ABDIAS 1
1
Ti kinatangsit ti Edom mapagpacumbabanto. Ti dakes a panagragsacna iti nacalcaldaang a casasaad ti Israel. Ti Israel maitan-octo.
1Ti sirmata ni Abdias. Castoy ti cuna ni Jehova nga Apo a #Eze. 25:12.maipapani ti Edom: #Jer. 49:14-16.Nangngegmi dagiti damdamag a naggapu ken Jehova, ket adda naibaon cadagiti nasnacion, a cunana, Tumacdercayo ket tumacdertayo coma a maibusor kencuana iti gubat.
2Adtoy, inaramidca a bassit cadagiti nasnacion; ket malaisca unay.
3Ti kinatangsit ta pusom liniputannaca, sica nga agnaed cadagiti birri ti bato a ti pagtaenganna nangato; a cunaenna iti pusona, Siasinonto ti macaipadaga caniac?
4Nupay addaca a mangalalimpatoc a cas aguila ken #Hab. 2:9.nupay ti umucmo maisaad cadagiti bitwen, itinnagcanto manipud idiay cuna ni Jehova.
5No dagiti mannanacaw immayda coma kenca, wenno dagiti #Jer. 49:9.tultulisan iti rabii, (Anian ti pannacadadaelmo!) saanda ngata coma nga agtacaw laeng agingga iti mapnecda? No dagiti mangnguvas serkendaca coma, #Deut. 27:21. Isa. 17:6.saanda ngata a mangibati cadagiti uvas a banbanaen?
6Anian ti pannacasukimat dagiti banag ni Esau! Anian a pannacaamiris dagiti nailemmeng a gamengna!
7Amin dagiti tattao a cacannaponmo insangpetdaca iti dalanmo agingga met laeng iti beddeng; dagiti tattao a nakicappia kenca liniputandaca, ket inatiwdaca; dagiti mangan ti tinapaymo pasbangandaca; #Eze. 25:12; 35:2. Joel 3:19.awan ti pannacaawat kencuana.
8Diacto aya dadaelen dagiti mamasirib iti Edom, #Isa. 2:11.iti dayta nga aldaw, cuna ni Jehova, ken dagiti mannacaammo idiay bantay ni Esau?
9Ket dagiti tattaom a nabileg, O #Amos 1:12.Teman, mapagcullayawdanto a ti tungpalna tumunggal maysa madadael coma idiay bantay ni Esau babaen ti pannacapapatay.
10 #
Gen. 27:41. Gapu iti ranggas nga inaramidmo #Gen. 27:41.ken Jacob a cabsatmo, sica mabungoncanto ti bain, ket madadaelcanto iti agnanayon.
11Idi aldaw a panagtacdermo iti bangir ken idi aldaw a panangipanaw dagiti sangsangaili iti sanicuana, ken dagiti gangannaet simrecda cadagiti ruanganna, ket #Joel 3:3.naggiginnasatanda ti maipapan iti Jerusalem, maysaca met laeng a cas cadacuada.
12Ngem dica imatangan ti #Sal. 37:13.aldaw ni cabsatmo iti aldaw ti kinadacsangasatna; ket dica agrag-o cadagiti annac ni Juda iti aldaw a pannacadadaelda; dica met agpalangguad iti aldaw ti liday.
13Dica sumrec iti ruangan ti ilic iti aldaw ti pannacariribucda: wen, dica imatangan ti ladingitda iti aldaw ti pannacariribucda, dica met mangala cadagiti cucuada iti aldaw ti pannacariribucda.
14Dica agtacder iti pagcruzan ti dalan tapno agpapatay cadagiti tattaona nga aglisi; ket dica yawat dagiti tattaona a mabati iti aldaw ti rigat.
15 #
Eze. 30:3. Joel 3:14. Ta ti aldaw ni Jehova umadani cadagiti amin a nacion: ti #Jer. 50:29. Eze. 35:15. Hab. 2:8.cas inaramidmo, maaramidto met kenca; #Joel 3:4, 7.ti namay-am cadagiti tattao castanto met ti pacapay-an ta olom met laeng.
16Ta #Jer. 15:25, 29; 49:12. Nah. 3:11.cas iti panaginumyo idiay nasantoan a bantayco, castanto met dagiti amin a nacion uminumda a cancanayon; wen, uminumdanto, ket alimunendanto, ket agbalindanto, a cas la saan a timmao.
17Ngem idiay bantay #Joel 2:32.Sion addanto dagiti macalisi, ket isu nasantoanto; ket ti balay ni Jacob tagicuaendanto ti cucuada.
18Ket ti balay ni Jacob #Isa. 10:17. Zac. 12:6.maysanto nga apuy, ket ti balay ni Jose maysanto a gil-ayab, ket ti balay ni Esau punget ti garami, ket isuda puurandanto ket ikisapdanto ida; ket awanto a pulos ti matda iti balay ni Esau ta casta ti sinao ni Jehova.
19Ket dagiti taga Abagatan, #Amos 9:12.tagicuaendanto ti bantay ni Esau, #Sof. 2:5-7.ket dagiti adda iti tanap tagicuaendanto ti daga dagiti Filisteos; ket tagicuaendanto met ti daga ti Efraim, ken ti daga ti Samaria; ket ti Benjamin tagicuaennanto ti Galaad.
20Ket dagiti nacayawan ti daytoy a buyot ti annac ti Israel, nga adda cadagiti Cananeo, tagicuaendanto ti dagada #1 Ar. 17:9, 10.inggana iti Sarepta; ket dagiti nacayawan ti Jerusalem, nga add a diay Sefarad tagicuaendanto dagiti il-ili iti Abagatan.
21Ket dagiti #1 Tim. 4:16. Sant. 5:20.manangispal sumang-atdanto idiay #Apoc. 14:1.bantay Sion, a mangocom iti bantay ni Esau; ket #Sal. 22:28. Dan. 2:44. Apoc. 19:6.ti pagarian cucuanto ni Jehova.
Currently Selected:
ABDIAS 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
