NEHEMIAS 2

Sarungcaran ni Nehemias dagiti Judios idiay Jerusalem. Mapan ken mingminganna ti ili.

1Ket naaramid idi bulan ti #Est. 3:7.Nisan, iti #Neh. 1:1.maicaduapulo a tawen ni ari Artaxerxes, idi adda arac iti sangona, a binagcato di arac, ket intedco iti ari. Idi unana a tiempo saanac a naliday iti saclangna.

2Ket ti ari kinunana caniac, Apayapay a naliday ta rupam, idinto a dica masakit? daytoy saan a sabali no di ket sakit ti puso. Idi a casta nagbutengac unay.

3Ket kinunac iti ari, #1 Ar. 1:31.Agbiag coma a manayon ti ari: apayapay a di agliday coma ti rupac, idinto a ti ili, a disso dagiti tantanem dagiti ammac, aglangalang, #Neh. 1:3.ken dagiti ruanganna napuuranda iti apuy.

4Idin ti ari kinunana caniac, Ania ti dawatem? Iti casta nagcararagac iti #Neh. 1:4-5.Dios ti langit.

5Ket kinunac iti ari, No macaay-ayo iti ari, ken no ti adipenmo nacasarac ti parabur iti imatangmo, dawatec kenca nga ibaonnac coma diay Juda, agingga iti ili dagiti tantanem dagiti ammac, tapno isu ti bangonec coma.

6Ket ti ari kinuna caniac (ti reina met agtugtugaw iti dennana), Casanonto ti capaut ti pannagnam? ken inton ano ti panagsublim? Iti casta, nacaay-ayo iti ari ti panangibaonna caniac; ket #Neh. 5:14; 13:6.dinutocac kencuana ti maysa a tiempo.

7Maysa pay kinunac iti ari, No macaay-ayo iti ari, maited coma caniac dagiti sursurat a maipaay cadagiti #Esd. 8:36.gobernador iti ballasiw ti Carayan, tapno palubosandac a lumabas agingga iti macagtengac idiay Juda:

8Ken maysa a surat a maipaay ken Asaf nga agaywan iti cabakiran ti ari, tapno iccannac iti cayo tapno aramiden a babaotec a maipaay cadagiti ruangan ti #Neh. 7:2.castillo a paset ti balay, ken #bil. 18. Esd. 7:6.maipaay iti bacud ti ili, ken maipaay iti balay a sumrecacto. Ket ti ari intedna caniac a mayannurot iti naimbag a panangidalan ti Dios caniac.

9Idin immayac cadagiti gobernador iti ballasiw ti Carayan, ket intedco cadacuada dagiti sursurat ti ari. Ti ari impacuyogna caniac dagiti capitan ti buyot ken tattao nga agcabayo.

10Ket idi a da #Neh. 4:1, 7; 6:1, 2, 5, 12, 14; 13:28.Sanballat nga #Isa. 15:5. Jer. 48:3, 5.Horonita, ken #Neh. 4:3, 7; 6:1, 12, 14, 17, 19; 13:4, 7, 8.Tobias nga adipen, nga Ammonita, nangngeganda pinarigatda ida iti casta unay, ta immay ti maysa a tao tapno #Est. 10:3.agsapul iti pagimbagan dagiti annac ti Israel.

11 # Esd. 8:32. Iti casta immayac iti Jerusalem, ket addaac idi sadiay bayat iti tallo nga aldaw.

12Ket timmacderac iti rabii, siac ken sumagmamano a tattao ti caduac; diac met imbaga iti siasinoman a tao no ania ti impapuso ti Dios caniac nga aramidec a maipaay iti Jerusalem; awan idi caniac ti aniaman nga animal, malacsid ti animal a nagsacayac.

13Ket rimmuarac iti rabii iti ruangangan ti lobong, nga agturong met laeng iti bubon ti #Chacal: Maysa nga animal a cas la aso ti angana.chacal, ken iti ruangan ti ibleng, ket miningmingac dagiti bacud ti Jerusalem, a narbada idi, ken dagiti ruanganna narunawda idi iti apuy.

14Idin nagtuloyac iti #Neh. 3:15; 12:37.ruangan ti ubbog ken iti #2 Ar. 20:20.tangke ti ari: ngem awan idi ti disso a maipaay iti animal nga adda iti babaec a paglasatanna.

15Idin simmang-atac iti rabii iti #2 Sam. 15:23.waig, ket miningmingac ti bacud; ket nagbawingac, ket simrecac iti ruangan ti lobong, ket iti casta nagsubliac.

16Ket dagiti #Esd. 9:2.turayen dida ammo idi no sadino ti napanac, wenno ania ti inaramidco; isu ti diac imbaga pay cadagiti Judios, uray cadagiti papadi, uray cadagiti natacneng, uray cadagiti turayen, uray iti matda a nagaramid iti aramid.

17Idin kinunac cadacuada, Kitaenyo ti dakes a casasaad ti pagyanantayo, no casano ti panaglangalang ti Jerusalem, ken pannacapuor dagiti ruanganna iti apuy: umaycayo, ket bangonentayo coma ti bacud ti Jerusalem, tapno ditayo coman maysa a #Neh. 1:3. Sal. 44:13; 79:4.babalaw.

18Ket imbagac cadacuada ti #bil. 8.ima ti Diosco a naipatay a siiimbag caniac, cas met dagiti sasao ti ari nga insaona idi caniac. Ket kinunada, Tumacdertayo ken bangonentayo coma. Iti casta #2 Sam. 2:7.pinapigsada dagiti im-imada a maipaay iti naimbag nga aramid.

19Ngem idi nga da Sanballat nga Horonita, ken Tobias nga adipen, nga Ammonita, ken #Neh. 6:1, 2, 6.Gesem nga Arabe, nangngeganda kinatawaandacami nga uyawen, ket inumumsidacami, ket kinunada, Ania daytoy nga aramidenyo? #Neh. 6:6.umalsacayto aya a maibusor iti ari?

20Idin sinungbatac ida, ket kinunac cadacuada, Ti Dios ti langit, parang-ayennacamto; gapuna a dacami nga ad-adipenna tumacdercami ken bangonenmi: ngem #Esd. 4:3.dacayo awanancayo iti biang, uray calintegan, uray pacalaglagipan, idiay Jerusalem.

Currently Selected:

NEHEMIAS 2: TB1973

Highlight

Copy