Saray Salmo 4
4
Say Pikekerew na Tulong no Labi#SAY TITULO ED TIKSTON HEBREO: Salmo nen David.
1Ebatan mo ak pa, no ontawag ak ed sika,
O Dios a manangyagel ko!
Tinulongan mo ak nen nagugunigon ak.
Kasian mo ak pa natan tan dengel moy pikakasik!
2Kapigay itonda yon mamapabaing ed siak, sikayo ran totoo?
Kapigay itonday pangaaro yod andi-kakanaan iran salita tan say panaanap yod saray tila?
3Tandaan yo a say Katawan pinili ton kayaryan to so toon matonung,
tan dedengelen to ak no ontatawag ak ed sikato.
4Giwgiw kayon sitatakot tan tondaan yo lay mankasalanan;
motektek yo yan maung no mandokdokul kayon mareen ed saray katri yo.
5Mangisaklang kayo na saray dugan
bagat tan manmatalek kayod Katawan.
6Dakel iray mampikasi:
“Itdan mo kami pay lalon dakel a bindision!
Mapangasin osdungan mo kami pa, O Katawan!”
7Balet say liket ya inter mod siak
et baleg ni nen say liket da anggaman a daakan so pilak tan alak da.
8No ondokul ak, mareen so pakaogip ko,
ta sika labat, Katawan, so mangyaarawid siak ed kaatapan.
Currently Selected:
Saray Salmo 4: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
