EZEKIEL 3

Ang pagkakasugo sa Propeta.

1At sinabi niya sa akin, Anak ng tao, kanin mo ang iyong nasusumpungan; #Ezek. 2:8, 9. kanin mo ang balumbong ito, at ikaw ay yumaon, magsalita ka sa sangbahayan ni Israel.

2Sa gayo'y ibinuka ko ang aking bibig, at ipinakain niya sa akin ang balumbon.

3At sinabi niya sa akin, Anak ng tao, pakanin mo ang iyong tiyan, at busugin mo ang iyong bituka ng balumbong ito na aking ibinibigay sa iyo. #Apoc. 10:9, 10. Nang magkagayo'y kinain ko, at sa aking bibig ay naging parang pulot sa katamisan.

4At sinabi niya sa akin, Anak ng tao, yumaon ka, paroon ka sa sangbahayan ni Israel, at magsalita ka ng aking mga salita sa kanila.

5Sapagka't ikaw ay hindi sinugo sa isang bayan na may ibang wika at may mahirap na salita, kundi sa sangbahayan ni Israel;

6Hindi sa maraming bayan na may ibang wika at may mahirap na salita, na ang mga salita ay hindi mo nauunawa. Tunay na #Mat. 11:21, 23. kung suguin kita sa mga yaon, didinggin ka ng mga yaon.

7Nguni't hindi ka didinggin ng sangbahayan ni Israel; sapagka't hindi nila ako didinggin: sapagka't ang buong sangbahayan ni Israel ay may matigas na ulo, at may mapagmatigas na loob.

8Narito, aking pinapagmatigas ang iyong mukha laban sa kanilang mga mukha, at pinatigas ko ang iyong ulo laban sa kanilang mga ulo.

9Ginawa kong parang isang diamante na lalong matigas kay sa #Is. 50:7. pingkiang bato ang iyong ulo: huwag mo silang katakutan, o manglupaypay man sa kanilang tingin, bagaman sila'y mapanghimagsik na sangbahayan.

10Bukod dito'y sinabi niya sa akin, Anak ng tao, lahat ng aking mga salita na aking sasalitain sa iyo ay tanggapin mo sa iyong puso, at dinggin mo ng iyong mga pakinig.

11At yumaon ka, pumaroon ka sa mga bihag, na #Ezek. 33:2. mga anak ng iyong bayan at magsalita ka sa kanila, at saysayin mo sa kanila, Ganito ang sabi ng Panginoong Dios; sa didinggin man nila, o sa itatakuwil man nila.

Ang ordinacion.

12Nang magkagayo'y itinaas ako #Ezek. 8:3; 11:1, 24; 43:5; 1 Hari 18:12; Mat. 4:1; Luc. 4:1. ng Espiritu, at aking narinig sa likuran ko ang tinig ng malaking hugong, na nagsasabi; Purihin ang kaluwalhatian ng Panginoon mula sa kaniyang dako.

13At aking narinig ang pagaspas ng mga pakpak ng #Ezek. 1:5, 15, etc.mga nilalang na may buhay na nagkakadagisdisan, at ang hugong ng mga gulong sa siping nila, sa makatuwid baga'y ang ingay ng malaking hugong.

14Sa gayo'y itinaas ako ng Espiritu, at ako'y dinala; at ako'y yumaong namamanglaw, sa pagiinit ng aking kalooban; at ang kamay ng Panginoon ay naging malakas sa akin.

15Nang magkagayo'y naparoon ako sa mga bihag sa Tel-abib, na nagsisitahan #Ezek. 1:1. sa pangpang ng ilog Chebar, at sa kanikanilang kinatatahanan; at #Job 2:13. ako'y umupo roong natitigilan sa gitna nila na pitong araw.

16At nangyari, sa katapusan ng pitong araw, na ang salita ng Panginoon ay dumating sa akin, na nagsasabi,

17Anak ng tao, ginawa kitang #Is. 52:8; 56:10; Jer. 6:17; Ezek. 33:2, 6. bantay sa sangbahayan ni Israel: kaya't pakinggan mo ang salita sa aking bibig, at ipanguna mo sa kanila sa ganang akin.

18Pagka aking sinabi sa masama, Ikaw ay walang pagsalang mamamatay; at hindi mo pinagpaunahan siya, o nagsasalita ka man upang hikayatin ang masama mula sa kaniyang masamang lakad, upang iligtas ang kaniyang buhay; ang gayong masamang tao ay #Ezek. 18:18; Juan 8:21, 24. mamamatay sa kaniyang kasamaan; nguni't ang #Ezek. 18:13; 33:6, 8. kaniyang dugo ay aking sisiyasatin sa iyong kamay.

19 # Ezek. 33:9. Gayon ma'y kung iyong pagpaunahan ang masama, at siya'y hindi humiwalay sa kaniyang kasamaan, o sa kaniyang masamang lakad man, siya'y mamamatay sa kaniyang kasamaan; nguni't iyong iniligtas ang iyong kaluluwa.

20Muli, pagka #Ezek. 18:24. ang isang taong matuwid ay lumilihis sa kaniyang katuwiran, at gumawa ng kasamaan, at #Jer. 6:21; Ezek. 14:3; 1 Juan 2:10. ako'y naglalagay ng katitisuran sa harap niya, siya'y mamamatay; sapagka't hindi mo siya pinagpaunahan, siya'y mamamatay sa kaniyang kasalanan, at ang kaniyang mga matuwid na gawa na kaniyang ginawa ay hindi aalalahanin; nguni't ang kaniyang dugo ay aking sisiyasatin sa iyong kamay.

21Gayon ma'y kung iyong pinagpaunahan ang taong matuwid, upang ang matuwid ay huwag magkasala, at siya'y hindi nagkakasala, siya'y walang pagsalang mabubuhay, sapagka't siya'y nahikayat; at iyong iniligtas ang iyong kaluluwa.

22At ang kamay #Ezek. 1:3. ng Panginoon ay sumasa akin, at sinabi niya sa akin, Bumangon ka, lumabas ka sa kapatagan at doo'y makikipagusap ako sa iyo.

23Nang magkagayo'y bumangon ako, at ako'y lumabas #Ezek. 37:1. sa kapatagan; at, narito, ang kaluwalhatian ng Panginoon ay dumoon, na gaya ng kaluwalhatian na #Ezek. 1:28. aking nakita sa pangpang ng ilog Chebar; at ako'y napasubasob.

24Nang magkagayo'y #Ezek. 2:2. suma akin ang Espiritu, at itinayo ako sa aking mga paa; at siya'y nakipagsalitaan sa akin, at nagsabi sa akin, Yumaon ka, magsara ka sa loob ng iyong bahay.

25Nguni't ikaw, anak ng tao, narito, #Ezek. 4:8. sila'y mangaglalagay ng mga lubid sa iyo, at itatali sa iyo, at ikaw ay hindi lalabas sa gitna nila.

26At #Ezek. 24:27. aking paninikitin ang iyong dila sa ngalangala ng iyong bibig, upang ikaw ay mapipi, at huwag maging mananaway sa kanila: sapagka't sila'y mapanghimagsik na sangbahayan.

27Nguni't pag ako'y makikipagsalitaan sa iyo, aking ibubuka ang iyong bibig, at iyong sasabihin sa kanila, Ganito ang sabi ng Panginoong Dios; Siyang nakikinig ay makinig; at ang nagtatakuwil ay magtakuwil: sapagka't sila'y mapanghimagsik na sangbahayan.

Currently Selected:

EZEKIEL 3: ABTAG

Highlight

Copy