JUAN 10

1Katotohanan, katotohanang sinasabi ko sa inyo, Ang pumapasok sa hindi pintuan ng kulungan ng mga tupa kundi umaakyat sa ibang daan, ang gayon ay tulisan at magnanakaw.

2Datapuwa't ang pumapasok sa pintuan ay siyang pastor ng mga tupa.

3Binubuksan siya ng bantay-pinto; at dinirinig ng mga tupa ang kaniyang tinig: at tinatawag ang kaniyang sariling mga tupa sa pangalan, at sila'y inihahatid sa labas.

4Pagka nailabas na niya ang lahat ng sariling kaniya, ay pinangungunahan niya sila, at nagsisisunod sa kaniya ang mga tupa: sapagka't nakikilala nila ang kaniyang tinig.

5At sa iba'y hindi sila magsisisunod, kundi magsisitakas sa kaniya: sapagka't hindi nila nakikilala ang tinig ng mga iba.

6Sinalita ni Jesus sa kanila ang talinghagang ito: #Mat. 13:51. datapuwa't hindi nila napagunawa kung anong mga bagay ang sa kanila'y sinasalita.

7Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa.

8Ang lahat ng nangauna sa aking nagsiparito ay mga magnanakaw at mga tulisan: datapuwa't hindi sila dininig ng mga tupa.

9Ako #tal. 7; Juan 14:6; Ef. 2:18. ang pintuan; ang sinomang taong pumasok sa akin, ay siya'y maliligtas, at papasok at lalabas, at #Awit 28:2. makasusumpong ng pastulan.

10Hindi pumaparito ang magnanakaw, kundi upang magnakaw, at pumatay, at pumuksa: ako'y naparito upang sila'y magkaroon ng buhay, at magkaroon ng kasaganaan nito.

11Ako ang mabuting pastor: #Is. 40:11; Ezek. 34:12, 23; Heb. 13:20; 1 Ped. 2:25; 5:4. ibinibigay ng mabuting pastor ang kaniyang buhay dahil sa mga tupa.

12Ang nagpapaupa, at hindi ang pastor, na hindi may-ari ng mga tupa, ay nakikitang dumarating ang lobo, at #Zac. 11:15, 16. pinababayaan ang mga tupa, at tumatakas, at inaagaw sila ng lobo, at pinapangangalat:

13 Siya'y tumatakas sapagka't siya'y upahan, at hindi ipinagmamalasakit ang mga tupa.

14Ako ang mabuting pastor; at #2 Tim. 2:19. nakikilala ko ang sariling akin, at ang sariling akin ay nakikilala ako,

15Gaya ng pagkakilala #Mat. 11:27. sa akin ng Ama, at ng sa Ama ay pagkakilala ko; #Juan 15:13. at ibinibigay ko ang aking buhay dahil sa mga tupa.

16At mayroon akong #Is. 56:8. ibang mga tupa, na hindi sa kulungang ito: #Juan 11:52; Ef. 2:14-17. sila'y kailangan din namang dalhin ko, at kanilang diringgin ang aking tinig; at sila'y magiging isang kawan, at magkakaroon ng isang pastor.

17 # Fil. 2:9. Dahil dito'y sinisinta ako ng Ama, #Is. 53:7, 8, 12; Heb. 2:9. sapagka't ibinibigay ko ang aking buhay, upang kunin kong muli.

18Sinoma'y hindi nagaalis sa akin nito, kundi kusa kong ibinibigay. May kapangyarihan akong magbigay nito, at #Juan 2:19; Gawa 2:24. may kapangyarihan akong kumuhang muli. Tinanggap ko ang utos na #Juan 6:38; 14:31. ito sa aking Ama.

19At #Juan 7:43. muling nagkaroon ng isang pagbabahabahagi sa gitna ng mga Judio dahil sa mga salitang ito.

20At sinasabi ng marami sa kanila, #Juan 7:20. Mayroon siyang demonio, at #Mar. 3:21. siya'y nauulol; bakit ninyo siya pinakikinggan?

21Sinasabi ng mga iba, Hindi sa inaalihan ng demonio ang mga sabing ito. #Juan 9:7, 32, 33. Maaari bagang ang demonio ay makapagpadilat ng mga mata ng bulag?

22At niyao'y kapistahan ng pagtatalaga sa Jerusalem:

23Noo'y tagginaw; at naglalakad si Jesus sa templo sa #Gawa 3:11; 5:12. portiko ni Salomon.

24Nilibot nga siya ng mga Judio, at sa kaniya'y sinabi, Hanggang kailan mo pa baga pagaalinlanganin kami? Kung ikaw ang Cristo, ay sabihin mong maliwanag sa amin.

25Sinagot sila ni Jesus, Sinabi ko sa inyo, at hindi kayo nagsisampalataya: #Juan 5:36. ang mga gawang ginagawa ko sa pangalan ng aking Ama, ay siyang nangagpapatotoo sa akin.

26Datapuwa't hindi kayo nagsisampalataya, sapagka't hindi kayo sa aking mga tupa.

27Dinirinig ng #tal. 3, 4. aking mga tupa ang aking tinig, at sila'y aking nakikilala, at sila'y nagsisisunod sa akin:

28At sila'y binibigyan ko ng walang hanggang buhay; at kailan ma'y #Juan 6:37; 17:2, 6, 9, 11, 12, 24. hindi sila malilipol, at hindi sila aagawin ng sinoman sa aking kamay.

29Ang aking Ama, na sa kanila ay nagbigay sa akin, ay lalong dakila kay sa lahat; at hindi sila maaagaw ninoman sa kamay ng Ama.

30Ako at ang Ama ay #Juan 17:11, 22. iisa.

31 # Juan 8:59. Nagsidampot uli ng mga bato ang mga Judio upang siya'y batuhin.

32Sinagot sila ni Jesus, Maraming mabubuting gawa na mula sa Ama ang ipinakita ko sa inyo; alin sa mga gawang yaon ang ibinabato ninyo sa akin?

33Sinagot siya ng mga Judio, Hindi dahil sa mabuting gawa ay binabato ka namin, kundi sa #Lev. 24:16. pamumusong; at sapagka't #Juan 5:18. ikaw, bagaman ikaw ay tao, ay nagpapakunuwari kang Dios.

34Sinagot sila ni Jesus, Hindi baga nasusulat sa #Juan 12:34; 15:25. inyong kautusan, #Awit 62:6. Aking sinabi, Kayo'y mga dios?

35Kung tinawag niyang mga dios, yaong mga dinatnan ng salita ng Dios (at hindi mangyayaring sirain ang kasulatan),

36Sinasabi baga ninyo tungkol sa kaniya, na #Juan 17:19. pinabanal ng Ama at sinugo sa sanglibutan, Ikaw ay namumusong; #Juan 5:17, 18. sapagka't sinasabi ko, #Juan 9:35. Ako ang anak ng Dios?

37Kung hindi ko ginagawa ang mga gawa ng aking Ama, ay huwag ninyo akong sampalatayanan.

38Datapuwa't kung ginagawa ko, ang mga yaon #Juan 14:11. kahit hindi kayo magsisampalataya sa akin, ay magsisampalataya kayo sa mga gawa; upang maalaman ninyo at mapagunawa #Juan 14:10, 11, 20; 17:21, 23. na ang Ama ay nasa akin, at ako'y nasa Ama.

39Muling pinagsikapan nilang siya'y hulihin: at siya'y tumakas sa kanilang mga kamay.

40At siya'y muling naparoon sa dako pa roon ng Jordan #Juan 1:28; 3:26. sa dako nang una'y pinagbautismuhan ni Juan; at siya'y tumira doon.

41At marami ang mga nagsiparoon sa kaniya; at kanilang sinabi, Katotohanang si Juan ay hindi gumawa ng tanda: #Juan 1:29-34; 3:33. nguni't lahat ng mga bagay na sinalita ni Juan tungkol sa taong ito ay totoo.

42At #Juan 8:30. marami ang mga nagsisampalataya sa kaniya roon.

Currently Selected:

JUAN 10: ABTAG

Highlight

Copy