RUTH 4
4
Ni Booz subbotenna ti tawid ni Elimelec, ket asawaenna ni Ruth. Ti pannacayanac ni Obed.
1Ket ni Booz #Jos. 20:40.napan idi iti ruangan, ket nagtugaw sadiay: ket, adtoy, ti asideg a #Rut. 3:12.cabagian, a nasao idi Booz, lumabas; nagtimcanna a kinunana, Nay, dumagasca, tumugawca ditoy. Ket isu dimmagas, ket nagtugaw.
2Ket isu nangala cadagiti sangapulo a lallaki cadagiti #1 Ar. 21:8.lallacay ti ili, ket kinunana, Tumugawcayo ditoy. Ket isuda timmugawda.
3Ket isu kinunana idi asideg a cabagian, Ni Noemi, isu a naggapu manen iti daga ti Moab, inlacona ti paset ti daga, a cucua idi ni cabsattayo nga Elimelec:
4Ket siac #1 Sam. 20:2.napanunotco nga ibatad kenca, a cunaec, Isu #Lev. 25:25.gatangem iti #Gen. 23:18.saclang dagitoy a situtugaw ditoy, ken iti saclang dagiti lallacay ti ilic. No sica isu subbotem, isu subbotem: ngem no isu dica subboten, iti casta ipalawagmo caniac, tapno maammoac coma; ta awan ti sabali a mangsubbot kencuana malacsid kenca; ken siac iti calpasam. Ket isu simmungbat, Siac isu subbotecto.
5Idin ni Booz kinunana, Iti met laeng aldaw a pananggatangmo iti talon iti ima ni Noemi, sica rebbengmo met a gatangen ni Ruth a Moabita, nga asawa daydi natay, tapno #bil. 10. Deut. 25:5. Rut. 3:13.ibangonmo coma ti nagan daydi natay iti rabaw ti tawidna.
6Ket ti #Rut. 3:12-13.asideg a cabagian kinunana, Isu diac mabalin a subboten nga agpaay caniac met laeng, tapno diac dadaelen ti tawidco met laeng: alaem kenca ti calintegac a panangsubbot; diac mabalin a subboten.
7 #
Deut. 25:7, 9. Ket daytoy adda idi a cadawyan idi unana a tiempo idiay Israel iti maipapan iti panangsubbot ken iti maipapan iti panagsisinnucat, tapno pamasingked iti amin a panggep: ti maysa a tao suctoenna idi ti zapatosna, ket isu ti itedna idi iti catulagna; daytoy isu idi ti wagas ti panangsacsi idiay Israel.
8Iti casta ti asideg a cabagian kinunana ken Booz, Isu gatangem nga agpaay kenca met laeng: ket isu sinuctona ti zapatosna.
9Ket ni Booz kinunana cadagiti lallacay, ken iti amin a tattao, Dacayo ti macasacsi iti daytoy nga aldaw, a ginatangco amin a cucua idi ni Elimelec, ken amin nga adda idi ken ni #Rut. 1:2, 4.Quelion ken ni Mahalon, manipud iti ima ni Noemi.
10Casta met ni Ruth a Moabita, nga asawa ni Mahalon, ginatangco tapno isu asawac, tapno #bil. 5. Deut. 25:6.bangonec ti nagan daydi natay iti rabaw ti tawidna, tapno ti nagan daydi natay saan coma a maiccat iti tengnga dagiti cacabsatna, ken iti ruangan ti lugarna: dacayo dagiti macasacsi iti daytoy nga aldaw.
11Ket amin a tattao nga adda idi ruangan, ken dagiti lallacay, kinunada, Dacami dagiti macasacsi. Ni Jehova aramidenna coma ti babai a sumrec iti balaymo a cas ken Raquel ken cas ken Lea, isuda a dua idi dagiti #Deut. 25:9.namangon iti balay ni Israel: ket agaramidca a sitatacneng idiay #Gen. 35:19.Efrata, ken sica ti madaydayaw coma iti Bet-lehem:
12Ket ti #1 Sam. 2:20.balaymo isu coma ti cas iti balay ni Fares, nga #Gen. 38:29. Mat. 1:3.impasngay idi ni Tamar ken Juda, iti putot a ni Jehova itdennanto coma kenca gapu iti agtutubo a babbai.
13Iti casta ni Booz innalana ni #Rut. 3:11.Ruth, ket nagbalin nga asawana; ket ni Booz simrec kencuana, ni #Gen. 33:5.Jehova intedna kencuana ti panagsicugket nangipasngay iti maysa nga anac a lalaki.
14Ket dagiti #Luc. 1:58.babbai kinunada ken Noemi, Madaydayaw coma ni Jehova, nga iti daytoy nga aldaw saannaca a binaybay-an nga awananca iti asideg a cabagian; ket mapadpadayawan coma ti naganna iti Israel.
15Ket isunto kenca ti maysa a mamaimbag iti biagmo, ken isunto ti manaraon iti kinabaketmo; ta ti manugangmo, nga agayat kenca, nga isu ti #1 Sam. 1:8.naimimbag kenca ngem cadagiti pito nga annac a lallaki, nangipasngay kencuana.
16Ket ni Noemi innalana ti ubing, ket isu impaiddana iti saclotna, ket nagbalin a mangsisiwa kencuana.
17Ket dagiti #Luc. 1:59.caarrubana a babbai intedda kencuana ti maysa a nagan, a kinunada, Adda maysa nga anac a lalaki a nayanac ken Noemi; ket isuda impanaganda ti nagan nga Obed: Isu ti ama ni Jesse, nga ama ni David.
18Ket dagiti capcaputotan ni Fares isuda dagitoy: ni #1 Cron. 2:4-15. Mat. 1:3-6.Fares pinutotna ni Hesron,
19Ket ni Hesron pinutotna ni Ram, ket ni Ram pinutotna ni Aminadab,
20Ket ni Aminadab pinutotna ni Nahason, ket ni Nahason pinutotna ni Salmon,
21Ket ni Salmon pinutotna ni Booz, ket ni Booz, pinutotna ni Obed,
22Ket ni Obed pinutotna ni Jesse, ket ni Jesse pinutotna ni David.
Currently Selected:
RUTH 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society