JOB 30
30
Idinadaing niya ang kaparusahan na kaniyang dinadanas, at ang malabis na pahirap sa kaniya ng Panginoon.
1Nguni't ngayo'y silang bata kay sa akin ay nagsisitawa sa akin,
# Hanggang tal. 8; Job 24:4-8. Na ang mga magulang ay di ko ibig na malagay na kasama ng mga aso ng aking kawan.
2Oo, ang kalakasan ng kanilang kamay, sa ano ko mapapakinabangan?
Mga taong ang kalusugan ng gulang ay lumipas na.
3Sila'y lata sa pangangailangan at sa kagutom;
Kanilang nginangata ang tuyong lupa, sa kadiliman ng kasalatan at kapahamakan.
4Sila'y nagsisibunot ng mga malvas sa tabi ng mabababang punong kahoy;
At ang mga ugat ng enebro ay siyang kanilang pinakapagkain.
5Sila'y pinalayas mula sa gitna ng mga tao;
Sila'y sumisigaw sa likuran nila, na gaya ng sa likuran ng isang magnanakaw.
6Upang sila'y magsitahan sa nakatatakot na mga libis,
Sa mga puwang ng lupa, at ng mga bato.
7Sa gitna ng mabababang punong kahoy ay #Job 6:5. nagsisiangal;
Sa ilalim ng mga tinikan ay nangapipisan.
8Mga anak ng mga mangmang, oo, mga anak ng mga walang puring tao;
Sila'y mga itinapon mula sa lupain.
9 #
Job 17:6; Awit 69:12; Panag. 3:14. At ngayon ay naging kantahin nila ako,
Oo, ako'y kasabihan sa kanila.
10Kanilang kinayayamutan ako, nilalayuan nila ako,
At hindi sila nagpipigil ng paglura sa aking mukha.
11Sapagka't #Job 12:18. kinalag niya ang kaniyang panali, at pinighati ako,
At kanilang inalis ang paningkaw sa harap ko.
12Sa aking kanan ay tumatayo ang tanga;
Itinutulak nila ang aking mga paa,
At #Job 19:12. kanilang pinapatag laban sa akin ang kanilang mga paraan ng paghamak.
13Kanilang sinisira ang aking landas,
Kanilang isinusulong ang aking kapahamakan,
Mga taong walang tumulong.
14Tila dumarating sila sa isang maluwang na pasukan:
Sa gitna ng kasiraan ay nagsisigulong sila.
15Mga kakilabutan ay dumadagan sa akin,
Kanilang tinatangay ang aking karangalan na gaya ng hangin;
At ang aking kaginhawahan ay napaparam na #Job 7:9. parang alapaap.
16At #1 Sam. 1:15. ngayo'y nanglulupaypay ang aking kaluluwa sa loob ko;
Mga kaarawan ng pagkapighati ay humawak sa akin.
17Sa gabi ay nagaantakan ang aking mga buto,
At ang mga antak na nagpapahirap sa akin ay hindi nagpapahinga.
18Sa matinding karahasan ng aking sakit ay nagiging katuwa ang aking suot:
Tumatali sa akin sa palibot na gaya ng leeg ng aking baro.
19Inihahagis niya ako sa banlik,
At ako'y naging parang alabok at mga abo.
20Ako'y dumadaing sa iyo, at hindi mo ako sinasagot:
Ako'y tumatayo, at minamasdan mo ako.
21Ikaw ay naging mabagsik sa akin:
Sa pamamagitan ng kapangyarihan ng iyong kamay ay hinahabol mo ako.
22Itinataas mo ako sa hangin, pinasasakay mo ako roon;
At tinutunaw mo ako sa bagyo.
23Sapagka't talastas ko na iyong dadalhin ako sa kamatayan,
At sa bahay na takda sa lahat na may buhay.
24Gayon man ang isa ay di ba naguunat ng kamay sa kaniyang pagkahulog?
O sa kaniyang kasakunaan kung kaya sisigaw ng tulong?
25 #
Awit 35:13, 14. Hindi ko ba iniyakan yaong nasa kabagabagan?
Hindi ba ang aking kaluluwa ay nakikidamay sa mapagkailangan?
26 #
Jer. 8:15; 14:19. Pagka ako'y humahanap ng mabuti, ang kasamaan nga ang dumarating:
At pagka ako'y naghihintay ng liwanag ay kadiliman ang dumarating.
27Ang aking puso'y nababagabag at walang pahinga;
Mga araw ng kapighatian ay dumating sa akin.
28 #
Awit 36:6; 42:9; 43:2. Ako'y yumayaong tumatangis na walang araw;
Ako'y tumatayo sa kapulungan at humihinging tulong.
29Ako'y kapatid ng mga chakal, At mga kasama ng mga avestruz.
30 #
Awit 119:83; Panag. 4:8; 5:10. Ang aking balat ay maitim, at natutuklap,
#
Awit 102:3. At ang aking mga buto ay nagpapaltos.
31Kaya't ang aking #Panag. 5:15. alpa ay naging panangis,
At ang aking flauta ay naging tinig ng umiiyak.
Currently Selected:
JOB 30: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
