1 โคลินโท 12
12
สีง ลี่ง เญย ฒี่ง เหญ่ย
1หฒวัง ก๋อ-โย์ว อ่า, เยีย อ๋อย เม่ย บัว เม่ง แปะ สีง ลี่ง เหธย ปุน เญย ฒี่ง เหญ่ย. 2เม่ย บัว ฮิ้ว ตุ๊ ฒิ่น ด่าง เม่ย บัว ไม้ แก้ง เสียน เยซู วั้ว หฒั่น, เม่ย บัว หฒุ ธั้ม-หญู่ง ดั๊ว เม่ย บัว มี่ง ป๋าย ไม้ ไฮ่ ก๊อง หว่า เญย หมิ่ว-ฝัง. 3เหว่ย น้าย เยีย อ๋อย เม่ย บัว ฮิ้ว ตุ๊ ม่าย สีง ลี่ง ต้อ เญย เมี่ยน ไม้ ไฮ่ ก๊อง, “ปุน เยซู หฒุ เหฒียว อ๊ะ.” ฟี่ ฮนั้ง เญย, ธ้วด ลิ์ว สีง ลี่ง ต้อ เญย เมี่ยน, ไม้ ม่าย หาย เต้า ไฮ่ ก๊อง, “เยซู โหฒว เฒี้ยว.”
4สีง ลี่ง เหธย ปุน เญย ฒี่ง เหญ่ย ม่าย ธั้ม-หญู่ง มป่า สีง ลี่ง เซ ดุ เต้า ฮนั้ง.#โลมา 12:6-8 5ม่าย ธั้ม-หญู่ง หฒะเอ๋ย ฟู-สู มป่า เซ ฟู-สู ดุ เต้า เฒี้ยว ฮนั้ง. 6ม่าย ธั้ม-หญู่ง กง โหฒว, มป่า ปุน หฒวัง เมี่ยน ม่าย ปั้น เหฒ่ย เก๊าะ-เมี่ยน โหฒว เก๊าะ-เมี่ยน เญย, เซ ดุ เต้า ทิน-ฮู่ง ฮนั้ง. 7เต้าๆ เมี่ยน ตุ๊ เหยียด หญู่ง ปุน ธีง สีง ลี่ง เยียม นิ่น เญย เฮญี้ยว เหว่ย เถง หฒวัง เมี่ยน ตุ๊ หลง. 8สีง ลี่ง ปุน เต้า เมี่ยน ไฮ่ ก๊อง ธง-เม่ง เญย หว่า, แอ๋ง ปุน กั้น เต้า ไฮ่ ก๊อง ไกว-ช้าว เญย หว่า. หย่า ต้ง ดุ เต้า สีง ลี่ง ปุน. 9ต้ง น้าย เต้า สีง ลี่ง หย่า ปุน เต้า ม่าย เสียน ฟิม หย่า ปุน กั้น เต้า ม่าย ปั้น เหฒ่ย หฒ่อ แป่ง. 10แอ๋ง ปุน เต้า ไฮ่ โหฒว บัวะ ฮ่อง เญย สี่, แอ๋ง ปุน เต้า ไฮ่ โต่ว ทิน-ฮู่ง เญย หว่า, หย่า ปุน เต้า ไฮ่ สัม ตุ๊ ธ้วด หาย หญู่ง เยียม สีง ลี่ง ต้าย, หาย หญู่ง เยียม เมี้ยน ต้าย. สีง ลี่ง แอ๋ง ปุน เต้า ไฮ่ ก๊อง กั้น หญู่ง หว่า, แอ๋ง ปุน เต้า ไฮ่ ฟาน วั้ว เต๋ย หว่า. 11น้าย เต๋ย เหยียด ฒู้ง เยียม วั้ว เต้า ดุ เต้า สีง ลี่ง ต้าย. สีง ลี่ง หย่า เอย นิ่น กั้น เญย หฒะเอ๋ย ตี่ง หาย เต้า ตุ๊ หาย หญู่ง ฒี่ง เหญ่ย.
เหยียด นอม ซิน ม่าย เหฒีย หญู่ง กั๊บ เจี๊ยน
12กีตู่ เซ ฮนั้ง เหยียด นอม ซิน, ม่าย เหฒีย หญู่ง กั๊บ เจี๊ยน. ไม้ กุ๊น ม่าย เหฒีย หญู่ง กั๊บ เจี๊ยน, ขูง เป๋น เหยียด นอม ซิน ฮนั้ง.#โลมา 12:4-5 13บัว หย่า ฟี่ ฮนั้ง เญย, ไม้ กุ๊น ยิวไท เมี่ยน ไฟ จั๋น, โหฒว โน่ว เญย ไฟ ไม้ โหฒว โน่ว เญย, เหยียด ฒู้ง จวั่ง ดุ เต้า สีง ลี่ง เจี๋ย เล์ย เป๋น เหยียด นอม ซิน. เหยียด ฒู้ง หย่า ตุ๊ จวั่ง ดุ เต้า สีง ลี่ง ฮบ.
14ซิน ไม้ เฒ์ย ม่าย ดุ หญู่ง ฮนั้ง, ม่าย เหฒีย หญู่ง กั๊บ เจี๊ยน. 15สี ก๊อง เหฒา ก๊อง, “เยีย ไม้ เฒ์ย ปั์ว, เยีย ฯฒฯ ไม้ เฒ์ย โหฒว ซิน เญย เหยียด หญู่ง,” น้าย ไม้ เฒ์ย ปุน เหฒา ไม้ โหฒว ซิน เญย เหยียด หญู่ง. 16สี ก๊อง มน่อม หย่า ก๊อง, “เยีย ไม้ เฒ์ย มฒีง, เยีย ฯฒฯ ไม้ เฒ์ย โหฒว ซิน เญย เหยียด หญู่ง,” น้าย ไม้ เฒ์ย ปุน มน่อม ไม้ โหฒว ซิน เญย เหยียด หญู่ง. 17สี ก๊อง เฒี่ยง ซิน ขูง โหฒว มฒีง ฮนั้ง, ฮนั้ง หาย นอ ไฮ่ หมวัง ตุ๊ ไฮ์? สี ก๊อง ขูง โหฒว มน่อม ฮนั้ง, ฮนั้ง หาย นอ ไฮ่ ฮน้ม ฑยาว? 18มป่า ทิน-ฮู่ง เอย นิ่น กั้น เญย หฒะเอ๋ย ปุน ซิน หฒั่ง เหยียด หญู่ง ม่าย เหยียด หญู่ง เญย ต๋อง เยียม. 19สี ก๊อง ซิน เญย เหยียด ฒู้ง ขูง ดุ หญู่ง ฮนั้ง, น้าย ไม้ ไฮ่ เป๋น ซิน อ๊ะ. 20มป่า ซิน หฒะเก้ง ม่าย เหฒีย หญู่ง กั๊บ เจี๊ยน หธีง ต้าย ไฮ่ เป๋น เหยียด นอม ซิน.
21เหว่ย น้าย, มฒีง ไม้ ไฮ่ บั๋ว ปั์ว, “เยีย ไม้ เฉียม หฒุ หล่ง เม่ย.” มฆ้อง หย่า ไม้ ไฮ่ บั๋ว เหฒา, “เยีย ไม้ เฉียม หฒุ หล่ง เม่ย.” 22มป่า ไม้ เฒ์ย ฮนั้ง หน่าย. ปวัด ซิน เญย หาย หญู่ง เมา เจี๋ย, วั้ว หญู่ง บัว เก้า เฉียม หล่ง เจี๋ย. 23บัว ฮนั้ม ต้าย ซิน เญย หาย หญู่ง เก้า ไม้ ท่าย เญย, ต้ง วั้ว หญู่ง บัว เก้า อ๋อย หฒุ ท่าย. ไม้ เป๋น หมั่ง เญย ต๋อง, เก้า อ๋อย หฒุ เจี้ยม กวาน หลง. 24เหฑว่ย เญย ต๋อง ไม้ เฉียม หฒุ ฒอง. มป่า ทิน-ฮู่ง กั๊บ ซิน หฒั่ง ต้าย, ปุน ไม้ ท่าย เญย ต๋อง หธ่อ เก้า อ๋อย หฒุ ท่าย. 25ฮนั้ง หน่าย ซิน หธีง ต้าย ไม้ ลั่ม แฑง ต๋อง. ซิน เญย หญู่งๆ, เม่ย โก๋ว เยีย, เยีย โก๋ว เม่ย ฟี่ ฮนั้ง เญย. 26สี ก๊อง ซิน เญย เหยียด หญู่ง หฒุ มุน, เฒี่ยง ซิน ฯฒฯ เหธา เจี๊ยน มุน เหฑ่ง. สี ก๊อง ซิน เญย เหยียด หญู่ง ตุ๊ เมี่ยน ท่าย, เฒี่ยง ซิน ฯฒฯ เหธา เจี๊ยน เฌียน-โย่ว เหฑ่ง.
27เม่ย บัว เซ กีตู่ เญย ซิน. เม่ย บัว เต้าๆ หย่า โหฒว ซิน เญย เหยียด หญู่ง. 28ทิน-ฮู่ง ออน เมี่ยน เยียม จิว-ปาง โหฒว กง. ตะเยี้ยด โหฒว กง-โฒ่, ตะเหญ่ย โหฒว โต่ว หว่า เมี่ยน, ตะฟาม โหฒว ฟิน-แซง. แอ๋ง ม่าย เต๋ย โหฒว บัวะ ฮ่อง เญย สี่. ม่าย เต๋ย ไฮ่ หฒ่อ แป่ง, ม่าย เต๋ย ม่าย ปั้น เหฒ่ย เถง เมี่ยน, ม่าย เต๋ย ม่าย ปั้น เหฒ่ย กุ๊น สี่, หย่า ม่าย เต๋ย ไฮ่ ก๊อง กั้น หญู่ง หว่า.#เอเฟโซ 4:11 29นิ่น บัว ไม้ เฒ์ย เหยียด ฒู้ง โหฒว กง-โฒ่, ไฟ โต่ว หว่า เมี่ยน, ไฟ ฟิน-แซง. ไม้ เฒ์ย เหยียด ฒู้ง ไฮ่ โหฒว บัวะ ฮ่อง เญย สี่, 30ไฟ ไฮ่ หฒ่อ แป่ง, ไฟ ไฮ่ ก๊อง กั้น หญู่ง หว่า, ไฟ ไฮ่ ฟาน วั้ว หญู่ง หว่า. 31เม่ย บัว อ๋อย หฒุ จอม เฮญี้ยว ล์อ เก้า หล่ง เจี๊ยน เจี๋ย เญย ฒี่ง เหญ่ย.
มป่า ม่าย ติ่ว เจ๊า เก้า หลง เจี๋ย, เยีย อ๋อย ปุน เม่ย บัว ฮิ้ว.
Currently Selected:
1 โคลินโท 12: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
