EXODO 24

Ang sumpa ng Panginoon sa Israel.

1At kaniyang sinabi kay Moises, Sumampa ka sa kinaroroonan ng Panginoon, ikaw, at si Aaron, #Ex. 6:23; 28:1.si Nadab, at si Abiu, #Blg. 11:16.at pitong pu ng mga matanda sa Israel; at sumamba kayo mula sa malayo:

2At si Moises #tal. 13, 15, 18.lamang ang lalapit sa Panginoon; datapuwa't sila'y hindi lalapit; o ang bayan man ay sasampang kasama niya.

3At lumapit si Moises at isinaysay sa bayan ang lahat ng mga salita ng Panginoon, at ang lahat ng mga palatuntunan. At ang buong bayan ay sumagot ng paminsan, at nagsabi, #tal. 7; Ex. 19:8; Deut. 5:27.Lahat ng mga salita na sinalita ng Panginoon, ay aming gagawin.

4At #Deut. 31:9.sinulat ni Moises ang lahat ng mga salita ng Panginoon, at bumangon ng maaga sa kinaumagahan, at nagtayo ng isang dambana sa paanan ng bundok, #Gen. 28:18; 31:45.at ng labing dalawang batong pinakaalaala, ayon sa labing dalawang lipi ng Israel.

5At kaniyang sinugo ang mga binata ng mga anak ni Israel, na nagsipaghandog ng mga handog na susunugin at nagsipaghain sa Panginoon ng handog na baka #Ex. 20:24; 32:6.tungkol sa kapayapaan.

6At #Heb. 9:18, 19.kinuha ni Moises ang kalahati ng dugo, at inilagay sa mga tasa; at ang kalahati ng dugo ay iniwisik sa ibabaw ng dambana.

7At kaniyang kinuha ang aklat ng tipan, at binasa sa pakinig ng bayan: at kanilang sinabi, Lahat ng sinalita ng Panginoon ay aming gagawin, at kami ay magmamasunurin.

8At kinuha ni Moises ang dugo at iniwisik sa bayan, at sinabi, #Heb. 9:20; 13:20; 1 Ped. 1:2.Narito ang dugo ng tipan, na ipinakipagtipan ng Panginoon sa inyo tungkol sa lahat ng mga salitang ito.

9Nang magkagayo'y sumampa si Moises, at si Aaron, si Nadab, at si Abiu, at pitongpu ng mga matanda sa Israel:

10At kanilang #Gen. 32:30; Is. 6:1, 5; Ex. 33:20, 23; Juan 1:18.nakita ang Dios ng Israel; at mayroon sa ilalim ng kaniyang mga paa na parang isang yaring lapag na batong #Ezek. 1:26.zafiro, at paris din ng langit sa kaliwanagan.

11At sa mga mahal na tao sa mga anak ni Israel ay #Ex. 19:21.hindi niya ipinatong ang kaniyang kamay: at sila'y tumingin sa Dios, #Ex. 18:12; Gen. 31:54. at kumain at uminom.

Si Moises ay muling napasa bundok.

12At sinabi ng Panginoon kay Moises, Sampahin mo ako sa bundok, at dumoon ka: at ikaw ay bibigyan ko ng mga #Ex. 31:15, 16; Deut. 5:22.tapyas na bato, at ng kautusan, at ng utos na aking isinulat, upang iyong maituro sa kanila.

13At tumindig si Moises, at si Josue na #Ex. 33:11.kaniyang tagapangasiwa: at si Moises ay sumampa sa bundok ng Dios.

14At kaniyang sinabi sa mga matanda, Hintayin ninyo kami rito hanggang sa kami ay bumalik sa inyo: at, narito si Aaron at si #Ex. 17:10, 12.Hur ay kasama ninyo: sinomang magkaroon ng usap ay lumapit sa kanila.

15At sumampa si Moises sa bundok #Ex. 19:9, 16; Mat. 17:5.at tinakpan ng ulap ang bundok.

16 # Ex. 16:10; Blg. 14:10. At ang kaluwalhatian ng Panginoon ay nanahan sa ibabaw ng bundok ng Sinai, at tinakpan ng ulap na anim na araw: at sa ikapitong araw ay tinawag niya si Moises sa gitna ng ulap.

17At ang anyo ng kaluwalhatian ng Panginoon ay #Heb. 12:18, 29.paris ng apoy na manunupok sa ibabaw ng taluktok ng bundok, sa harap ng mga mata ng mga anak ni Israel.

18At pumasok si Moises sa gitna ng ulap, at sumampa sa bundok: at #Ex. 34:28; Deut. 9:9.si Moises ay natira sa bundok na apat na pung araw at apat na pung gabi.

Currently Selected:

EXODO 24: ABTAG

Highlight

Copy