ZACARIAS 11
11
Dagiti dakes a papastor ipalubosda ti pannacadadael ti Israel.
1Luctam dagita ruanganmo, O Libano, tapno ti apuy lamutenna dagita cantingenmo.
2Agdung-awca, O cayo a parwa, ta ti cantingen natuang, ta dagiti naimnas madadaelda: agdung-awcayo, #Isa. 2:13.O dacayo a roble ti Basan, ta ti natibker a bakir marugpo.
3Timec ti dung-aw dagiti agpaspastor! ta ti dayagda madadael: timec ti panagungor dagiti bumaro a leon! ta ti tangsit ti Jordan narba.
4Castoy ti kinuna ni Jehova a Diosco; #bil. 7.Ipaarabmo ti pangen a maipaay iti pagpartian;
5A dagiti gimmatang cadacuada papatayenda ida, ket ibilangda a dida nacabasol; ket dagidiay nangilaco cadacuada cunada, Bendito coma ni Jehova, ta nabacnangac; ket dagiti paspastorda met laeng dida caasian ida.
6Ta siac diacto caasianen dagiti agnaed ti daga, cuna ni Jehova; ngem, adtoy, yawatconto dagiti lallaki tunggal maysa iti ima ti caarrubana, ken iti ima ti arina; ket isuda dadaelendanto ti daga, ket ispalen ida iti imada.
7Iti casta impaarabco ti pangen a maipaay iti pagpartian, kinapudnona ti #Isa. 4:32. Sof. 3:12.pangen nacuttong. Ket innalac dagiti dua a sarucod; iti maysa ninaganco ti kinaimbag, ket iti sabali ninaganco ti pagreppet; ket impaarabco ti pangen.
8Ket dinadaelco ti tallo a pastor iti maysa a bulan; ta ti cararuac nautoyan idi cadacuada, ket ti cararuada met gimmurada caniac.
9Idin kinunac, saancayto nga ipaarab: daydiay matay, matay laeng; ket daydiay madadael, madadael laeng; ket dagidiay matda agkikinaanda coma iti lasagda met laeng.
10Ket innalac ti sarucodco a Kinaimbag, ket pinutedco a naggudua, tapno burakec ti tulagco nga inaramidco cadagiti amin nga il-ili.
11Ket isu naburac iti daydi nga aldaw; ket iti castoy ti nacuttong iti pangen a nagimdeng caniac nabigbigna a daydi sao ni Jehova.
12Ket kinunac cadacuada, No dacayo panunutenyo a naimbag, itdenyo caniac ti tangdanco; ket no saan baybay-anyo. Iti casta kinatida ti tangdanco iti #Ex. 21:32. Os. 3:2.tallopulo a capisi a pirac.
13Ket ni Jehova kinunana caniac, Isu ipalladawmo iti agdamdamili, #Mat. 27:9, 10.ti nasayaat a pateg a nacapatgac cadacuada. Ket innalac daydi tallopulo a capisi a pirac, ket impalladawco ida iti agdamdamili, idiay balay ni Jehova.
14Idin pinutedco a naggudua ti sabali a sarucodco, a ti met laeng Pagreppet, tapno burakec ti panagcabsat da Juda ken Israel.
15Ket ni Jehova kinunana caniac, #Eze. 34:3, 4.Alaem manen dagiti ar-aruaten ti nacuneng a pastor.
16Ta, adtoy, bangonecto ti #Jer. 23:1. Juan 10:12.maysa a pastor iti daga, isu a dinto sumarungcar cadagidiay nadadael, dinto met agbiruc cadagidiay maiwara, saan met a mangagas cadagidiay nadunor, saan met a mangipaarab cadagidiay nacaradcad; no di ket sidaennanto ti lasag ti nalucmeg a carnero ken pisangennanto dagiti cucodna.
17Asi pay iti awan cais-iscanna a pastor a mangbaybay-a iti pangen! ti campilan agdissonto iti tackiagna, ken iti canawan a matana, ti tackiagna mamagmaganto unay, ket ti canawan a matana agsipngetto amin.
Currently Selected:
ZACARIAS 11: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
