Saray Salmo 15
15
Say Linawa na Dios#SAY TITULO ED TIKSTON HEBREO: Salmo nen David.
1 Katawan, siopay nayarin onloob ed Timplom?
Siopay nayarin mangigalang ed sika diad Sion, say masanton palandey#15:1 MASANTON PALANDEY: Nengneng yoy 2:6. mo?
2Say toon oonuren toy Dios, tan kamaungan lawas so gagawaen to,
tua tan napanmatalkan iray salita to,
3tan ag to papaogesey kapara ton too.
Ag manggagaway maoges ed saray kakaaro to,
tan ag mangikakayat na tila nipaakar ed kapara ton too.
4Babalawen to ray totoon ipopolisay na Dios,
balet gagalangen to ray mangoonur ed Katawan.
Susumpalen toy amin ya insipan to,
anggan antoy nagawad sikato.
5Mampapautang ya anggapoy abang
tan ag napasoksokan a mantasi sumpad toon anggapoy kasalanan.
Siopamay toon manusumpal ed sarayan amin et maligen lawas so bilay to.
Currently Selected:
Saray Salmo 15: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
