1 ฮู่ง โต้ว 4
4
ซาโลมอน เญย เจียน
1ซาโลมอน ฮู่ง ฯฒฯ กุ๊น อิสะลาเอน เญย หฒวัง เมี่ยน. 2ต๋าว น้าย มี่ง เซ นิ่น เญย ต้ม เจียน.
สาโดก เญย ตอน, อาซาลิยา, โหฒว ไซ เมี่ยน.
3ชีชา เญย อี เต้า ตอน, เอลีโฮเล้บ เหธา อาหิยา, โหฒว โซว-ปิ๊ว.
อาหิลู้ด เญย ตอน, เยโฮซาฟัด, โหฒว เฟี้ย โซว-ตาน เญย เจียน.
4เยโฮยาดา เญย ตอน, เบไนยา, โหฒว ต้ม แปง-เปย๊ย.
สาโดก เหธา อาบียาทา โหฒว ไซ เมี่ยน.
5นาทัน เญย ตอน, อาซาลิยา, โหฒว หฒวัง แซ้ง-เฒี้ยว เญย เปย๊ย เฒ้ย.
นาทัน เญย ตอน, สาบุด, โหฒว ไซ เมี่ยน หย่า โหฒว ฮู่ง เญย ธ่าง ล่าง เมี่ยน.
6อาหิชา หฒิว โก๋ว ฮู่ง ติ่น,
อับดา เญย ตอน, อาโดนีลัม, กุ๊น หฒุ อ๊าบ โหฒว กง เญย กง-เมี่ยน.
7ซาโลมอน หย่า ออน เหฒียบ เหญ่ย เต้า เมี่ยน โหฒว แซ้ง-เฒี้ยว กุ๊น อิสะลาเอน เญย หฒวัง เมี่ยน. น้าย เต๋ย แซ้ง-เฒี้ยว อ๋อย หฒุ ล์อ หญั่น ฮบ ต้าย จวัง ฮู่ง เตี๋ย เหธา ฮู่ง เตี๋ย เญย เมี่ยน. เหยียด เต้า แซ้ง-เฒี้ยว, เหยียด หฮญัง อ๋อย หฒุ จวัง เหยียด หฮลา เหญียะ. 8น้าย เต๋ย แซ้ง-เฒี้ยว เญย บั๋ว เซ ฮนั้ง น้าย.
เบนเฮ เยียม เอฟาอิม เญย บง-ไอ๊ ต๋อง.
9เบนเดเค เยียม มาค้าด เหธา ซาอันบิม, เบดเซเม้ด เหธา เอโลนเบดฮานัน.
10เบนเฮเสด เยียม อาลุบโบด. (โสโค เหธา เฮเฟ เต่ย เหยียด ฒู้ง เป๋น นิ่น เญย.)
11เบนอาบีนาดับ เยียม นาโฟ้ดโดอา เญย เหยียด ฒู้ง เต่ย.#4:11 ไฟ “โดอา เญย ลั่ม ฮลัง ต๋อง”. (นิ่น หล่ง ซาโลมอน เญย เซียะ, ทาฟัด, โหฒว เอ๊า.)
12อาหิลู้ด เญย ตอน, บาอานา, เยียม ทาอาน้าก เหธา เมกิดโด, เยียม เบดซาน#4:12 เป๊ย หมั่ง โยซูวา 17:11. เหยียด ฒู้ง เญย ต๋อง, นิด สาเลทาน, ยิดเลเอน เญย น่าม ปูง แหมง, เบดซาน เถา อาเบนเมโฮลา เจี๋ย มี่ง เถา โย้กเมอัม.
13เบนเกเบ เยียม ลาโม้ดกิเลอาด. (มะนัดเส เญย ตอน, จาอี เยียม กิเลอาด เหลียบ เญย ฟิ้ว-ล์าง เป๋น นิ่น เญย, เหธา เจี๊ยน เยียม บาซาน เญย อานโกบ เต่ย เลี่ยม วั้ว นอม ต๋อง เญย หลัวะ เหฒียบ นอม ฒี่ง, ต้ง ม่าย ฒี่ง หลาด หย่า ม่าย ต้ง ซิ แก้ง ซอน เญย ต้ม ฒี่ง.)
14อิดโด เญย ตอน, อาหินาดับ, เยียม มาหะนาอิม.
15อาหิมาอัด เยียม นับทาลี. (นิ่น หล่ง ซาโลมอน เญย เซียะ, บาเสมัด, โหฒว เอ๊า.)
16หุไซ เญย ตอน, บาอานา, เยียม อาเซ เหธา เบอาโล้ด.#4:16 ม่าย เต๋ย โซว ขูง เห่ว อาโล้ด.
17พาลูอา เญย ตอน, เยโฮซาฟัด, เยียม อิดสาคา.
18เอลา เญย ตอน, ซิเมอี, เยียม เบนยามิน.
19อุลี เญย ตอน, เกเบ เยียม กิเลอาด, เซ ฒิ่น ด่าง เป๋น อาโมไล เมี่ยน เญย สิโหน ฮู่ง เหธา บาซาน เญย โอก ฮู่ง เญย เหยียด ฒู้ง เต่ย-ปูง.
แอ๋ง ม่าย ดุ เต้า โหฒว หฒูง กุ๊น ก๋อม ยูดา เต่ย.#4:19 ม่าย เต๋ย โซว ฟาน ต้าย ก๊อง “ขูง นิ่น กั้น โหฒว หฒูง กุ๊น เต่ย-ปูง ฮนั้ง”.
ซาโลมอน ฮนอยๆ เฉียม หล่ง เญย โสว โหม่ว
20ยูดา เมี่ยน เหธา อิสะลาเอน เมี่ยน ธั้ม ไห่, ด่ง ค้อย-เฮลน เญย ซา-เฒียว ธั้ม. นิ่น บัว หญั่น หย่า ฮบ, หฒะเก้ง ออน-เหลาะ ไห่. 21ซาโลมอน กุ๊น เหยียด ฒู้ง เญย กั๊วะ เยียม ยูเฟติด ต้ม ด้าย มี่ง เถา ฟีลิสะเตีย เมี่ยน เญย กั๊วะ, แอ๋ง มี่ง เถา อียิบ เญย กั๊บ-จ๋าย. เยียม ซาโลมอน เญย เสย เฒ้ย น้าย เต๋ย กั๊วะ อ๋อย หฒุ ธ้วด ขอ-ฒิ่น หย่า ฟู-สู นิ่น.#ทิน เต่ย โต้ว 15:18; 2 ฒุ่น ต่อย โต้ว 9:26
22ซาโลมอน ฮนอยๆ เฉียม หล่ง เญย หญั่น ฮบ ม่าย ฟาม-แป๊ะ ฟ่า เหฒียบ ท้ง#4:22 ฮิบลู หว่า ก๊อง 30 โคลา. เซ เล่ย ไม้ โก 6,600 ลิด ไฟ 330 ท้ง. บ๊วน-หม่วน, หลัวะ แป๊ะ ท้ง#4:22 ฮิบลู หว่า ก๊อง 60 โคลา. เซ เล่ย ไม้ โก 13,200 ลิด ไฟ 660 ท้ง. บ๊วน, 23เหฒียบ เต้า ง่ง จุ่น, หญี่ เหฒียบ เต้า เยียม วั้ว เธี้ยง ยู์ง เญย ง่ง, เหยียด แป๊ะ เต้า ปะกี ยู่ง เหธา ยู่ง, แอ๋ง ม่าย ปัว หญู่ง จูง ไฌ่ เญย อ๊อ เหธา จุ่น เญย ไจ. 24เหว่ย หฒุ นิ่น กุ๊น เหฑ่ง ยูเฟติด ด้าย ไฟ ปูง แหมง เญย กั๊วะ เยียม ทิบสา เถา กาซา, หย่า กุ๊น เหฑ่ง วั้ว เต๋ย เหยียด ฒู้ง ฮู่ง เตี๋ย. เว่ย ก๋อม เญย เฝย ปูง หย่า ถาย-แป้ง เญย. 25เยียม ซาโลมอน เญย เสย เฒ้ย, ยูดา เมี่ยน เหธา อิสะลาเอน เมี่ยน เยียม ดาน เถา เบเอเชบา ถาย-แป้ง เญย เยียม. เก๊าะ-เมี่ยน เยียม กั้น เญย อะหงุ่น หฮวีง เหธา ง่ง หญอ เปี๊ยว เญย หฮวีง.#4:25 ฮิบลู หว่า ก๊อง “เก๊าะ-เมี่ยน เยียม กั้น เญย อะหงุ่น เฮมย เหธา ง่ง หญอ เดี๋ยง กะเดี๊ย”.
26ซาโลมอน เญย ม์า-ล่าน ม่าย เปยย หว่าน#4:26 ม่าย เต๋ย โซว ขูง ก๊อง 4,000 ฉง. ฉง ปุน เบ๊าะ จ๋า ม์า-เธีย เญย ม์า เยียม, หย่า ม่าย เหยียด หว่าน อี ธิน เต้า เก้ ม์า แปง.#4:26 ไฟ ม์า ไฟ “ฒ้าง เบ๊าะ จ๋า เธีย เญย แปง”.#1 ฮู่ง โต้ว 10:26; 2 ฒุ่น ต่อย โต้ว 1:14; 9:25
27เต้าๆ แซ้ง-เฒี้ยว, หฒิว นิ่น หอบ หฒุ จวัง เญย หฮลา, ฝูง หญั่น ฮบ มี่ง จวัง ซาโลมอน ฮู่ง เหธา เหยียด ฒู้ง จวั่ง ฮู่ง เตี๋ย เญย เตี้ย หญั่น หฮนาง เญย เมี่ยน.#4:27 เป๊ย หมั่ง 1 ฮู่ง โต้ว 4:7. นิ่น บัว หย่า ไม้ ปุน ธา หาย หญู่ง. 28เก๊าะ-เมี่ยน หฒิว เก๊าะ-เมี่ยน เญย กง ต้อ เบย้า บาลี เหธา เบย้า ฆ้าว ต้าย หวุย เบ๊าะ จ๋า เญย ม์า เหธา ม์า-เซี้ยบ หย่า ฝูง เถา หอบ หฒุ ฝูง เญย ต๋อง.
ซาโลมอน เญย ธง-เม่ง
29ทิน-ฮู่ง เหธย ปุน โฮล ไห่ เญย ธง-เม่ง ซาโลมอน, ปุน นิ่น ม่าย ว่วน ฒาง หฒะเก้ง ไกว, ไฮ่ ฮนั้ม ตุ๊ จั๊ง ไห่, ด่ง ค้อย-เฮลน เญย ซา-เฒียว จั๊ง. 30ซาโลมอน เญย ธง-เม่ง เก้า ไกว เจี๋ย ตง ปูง เญย เหยียด ฒู้ง เมี่ยน เญย ธง-เม่ง หย่า เก้า ไกว เจี๋ย อียิบ เมี่ยน เญย เหยียด ฒู้ง ธง-เม่ง. 31นิ่น เญย ธง-เม่ง เก้า ฮลัง เจี๋ย หฒวัง เมี่ยน, เลี่ยม เอดลา เมี่ยน, เอทาน,#สีง ฑูง 89 เลี่ยม มาโฮ เญย ตอน, เฮมาน, คานโค, เหธา ดานดา เญย ธง-เม่ง. นิ่น เญย เม่ง เต้า ซีง ปวั๊ง เว่ย ก๋อม เญย หม่าน กั๊วะ. 32นิ่น ก๊อง ปัว ธิน โจ๋ว หว่า-เป๊ย หย่า เป๋น ธ้วด เหยียด ธิน เล่ง ปยา ติ้ว ฑูง.#ธง-เม่ง หว่า 1:1; 10:1; 25:1; ซาโลมอน เญย ฑูง 1:1 33นิ่น ไฮ่ ก๊อง เถา เมี้ย-เดี๋ยง, เยียม เลบานอน บง เญย สีดา ฒ่ง เดี๋ยง ก๊อง มี่ง เถา ธ้วด ฒี่ง หลาด เญย หุโสบ เมี้ย. นิ่น ไฮ่ ก๊อง เถา แซง-คู้, เหนาะ, ไฮ่ ญอง เดา เญย กะน้าย เหธา เบย์า. 34ลู่ง เดี๊ย เญย ฮู่ง เตี๋ย ไฮ์ ก๊อง เถา ซาโลมอน เญย ธง-เม่ง ฯฒฯ เยียม นอมๆ กั๊วะ พ้าย เมี่ยน มี่ง หมวัง นิ่น เญย ธง-เม่ง หว่า.
Currently Selected:
1 ฮู่ง โต้ว 4: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
