MGA HUKOM 10
10
Si Tola at si Jair.
1At pagkamatay ni Abimelech ay #Huk. 2:16. bumangon doon, upang magligtas sa Israel, si Tola na anak ni Pua, na anak ni Dodo, na lalake ng Issachar; at siya'y tumahan sa Samir sa lupaing maburol ng Ephraim.
2At siya'y naghukom sa Israel na dalawang pu't tatlong taon; at namatay, at inilibing sa Samir.
3At pagkamatay niya'y bumangon si Jair, na Galaadita; at siya'y naghukom sa Israel na dalawang pu't dalawang taon.
4At siya'y may tatlong pung anak na #Huk. 5:10.sumasakay sa tatlong pung asno, at sila'y may tatlong pung bayan #Deut. 3:14; Blg. 32:41.na tinatawag na Havot-jair hanggang sa araw na ito, na nangasa lupain ng Galaad.
5At namatay si Jair, at inilibing sa Camon.
Ang Israel ay muling tumalikod sa Dios.
6At ginawa uli ng #Huk. 2:11; 3:7; 4:1.mga anak ni Israel ang kasamaan sa paningin ng Panginoon, at #Huk. 2:13.naglingkod sa mga Baal, at kay Astaroth, at sa mga dios sa Siria, at sa mga dios sa #1 Hari 11:5, 7, 33; 2 Hari 23:13.Sidon, at sa mga dios sa Moab, at sa mga dios ng mga anak ni Ammon, at sa mga dios ng mga #Huk. 16:23.Filisteo; at pinabayaan nila ang Panginoon, at hindi naglingkod sa kaniya.
7At ang galit ng Panginoon ay nagalab laban sa Israel, #Deut. 32:30.at ipinagbili niya sila sa kamay ng mga Filisteo, at sa kamay ng mga anak ni #1 Sam. 11:1. Ammon.
8At kanilang pinahirapan at pinighati ang mga anak ni Israel nang taong yaon: labing walong taong pinighati ang lahat ng mga anak ni Israel na nangasa dako roon ng Jordan sa lupain ng mga Amorrheo, na nasa Galaad.
9At ang mga anak ni Ammon ay tumawid sa Jordan upang lumaban naman sa Juda, at sa Benjamin, at sa sangbahayan ni Ephraim; na ano pa't ang Israel ay totoong pinapaghinagpis.
10 #
Huk. 3:9. At dumaing ang mga anak ni Israel sa Panginoon, na sinasabi, Kami ay nagkasala laban sa iyo, sapagka't aming pinabayaan ang aming Dios, at kami ay naglingkod sa mga Baal.
11At sinabi ng Panginoon sa mga anak ni Israel, #Ex. 14:30.Di ba pinapaging laya ko kayo sa mga taga Egipto, at sa mga #Blg. 21:21, 24-25.Amorrheo, sa mga anak ni #Huk. 3:13.Ammon, at sa mga #Huk. 3:31.Filisteo?
12Ang mga Sidonio man, at ang mga #Huk. 3:13; 6:3. Amalecita, at ang mga Maonita ay pumighati rin sa iyo; at kayo'y dumaing sa akin, at pinapaging laya ko kayo sa kanilang mga kamay.
13Gayon ma'y pinabayaan ninyo ako, at kayo'y naglingkod sa ibang mga dios: kaya't hindi ko na kayo palalayain.
14Kayo'y yumaon at #Deut. 32:37-38.dumaing sa mga dios na inyong pinili; palayain kayo nila sa panahon ng inyong kapighatian.
15At sinabi ng mga anak ni Israel sa Panginoon, Kami ay nagkasala: gawin mo sa amin anomang iyong #Huk. 19:24.mabutihin; isinasamo namin sa iyo, na iligtas mo lamang kami sa araw na ito.
16At kanilang inihiwalay ang #Gen. 35:2, 4; Jos. 24:20, 23; 1 Sam. 7:3.mga dios ng iba sa kanila, at naglingkod sa Panginoon: #Huk. 2:18; Is. 63:9.at ang kaniyang kaluluwa ay nagdalamhati dahil sa karalitaan ng Israel.
17Nang magkagayon ang mga anak ni Ammon ay nagpipisan, at humantong sa Galaad. At ang mga anak ni Israel ay nagpipisan, at humantong sa #Huk. 11:11, 29.Mizpa.
18At ang bayan, at ang mga prinsipe sa Galaad, ay nagsangusapan, Sinong tao ang magpapasimulang lumaban sa mga anak ni Ammon? #Huk. 11:5, 6, 8, 11.siya'y magiging pangulo ng lahat na taga Galaad.
Currently Selected:
MGA HUKOM 10: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
