NEHEMIAS 4
4
Ti aramid macatawaan gapu cada Sanballat ken Tobias. Ti ibubusor dagiti cabusor. Dagiti sagana dagiti agbangon.
1Ngem naaramid nga idi nangngeg ni Sanballat a bangbangonenmi idi ti bacud nacaunget ken nagpungtot iti dackel, ket rinabrabacna dagiti Judios.
2Ket nagsao iti sango dagiti cacabsatna ken ti buyot ti Samaria, ket kinunana, Ania ti ar-aramiden dagitoy nacapsut a Judios? papigsaendanto aya dagiti bagbagida? agidatondanto? magibusandanto aya iti maymaysa nga aldaw? pagungarenda aya dagiti batbato nga iruar iti gabsuon ti tinumec, idinto ta mauramda?
3Ket adda idi ni Tobias nga Ammonita iti dennana, ket kinunana, #D. Un. 5:18.Uray ti bangbangonenda, no umuli ti maysa a zorra, rebbaennanto ti bacudda a kinavite.
4 #
Sal. 123:3-4. Timudem, O Diosmi, ta mau-yuyawcami: ket #Sal. 79:12.ibaw-ingmo ti panangumsida iti rabaw ti oloda met laeng, ket itdem ida a maysa a samsam idiay daga ti pannacacayaw;
5Ket #Sal. 69:27-28; 109:14-15.dica abbongan ti kinadangcocda, ket dica bay-an a mapunas ti basolda iti sangoanam; ta ginargaridaca nga agpungtot iti sango dagiti agbangon.
6Iti casta binangonanmi ti bacud; ket amin a bacud napagsisilpu idi agingga iti caguddua ti catayagna: ta ti umili addaan maysa a nakem tapno agaramid.
7Ngem naaramid nga idi a da Sanballat, ken Tobias, ken dagiti #Neh. 2:19.Arabes, ken dagiti Ammonitas, ken dagiti Asdoditas nangngegda a ti pannacatarimaan dagiti bacud ti Jerusalem agtultuluy idi, ken mangrugin a masullatan idi dagiti gutgutbaw, nagpungtotda ngarud unay;
8Ket nagtutulagda amin a sangcatipon tapno umayda ket gumubatda a maibusor iti Jerusalem, ken mangriribuc kencuana.
9Ngem nagcararagcami iti Diosmi, ket nangisaadcami iti agbantay a maibusor cadacuada iti aldaw ken rabii, a maipoon cadacuada.
10Ket ti Juda kinunana, Ti pigsa dagiti agaw-awit cadagiti aw-awiten agcapuy, ket adda adu a tidda; iti casta a ditoy macabael a mangbangon iti bacud.
11Ket kinuna dagiti cabusormi, Didanto ammo, didanto makita, agingga iti macastrectayo iti tengngada, ken mapatay ida, ken mapasardeng ti aramid.
12Ket naaramid idi a dagiti Judios nga agnaed iti dennada immayda, kinunada cadacami iti naminpulo a daras, a naggapu cadagiti amin a disdisso, Rebbengyo ti agsubli cadacami.
13Gapuna nga insaadco cadagiti cababaan unay a paset ti disso iti licudan ti bacud, cadagiti disso a nalayang, insaadco idiay dagiti tattao a mayannurot cadagiti familiada agraman cadagiti campilan, picpica, ken ba-baida.
14Ket kimmitaac, ket timmacderac, ket kinunac cadagiti natacneng, ken cadagiti turayen, ken iti matda nga umili, Dicayo agbuteng cadacuada lagipenyo ti Apo, a dackel ken nacakigkigtot, ket makigubatcayo a maipaay cadagiti cacabsatyo, annacyo a lallaki, ken annacyo a babbai, assawayo a babbai, ken balbalayyo.
15Ket naaramid, idi a naammoan dagiti cabusormi a naipacaammo cadacami, ken ti Dios pinaawanna ti patigmaanda, nagsublicami amin iti bacud, tunggal maysa iti aramidna.
16Ket naaramid nanipud iti daydi a tiempo, a ti caguddua dagiti ad-adipenco nagaramidda iti aramid, ket ti cagudduada iniggamanda dagiti #2 Cron. 26:14.pica, dagiti calasag, ken dagiti bai, ken dagiti cabal; ket adda dagiti turayen iti licudan iti amin ti balay ni Juda.
17Dagiti nangbangon idi bacud ken dagiti nagawit cadagiti aw-awiten nagimetda met laeng; tunggal maysa ti maysa nga imana nangaramid iti aramid, ket ti sabali nagiggem iti igamna:
18Ket dagiti agbangon, tunggal maysa adda idi ti campilanna a naibarikes iti siketna, ket iti casta nagbangonda. Ket ti agpaguni iti tororot adda idi iti dennac.
19 # bil. 14. Neh. 5:7; 7:5. Ket kinunac cadagiti natacneng, ken cadagiti turayen ken iti matda a tattao, Ti aramid dackel ken atiddug, ket masinasinatayo iti rabaw ti bacud, ti maysa adayu iti sabili:
20Iti uray aniaman a disso a pacangeganyo iti aweng ti tororot, tumiponcayo idiay cadacami; ti Diostayo makigubatto a maipaay #Ex. 14:14.cadatayo.
21Iti casta nagaramidcami idi aramid: ket ti cagudduada nagiggem cadagiti pica manipud iti sumingising ti bigat agingga iti lumgac dagiti bitbitwen,
22Casta met idi met laeng a tiempo kinunac cadagiti tattao, Tunggal maysa agraman adipenna agtaeng coma iti uneg ti Jerusalem, tapno isuda coma ti guardia cadacami, ken agtrabajo iti aldaw.
23Iti casta uray siac, uray dagiti cacabsatco, uray dagiti ad-adipenco, uray dagiti lallaki a guardia a simmurot caniac, awan cadacami ti nangiccat cadagiti cawesmi, tunggal maysa napan agraman igamna iti danum.
Currently Selected:
NEHEMIAS 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
