้าย เมี่ยน จ่ม เมี่ยน
หย่า อ๊าบ นิ่น ธ้วด ล่าง หฒิ ปุน เม่ย บัว.
เหว่ย น้าย ไม้ กุ๊น เม่ย บัว หล่ง หละเปย๊ย เหธย เปย๊า หลง,
เม่ย บัว ไม้ ตุ๊ เยียม.
เม่ย บัว โหฒว หลง ไห่ เญย อะหงุ่น หฮวีง
มป่า ไม้ ตุ๊ ฮบ น้าย เต๋ย หฮวีง เญย อะหงุ่น ติ๊ว.
12เหว่ย หฒุ เยีย ฮิ้ว ตุ๊ เม่ย บัว เญย ฒุ์ย ด่ง หาย ธั้ม,
หย่า ฮิ้ว ตุ๊ เม่ย บัว เญย ฒุ์ย ด่ง หาย โฮล.
เม่ย บัว เหฒย คู้ เมี่ยน หย่า ฒิบ ญ่าน หฮมวัง,
หย่า ตั๊ง เจี๊ยน ไม้ ปุน เมี่ยน จ่ม เมี่ยน
เยียม ฒี่ง แก้ง #5:12 เป๊ย หมั่ง อาโม้ด 5:10. ตุ๊ แป้ง ฟิม เญย เล์ย.
13เหว่ย น้าย, ไกว เญย เมี่ยน
ต๋อย น้าย เต๋ย เฒี่ยง โห่ เซ้กๆ เญย,
เหว่ย หฒุ น้าย เต๋ย เฒี่ยง โห่ เอ๊าะ ไห่.
14เม่ย บัว อ๋อย หฒุ ล์อ หลง เญย เจ๊า,
ไม้ ตู๋ง ล์อ เอ๊าะ เญย เจ๊า,
เหว่ย ปุน เม่ย บัว ตุ๊ เฒี่ยง เจี๊ยน.
ฮนั้ง หน่าย, เฒี้ยว, เน่น เจี๋ย เญย ทิน-ฮู่ง,
ฯฒฯ เหธา เม่ย บัว เยียม ฮนั้ง เม่ย บัว ก๊อง นอ.
15อ๋อย หฒุ ฑอง เอ๊าะ หย่า ฮนั้ม โหฒว หลง เญย,
หย่า เยียม ฒี่ง แก้ง เหลียบ แป้ง ฟิม เญย เจ๊า.
เหฑีย เฒี้ยว, เน่น เจี๋ย เญย ทิน-ฮู่ง,
อ๋อย ค้อ-เลี่ยน โยเซ้บ เหฒ่ง เหฌี่ย เญย เมี่ยน.
16เหว่ย น้าย เฒี้ยว, เน่น เจี๋ย เญย ทิน-ฮู่ง, เซ เฒี้ยว, ฮนั้ง น้าย ก๊อง,
“เยียม นอมๆ ต้ม หฒวัง หฒ่าม ม่าย เญี้ยม เญย เฉีย,
เยียม ติ้วๆ เฮย-ห่อง อ๋อย ม่าย เมี่ยน ก๊อง, ‘โค้ว อ๊า โล่ะ! โค้ว อ๊า โล่ะ!’
นิ่น บัว ฯฒฯ เห่ว โหฒว เด่ย เญย เมี่ยน ต้าย เถง เญี้ยม,
หย่า เห่ว ไฮ่ ป๋าว หน่าน ฒี่ง ฑูง เญย เมี่ยน ต้าย เถง เจี๊ยน เฑ่า.
17เยียม นอมๆ อะหงุ่น หฮวีง ฒู้ง ม่าย เญี้ยม เญย เฉีย,
เหว่ย หฒุ เยีย อ๋อย เจี๋ย เม่ย บัว บุด๋ง.”
น้าย เซ เฒี้ยว ก๊อง เญย หว่า.
18ฒั้ว เจี๊ยน เฒี้ยว เญย ฮนอย
วั้ว เต๋ย อ๋อย หฒุ โค้ว อ๊ะ.
เม่ย บัว เหว่ย หาย ติ่ว ฒั้ว เฒี้ยว เญย ฮนอย?
วั้ว นอม ฮนอย เซ หฮมวัง เญย ฮนอย, ไม้ เฒ์ย ฌัง,
19ฮนั้ง เมี่ยน เปย๋า เซี่ยน ปวั้ง หฒุ เจี๊ยบ,
ไฟ ฮนั้ง เมี่ยน เปียะ เปย๊า ต้อ ปั์ว มาน หฌ่ง
ฯฒฯ หฒุ นาง หงาด.
20 เฒี้ยว เญย ฮนอย เซ หฮมวัง, ไม้ เฒ์ย ฌัง,
ฮมัด เจี๊ยะ เญย หฮมวัง, ไม้ ม่าย เหยียด เต๋ย ฌัง.
21“เยีย เสี่ยว ไม้ ตุ๊ เม่ย บัว เญย ฒิบ,
หย่า ไม้ อะเฮน้ย เม่ย บัว กั๊บ ฒุ้น เจี๋ย ฒิบ เญย หวุ่ย. #อิสะยา 1:11-14
22ไม้ กุ๊น เม่ย บัว ฝ่ง ห่อ ปั๊ว เหฒี่ย เญย กะน้าย,
เหธา เหฒี่ย เญย ล่าง หฒิ,
เยีย ไม้ ฒิบ.
ไม้ กุ๊น หล่ง จุ่น เจี๋ย เญย แซง-คู้
โหฒว เหฒี่ย เหว่ย จิว ทง เญย กะน้าย,
เยีย เลี่ยม ไม้ หมั่ง.
23ต้อ เม่ย บัว ป๋าว ฑูง เญย เฉีย มี่ง ฆอย.
เม่ย บัว พัด ต้าน ป้า เญย เฉีย เยีย ไม้ อ๋อย หมวัง.
24อ๋อย หฒุ ปุน แป้ง ฟิม เญย เจ๊า เหลี่ยว เหฌี่ย ฮนั้ง โด๊ะ นอ,
หย่า ปุน โหฒว หอบ เญย เจ๊า ฮนั้ง เหยียด ลิ์ว ไม้ ฆาย เญย โด๊ะ.
25โอ อิสะลาเอน เญย เฒ้ย-ฟุน อ้า!
เม่ย บัว เยียม เต่ย-ปูง-ฮวาง วั้ว เต๋ย เฝย เหฒียบ หฮญัง
ต้อ ฝ่ง ห่อ เญย เหธา เหฒี่ย เญย กะน้าย ไฟ? #กง-โฒ่ 7:42-43
26เม่ย บัว ฯฒฯ แกง เม่ย บัว เญย ฮู่ง, สักคุด เฒี่ยน,
เหธา ไควัน เหฮลย เญย เฒี่ยน,
ต้ง เม่ย บัว เหว่ย กั้น โหฒว ต้าย เญย หมิ่ว-ฝัง.
27เหว่ย น้าย เยีย อ๋อย กว๊าด เม่ย บัว เจี๋ย ด่าง ดามัดกัด ฒี่ง มี่ง.”
น้าย เซ เฒี้ยว, ต้ง ม่าย บั๋ว เห่ว เน่น เจี๋ย เญย ทิน-ฮู่ง, ก๊อง เญย หว่า.
Currently Selected:
อาโม้ด 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007