MGA AWIT 66
66
Sa Pangulong Manunugtog. Awit, Salmo.
1Magkaingay kayong may kagalakan #Awit 95:1. sa Dios, buong lupa.
2Awitin ninyo ang kaluwalhatian ng kaniyang pangalan:
Paluwalhatiin ninyo ang pagpuri sa kaniya.
3Inyong sabihin sa Dios, #Awit 47:2; Apoc. 15:3. Napaka kakilakilabot ng iyong mga gawa!
Sa kadakilaan ng iyong kapangyarihan ay magsisuko ang iyong mga kaaway sa iyo.
4Buong lupa ay sasamba sa iyo,
At aawit sa iyo;
Sila'y magsisiawit sa iyong pangalan. (Selah)
5 #
Awit 46:8. Kayo ay magsiparito, at tingnan ninyo ang mga gawa ng Dios;
Siya'y kakilakilabot sa kaniyang gawain sa mga anak ng mga tao.
6 #
Ex. 14:21; Jos. 3:14-17; Awit 74:15. Kaniyang pinagiging tuyong lupa ang dagat:
Sila'y nagsidaan ng paa sa ilog:
Doo'y nangagalak kami sa kaniya.
7Siya'y nagpupuno ng kaniyang kapangyarihan magpakailan man:
Papansinin #Awit 11:4. ng kaniyang mga mata ang mga bansa:
Huwag mangagpakabunyi #Awit 68:6. ang mga manghihimagsik. (Selah)
8Oh purihin ninyo ang ating Dios, ninyong mga bayan,
At iparinig ninyo ang tinig ng kaniyang kapurihan:
9Na umaalalay sa ating kaluluwa sa buhay,
At hindi tumitiis na makilos ang ating mga paa.
10Sapagka't #Awit 26:2; Is. 48:10. ikaw, Oh Dios, tinikman mo kami:
#
Zac. 13:8; 1 Ped. 1:6, 7. Iyong sinubok kami na para ng pagsubok sa pilak.
11Iyong isinuot kami sa silo;
Ikaw ay naglagay ng mainam na pasan sa aming mga balakang.
12Iyong pinasakay #Is. 51:23. ang mga tao sa aming mga ulo;
#
Is. 43:2. Kami ay nangagdaan sa apoy at sa tubig;
Nguni't dinala mo kami sa saganang dako.
13 #
Awit 116:18, 19. Ako'y papasok sa iyong bahay na may mga handog na susunugin,
Aking babayaran sa iyo ang mga panata ko,
14Na sinambit ng aking mga labi,
At sinalita ng aking bibig, #Awit 18:6. nang ako'y nasa kadalamhatian.
15Ako'y maghahandog sa iyo ng mga matabang handog na susunugin,
Na may haing mga tupa;
Ako'y maghahandog ng mga toro na kasama ng mga kambing. (Selah)
16 #
Awit 31:11. Kayo'y magsiparito at dinggin ninyo, ninyong lahat na nangatatakot sa Dios,
At ipahahayag ko kung ano ang kaniyang ginawa sa aking kaluluwa.
17Ako'y dumaing sa kaniya ng aking bibig,
At siya'y ibinunyi ng aking dila.
18 #
Kaw. 1:28; Juan 9:31; Sant. 4:3. Kung pinakundanganan ko ang kasamaan sa aking puso,
Hindi ako didinggin ng Panginoon:
19Nguni't katotohanang dininig ako ng Dios;
Kaniyang pinakinggan ang tinig ng aking dalangin.
20Purihin ang Dios,
Na hindi iniwaksi ang aking dalangin,
Ni ang kaniyang kagandahang-loob sa akin.
Currently Selected:
MGA AWIT 66: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
