LUCAS 1
1
1Yamang marami ang nagpilit mag-ayos ng isang kasaysayan noong mga bagay na naganap sa gitna natin,
2Alinsunod sa ipinatalos sa atin nilang buhat sa #Mar. 1:1; Juan 15:27. pasimula ay #Heb. 2:3; 2 Ped. 1:16; 1 Juan 1:1. mga saksing nangakakakita at mga #Gawa 26:16; 1 Cor. 4:1. ministro ng salita,
3Ay minagaling ko naman, pagkasiyasat na lubos ng pangyayari ng lahat ng mga bagay mula nang una, na isulat sa iyong sunodsunod, #Gawa 23:26. kagalanggalang na #Gawa 1:1. Teofilo;
4Upang mapagkilala mo ang katunayan #Juan 20:31. tungkol sa mga bagay na itinuro sa iyo.
5Nagkaroon #Mat. 2:1. nang mga araw ni Herodes, hari sa Judea, ng isang saserdoteng ang ngala'y Zacarias, #1 Cron. 24:10. sa pulutong ni Abias: at ang naging asawa niya ay isa sa mga anak na babae ni Aaron, at ang kaniyang ngala'y Elisabet.
6At sila'y kapuwa #Gen. 7:1; Fil. 3:6. matuwid sa harap ng Dios, na nagsisilakad na walang kapintasan sa lahat ng mga utos at mga palatuntunan ng Panginoon.
7At wala silang anak, sapagka't baog si Elisabet, at sila'y kapuwa may pataw ng maraming taon.
8Nangyari nga, na samantalang ginaganap niya ang pagkasaserdote sa harapan ng Dios #1 Cron. 24:19; 2 Cron. 8:14; 31:2. ayon sa kapanahunan ng kaniyang pulutong,
9Alinsunod sa kaugalian ng tungkuling pagkasaserdote, ay naging palad niya ang pumasok sa templo ng Panginoon at #Ex. 30:7, 8; 1 Cron. 23:13; 2 Cron. 29:11. magsunog ng kamangyan.
10At ang buong karamihan #Lev. 16:17. ng mga tao ay nagsisipanalangin #Awit 141:2; Apoc. 8:3, 4. sa labas sa oras ng kamangyan.
11At napakita sa kaniya ang isang anghel ng Panginoon, na nakatayo sa dakong kanan #Ex. 30:1. ng dambana ng kamangyan.
12At nagulumihanan si Zacarias, pagkakita niya sa kaniya, #tal. 29; Luc. 2:9; 5:8; Gawa 10:4. at dinatnan siya ng takot.
13Datapuwa't sinabi sa kaniya ng anghel, Huwag kang matakot, Zacarias: sapagka't dininig ang daing mo, at ang asawa mong si Elisabet ay manganganak sa iyo ng isang anak na lalake, at #tal. 60. tatawagin mong Juan ang kaniyang pangalan.
14At magkakaroon ka ng ligaya at galak; at #tal. 58. marami ang maliligaya sa pagkapanganak sa kaniya.
15Sapagka't siya'y magiging dakila sa paningin ng Panginoon, at siya'y #Blg. 6:3. hindi iinom ng alak ni matapang na inumin; at siya'y mapupuspos ng Espiritu Santo, mula pa sa tiyan ng kaniyang ina.
16At marami sa mga anak ni Israel, ay papagbabaliking-loob niya sa Panginoon na kanilang Dios.
17 #
Mat. 11:14. At siya'y lalakad sa unahan ng kaniyang mukha na may espiritu at kapangyarihan ni Elias, #Mal. 4:6. upang papagbaliking-loob ang mga puso ng mga ama sa mga anak, at ang mga suwail ay magsilakad sa karunungan ng mga matuwid, #Mal. 3:1; Mat. 11:10; Mar. 1:2. upang ipaglaan ang Panginoon ng isang bayang nahahanda.
18At sinabi ni Zacarias sa anghel, #Gen. 17:17. Sa ano malalaman ko ito? sapagka't ako'y matanda na, at ang aking asawa ay may pataw ng maraming taon.
19At pagsagot ng anghel ay sinabi sa kaniya, #tal. 26; Dan. 8:16; 9:21; Mat. 18:10. Ako'y si Gabriel, na nananayo sa harapan ng Dios; at ako'y sinugo upang makipagusap sa iyo, at magdala sa iyo nitong mabubuting balita.
20At narito, mapipipi ka at hindi ka makapangungusap, hanggang sa araw na mangyari ang mga bagay na ito, sapagka't hindi ka sumampalataya sa aking mga salita, na magaganap sa kanilang kapanahunan.
21At hinihintay ng bayan si Zacarias, at nanganggigilalas sila sa kaniyang pagluluwat sa loob ng templo.
22At nang lumabas siya, ay hindi siya makapagsalita sa kanila: at hininagap nila na siya'y nakakita ng isang pangitain sa templo: at siya'y nagpatuloy ng #tal. 62. pakikipagusap sa kanila, sa pamamagitan ng mga hudyat, at nanatiling pipi.
23At nangyari, na nang maganap na ang mga araw ng kaniyang paglilingkod, siya'y umuwi sa kaniyang bahay.
24At pagkatapos ng mga araw na ito ay naglihi ang kaniyang asawang si Elisabet; at siya'y lumigpit ng limang buwan, na nagsasabi,
25Ganito ang ginawa ng Panginoon sa akin sa mga araw nang ako'y tingnan niya, #Gen. 30:23. upang alisin ang aking pagkaduwahagi sa gitna ng mga tao.
26Nang ikaanim na buwan nga'y sinugo ng Dios ang anghel #tal. 19. Gabriel sa isang bayan ng Galilea, ngala'y Nazaret,
27Sa isang dalagang #Mat. 1:18. magaasawa sa isang lalake, na ang kaniyang ngala'y Jose, #Mat. 1:16, 20. sa angkan ni David; at Maria ang pangalan ng dalaga.
28At pumasok siya sa kinaroroonan niya, at sinabi, Magalak ka, ikaw na totoong pinakamamahal, #Huk. 6:12. ang Panginoon ay sumasa iyo.
29Datapuwa't siya'y totoong #tal. 12. nagulumihanan sa sabing ito, at iniisip sa kaniyang sarili kung anong bati kaya ito.
30At sinabi sa kaniya ng anghel, Huwag kang matakot, Maria: sapagka't nakasumpong ka ng biyaya sa Dios.
31At narito, maglilihi ka #Is. 7:14; Mat. 1:21; Luc. 2:21. sa iyong tiyan, at manganganak ka ng isang lalake, at tatawagin mo ang kaniyang pangalang JESUS.
32Siya'y magiging dakila, at tatawaging Anak ng #tal. 35, 76; Luc. 6:35. Kataastaasan: at #2 Sam. 7:13, 16; Awit 132:11; Is. 9:6, 7; 16:5. sa kaniya'y ibibigay ng Panginoong Dios ang luklukan ni David na kaniyang ama:
33At siya'y maghahari sa angkan #Dan. 2:44; 7:14-27. ni Jacob magpakailan man; at hindi magkakawakas ang kaniyang kaharian.
34At sinabi ni Maria sa anghel, Paanong mangyayari ito, sa ako'y hindi nakakakilala ng lalake?
35At sumagot ang anghel, at sinabi sa kaniya, Bababa sa iyo #Mat. 1:18, 20. ang Espiritu Santo, at lililiman ka ng kapangyarihan ng #tal. 32, 76; Luc. 6:35. Kataastaasan: kaya naman ang banal na bagay na ipanganganak ay tatawaging #Mat. 14:33. Anak ng Dios.
36At narito, si Elisabet na iyong #tal. 58. kamaganak, ay naglihi rin naman ng isang anak na lalake sa kaniyang katandaan; at ito ang ikaanim na buwan niya, na dati'y tinatawag na baog.
37Sapagka't walang salitang mula sa Dios na di may kapangyarihan.
38At sinabi ni Maria, Narito, ang alipin ng Panginoon; mangyari sa akin ang ayon sa iyong salita. At iniwan siya ng anghel.
39At nang mga araw na ito'y nagtindig si Maria, at nagmadaling napasa #tal. 65; Jos. 20:7; 21:11. lupaing maburol, sa isang bayan ng Juda;
40At pumasok sa bahay ni Zacarias at bumati kay Elisabet.
41At nangyari, pagkarinig ni Elisabet ng bati ni Maria, ay lumukso ang sanggol sa kaniyang tiyan; at #tal. 67. napuspos si Elisabet ng Espiritu Santo;
42At sumigaw siya ng malakas na tinig, at sinabi, #tal. 28. Pinagpala ka sa mga babae, at pinagpala ang bunga ng iyong tiyan.
43At ano't nangyari sa akin, na ang ina ng #Luc. 2:11. aking Panginoon ay pumarito sa akin?
44Sapagka't ganito, pagdating sa aking mga pakinig ng tinig ng iyong bati, lumukso sa tuwa ang sanggol sa aking tiyan.
45At #Juan 20:29. mapalad ang babaing sumampalataya; sapagka't matutupad ang mga bagay na sa kaniya'y sinabi ng Panginoon.
46At sinabi ni Maria,
#
1 Sam. 2:1-10. Dinadakila ng aking kaluluwa #Awit 34:2, 3. ang Panginoon,
47At nagalak ang aking espiritu sa #1 Tim. 1:1; Tit. 3:4. Dios na aking Tagapagligtas.
48Sapagka't #1 Sam. 1:11; Awit 138:6. nilingap niya ang kababaan ng kaniyang alipin.
Sapagka't, narito, mula ngayon ay tatawagin akong #tal. 45. mapalad ng lahat ng maghahalihaliling lahi.
49Sapagka't #Awit 71:19; 126:2, 3. ginawan ako ng Makapangyarihan ng mga dakilang bagay;
At #Awit 111:9. banal ang kaniyang pangalan.
50At ang #Awit 103:17. kaniyang awa ay sa mga lahi't lahi.
Sa nangatatakot sa kaniya.
51Siya'y nagpakita ng lakas #Awit 98:1; Is. 40:10. ng kaniyang bisig;
#
Awit 33:10. Isinambulat niya ang mga palalo sa paggunamgunam ng kanilang puso.
52Ibinaba niya ang mga prinsipe #1 Sam. 2:7, 8. sa mga luklukan nila,
At itinaas ang mga may mababang kalagayan.
53 #
1 Sam. 2:5; Awit 34:10. Binusog niya ang nangagugutom ng mabubuting bagay;
At pinaalis niya ang mayayaman, na walang anoman.
54Tumulong siya sa Israel na kaniyang alipin,
#
Awit 98:3. Upang maalaala niya ang awa
55(Gaya ng sinabi niya #Gen. 17:19. sa ating mga magulang)
Kay Abraham at sa kaniyang binhi magpakailan man.
56At si Maria ay natirang kasama niya na may tatlong buwan, at umuwi sa kaniyang bahay.
57Naganap nga kay Elisabet ang panahon ng panganganak; at siya'y nanganak ng isang lalake.
58At nabalitaan ng kaniyang mga kapitbahay at #tal. 36. mga kamaganak, na dinakila ng Panginoon ang kaniyang awa sa kaniya; at #tal. 14. sila'y nangakigalak sa kaniya.
59At nangyari, na #Gen. 17:12; Luc. 2:21. nang ikawalong araw ay nagsiparoon sila upang tuliin ang sanggol; at siya'y tatawagin sana nila na Zacarias, ayon sa pangalan ng kaniyang ama.
60At sumagot ang kaniyang ina at nagsabi, #tal. 13. Hindi gayon; kundi ang itatawag sa kaniya'y Juan.
61At sinabi nila sa kaniya, Wala sa iyong kamaganak na tinatawag sa pangalang ito.
62At hinudyatan nila ang kaniyang ama, kung ano ang ibig niyang itawag.
63At humingi siya ng isang sulatan at sumulat, na sinasabi, Ang kaniyang pangalan ay Juan. At nagsipanggilalas silang lahat.
64At pagdaka'y #tal. 20. nabuka ang kaniyang bibig, at ang kaniyang dila'y nakalag, at siya'y nagsalita, na pinupuri ang Dios.
65At sinidlan ng #Luc. 7:16. takot ang lahat ng nagsisipanahan sa palibot nila; at nabansag ang lahat ng mga bagay na ito sa lahat #tal. 39. ng lupaing maburol ng Judea.
66At lahat ng mga nangakarinig nito ay pawang iningatan sa kanilang puso, na sinasabi, Magiging ano nga kaya ang batang ito? Sapagka't #Awit 80:17; Gawa 11:21. ang kamay ng Panginoon ay sumasa kaniya.
67At si Zacarias na kaniyang ama ay #tal. 41. napuspos ng Espiritu Santo, at nanghula, na nagsasabi,
68Purihin ang #1 Hari 1:48; Awit 41:13; 72:18; 106:48. Panginoon, ang Dios ng Israel;
Sapagka't #Ex. 3:16; Awit 111:9; Luc. 2:38. kaniyang dinalaw at tinubos ang kaniyang bayan,
69At nagtaas sa atin #Awit 132:17. ng isang sungay ng kaligtasan
Sa bahay ni David na kaniyang alipin
70(Gaya ng sinabi niya #Jer. 23:5, 6; 30:9. sa pamamagitan ng kaniyang mga banal na propeta na nagsilitaw #Gawa 3:21. buhat nang unang panahon),
71Kaligtasang mula sa ating mga kaaway, at sa kamay ng lahat ng nangapopoot sa atin;
72 # tal. 54. Upang magkaawang-gawa sa ating mga magulang,
At #Awit 105:8, 9. alalahanin ang kaniyang banal na tipan;
73Ang sumpa #Gen. 22:16. na isinumpa niya kay Abraham na ating ama,
74Na ipagkaloob sa atin na yamang nangaligtas sa kamay ng ating mga kaaway,
Ay paglingkuran natin siya ng walang takot,
75Sa kabanalan #Ef. 4:24. at katuwiran sa harapan niya, lahat ng ating mga araw.
76Oo at ikaw, sanggol, tatawagin kang #Mat. 11:9. propeta ng #tal. 32. kataastaasan;
Sapagka't #tal. 17. magpapauna ka sa unahan ng mukha ng Panginoon, upang ihanda ang kaniyang mga daan;
77Upang #Luc. 11:52. maipakilala ang kaligtasan sa kaniyang bayan,
Sa pagkapatawad ng kanilang mga kasalanan,
78Dahil sa magiliw na habag ng aming Dios,
Ang pagbubukang liwayway buhat sa kaitaasan ay dadalaw sa atin,
79 #
Is. 9:2; Mat. 4:16. Upang liwanagan #Is. 42:7. ang nangakalugmok sa kadiliman at sa lilim ng kamatayan;
Upang itumpak ang ating mga paa sa daan ng #Luc. 2:14. kapayapaan.
80At lumaki #Luc. 2:40. ang sanggol, at lumakas sa espiritu, at #Mat. 3:1. nasa mga ilang hanggang sa araw ng kaniyang pagpapakita sa Israel.
Currently Selected:
LUCAS 1: ABTAG
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Ang Biblia © Philippine Bible Society, 1982