I MGA TAGA-CORINTO 10

Mga Babala mula sa Kasaysayan ng Israel

1Mga#Exo. 13:21, 22; Exo. 14:22-29 kapatid, hindi ko nais na hindi ninyo malaman na ang ating mga ninuno ay dumaan sa ilalim ng ulap, at silang lahat ay tumawid sa dagat,

2at lahat ay nabautismuhan kay Moises sa ulap at sa dagat;

3at#Exo. 16:35 lahat ay kumain ng isang pagkaing espirituwal;

4at#Exo. 17:6; Bil. 20:11 lahat ay uminom ng isang inuming espirituwal. Sapagkat sila'y umiinom sa batong espirituwal na sumunod sa kanila, at ang Batong iyon ay si Cristo.

5Subalit#Bil. 14:29, 30 hindi nalugod ang Diyos sa karamihan sa kanila, sapagkat sila'y ibinuwal sa ilang.

6Ang#Bil. 11:4 mga bagay na ito'y naganap bilang halimbawa para sa atin, upang huwag tayong magnasa ng mga bagay na masama na gaya nila.

7Huwag#Exo. 32:6 kayong sumamba sa mga diyus-diyosan, gaya ng ilan sa kanila, gaya ng nasusulat, “Naupo ang bayan upang kumain at uminom, at tumindig upang sumayaw.”

8Huwag#Bil. 25:1-18 tayong makiapid, gaya ng ilan sa kanila na nakiapid, at ang namatay#10:8 Sa Griyego ay nabuwal. sa isang araw ay dalawampu't tatlong libo.

9Huwag#Bil. 21:5, 6 nating tuksuhin si Cristo na gaya ng pagtukso ng ilan sa kanila, at sila'y pinuksa ng mga ahas.

10Huwag#Bil. 16:41-49 din kayong magbulung-bulungan, gaya ng ilan na nagbulung-bulungan, at sila'y pinuksa ng taga-puksa.

11Ang mga bagay na ito ay nangyari sa kanila bilang halimbawa, at nasulat bilang pangaral sa atin na dinatnan ng katapusan ng mga panahon.

12Kaya't ang nag-aakalang siya'y nakatayo ay mag-ingat na baka siya'y mabuwal.

13Walang tuksong dumating sa inyo na hindi karaniwan sa tao, subalit tapat ang Diyos, na hindi niya ipahihintulot na kayo'y tuksuhin nang higit sa inyong makakaya; kundi kalakip din ng tukso ay naglalaan ng pag-iwas upang ito'y inyong makayang tiisin.

14Kaya, mga minamahal ko, lumayo kayo sa pagsamba sa diyus-diyosan.

15Ako'y nagsasalita sa mga tulad sa marurunong; timbangin ninyo para sa inyong sarili ang sinasabi ko.

16Ang#Mt. 26:26-28; Mc. 14:22-24; Lu. 22:19, 20 kopa ng pagpapala na ating pinagpapala, hindi ba ito'y pakikisalo sa dugo ni Cristo? Ang tinapay na ating pinagpuputul-putol, hindi ba ito'y pakikisalo sa katawan ni Cristo?

17Sapagkat may isang tinapay, tayong marami ay iisang katawan, sapagkat tayong lahat ay nakikibahagi sa isa lamang tinapay.

18Tingnan#Lev. 7:6 ninyo ang bayang Israel;#10:18 Sa Griyego ay Israel ayon sa laman. hindi ba't ang mga kumakain ng mga handog ay kabahagi sa dambana?

19Ano kung gayon ang aking sinasabi? Na ang handog sa mga diyus-diyosan ay may kabuluhan? O ang diyus-diyosan ay may kabuluhan?

20Hindi,#Deut. 32:17 (LXX) sinasabi ko na ang mga bagay na inihahandog ng mga pagano ay kanilang inihahandog sa mga demonyo at hindi sa Diyos, at di ko ibig na kayo'y maging kasama ng mga demonyo.

21Hindi ninyo maiinuman ang kopa ng Panginoon at ang kopa ng mga demonyo. Kayo'y hindi maaaring makisalo sa mesa ng Panginoon at sa mesa ng mga demonyo.

22O#Deut. 32:21 atin bang papanibughuin ang Panginoon? Tayo ba'y higit na malakas kaysa kanya?

Gawin ang Lahat sa Ikaluluwalhati ng Diyos

23“Lahat#1 Cor. 6:12 ng mga bagay ay matuwid,” ngunit hindi lahat ng bagay ay makakabuti. “Lahat ng mga bagay ay matuwid,” ngunit hindi ang lahat ng mga bagay ay makakapagpatibay.

24Huwag hanapin ng sinuman ang kanyang sariling kapakanan kundi ang kapakanan ng iba.

25Lahat ng ipinagbibili sa pamilihan ay kainin ninyo na walang pagtatanong dahil sa budhi,

26sapagkat#Awit 24:1 “ang lupa ay sa Panginoon at ang lahat ng naririto.”

27Kung kayo'y anyayahan ng isang hindi sumasampalataya at ibig ninyong pumunta, ang anumang ihain sa inyo ay kainin ninyo na walang pagtatanong dahil sa budhi.

28Subalit kung sa inyo'y may magsabi, “Ito'y inialay bilang handog,” ay huwag ninyong kainin, alang-alang sa taong nagsabi, at dahilan sa budhi.

29Ang ibig kong sabihin ay ang budhi niya, hindi ang sa iyo. Sapagkat bakit ang aking kalayaan ay paiilalim sa pasiya ng budhi ng iba?

30Kung ako'y nakikisalo na may pagpapasalamat, bakit ako'y tutuligsain ng dahil sa bagay na aking ipinagpapasalamat?

31Kaya kung kayo man ay kumakain, umiinom, o anuman ang inyong ginagawa, gawin ninyo ang lahat sa ikaluluwalhati ng Diyos.

32Huwag kayong maging katitisuran para sa mga Judio, o sa mga Griyego, o sa iglesya ng Diyos,

33kung paanong sinisikap kong makapagbigay-lugod sa lahat ng mga tao sa lahat ng mga bagay, na hindi ko hinahanap ang aking sariling kapakanan, kundi ang sa marami, upang sila'y maligtas.

Currently Selected:

I MGA TAGA-CORINTO 10: ABTAG01

Highlight

Copy