I MGA HARI 5
5
Ang pakikipagtalastasan sa haring Hiram bagay sa pagpapatayo ng templo.
1At si Hiram na #tal. 10, 18; 2 Cron. 2:3.hari sa Tiro ay nagsugo ng kaniyang mga lingkod kay Salomon; dahil sa kaniyang nabalitaan na siya'y kanilang pinahiran ng langis na maging hari na kahalili ng kaniyang ama, sapagka't si Hiram ay naging laging maibigin #2 Sam. 5:11.kay David.
2 # Hanggang tal. 11; 2 Cron. 2:3-16. At si Salomon ay nagsugo kay Hiram, na kaniyang sinasabi,
3Talastas mo na kung paanong si David na aking ama ay hindi nakapagtayo ng bahay sa pangalan ng Panginoon niyang Dios dahil sa mga pagdidigmaan sa palibot niya sa bawa't dako, #1 Cron. 22:8; 28:3.hanggang sa inilagay sila ng Panginoon sa ilalim ng mga talampakan ng kaniyang mga paa.
4Nguni't ngayo'y binigyan ako ng Panginoon kong Dios ng katiwasayan sa bawa't dako; #1 Hari 4:24; 1 Cron. 22:9.wala kahit kaaway, o masamang pangyayari man.
5At, narito, ako'y tumalagang ipagtayo ng bahay ang pangalan ng Panginoon kong Dios, gaya ng sinalita ng Panginoon kay David na aking ama, na nagsasabi, Ang iyong anak na aking iuupo sa iyong luklukan na kahalili mo, siya ang #1 Cron. 28:6.magtatayo ng bahay para sa aking pangalan.
6Ngayon nga'y ipagutos mo na iputol nila ako ng mga puno ng sedro sa Libano; #2 Cron. 2:8, 10, 16.at ang aking mga bataan ay makakasama ng iyong mga bataan: at aking bibigyan ka ng kaupahan sa iyong mga bataan ayon sa lahat na iyong sasabihin: sapagka't iyong talastas na wala sinoman sa amin na makapagdadaras ng mga kahoy ng gaya ng mga Sidonio.
7At nangyari nang mabalitaan ni Hiram ang mga salita ni Salomon, na siya'y nagalak na mainam, at nagsabi, #1 Hari 10:9.Purihin ang Panginoon sa araw na ito, na nagbigay kay David ng isang pantas na anak, sa malaking bayang ito.
8At si Hiram ay nagsugo kay Salomon, na nagsasabi, Aking narinig ang pasugo na iyong ipinasugo sa akin: aking gagawin ang iyong buong nasa tungkol sa kahoy na sedro, at tungkol sa kahoy na #2 Sam. 6:5; 1 Hari 6:15, 34; Ezek. 27:5.abeto.
9Ang aking mga bataan ay magsisipagbaba mula sa Libano hanggang sa dagat: at aking gagawing mga balsa upang dumaan sa dagat hanggang sa dakong iyong pagtuturuan sa akin, at aking ipakakalag doon, at iyong tatanggapin: at iyong tutuparin ang aking nasa, sa pagbibigay ng pagkain #Ezra 3:7; Ezek. 27:17; Gawa 12:20.sa aking sangbahayan.
10Sa gayo'y binigyan ni Hiram si Salomon ng kahoy na sedro, at kahoy na abeto ayon sa kaniyang buong nasa.
11At binigyan ni Salomon si Hiram ng dalawang pung libong takal na trigo na pinaka pagkain ng kaniyang sangbahayan, at dalawang pung takal na taganas na langis; #2 Cron. 2:10.ganito binigyan ni Salomon si Hiram sa taon-taon.
12At binigyan ng Panginoon si Salomon ng karunungan, gaya ng kaniyang ipinangako sa kaniya; #1 Hari 3:12. at may kapayapaan si Hiram at si Salomon; at silang dalawa'y gumawa ng kasunduan.
13At ang haring Salomon ay humingi ng mga mang-aatag sa buong Israel; at ang mga mang-aatag ay tatlong pung libong lalake.
14At kaniyang sinusugo sila sa Libano na sangpu-sangpung libo bawa't buwan na halinhinan: isang buwan ay nasa Libano, at dalawang buwan ay sa bahay: at si #1 Hari 4:6. Adoniram ay tagapamahala sa mga mang-aatag.
15At si Salomon ay may pitong pung libong nagsisipagdala ng mga pasan #1 Hari 9:20, 22; 2 Cron. 2:18.at walong pung libong mangdadaras sa bundukin:
16Bukod pa ang mga #1 Hari 4:5.kapatas ni Salomon na nasa gawain, na tatlong libo at tatlong daan, na nagpupuno #1 Hari 9:23.sa mga taong nagsisigawa ng gawain.
17At ang hari ay nagutos, at nagsitibag sila ng malalaking bato, ng mga mahahalagang bato, upang ilagay ang tatagang-baon ng bahay #1 Hari 6:7.na gumagamit ng mga batong tabas.
18At tinabas ng mga tagapagtayo ni Salomon, at ng mga tagapagtayo ni Hiram at ng mga #Jos. 13:5; Ezek. 27:9.Gebalita, at inihanda ang mga kahoy, at ang mga bato upang itayo ang bahay.
Currently Selected:
I MGA HARI 5: ABTAG
Highlight
Share
Copy
Want to have your highlights saved across all your devices? Sign up or sign in
Ang Biblia © Philippine Bible Society, 1982
