NAHUM 1
1
Ti kinaimbag ken kinainget ni Jehova.
1 #
Hab. 1:1. Zac. 9:1; 12:1. Mal. 1:1. Ti awit ti #Nah. 2:8; 3:7.Ninive. Ti libro ti sirmata ni Nahum nga El-koshita.
2Ni Jehova #Ex. 20:5.naimon a Dios ken managibales: ni Jehova bumales ken mapunno iti unget; ni Jehova bumales cadagiti cabusorna, ket ipenpenna ti ungetna a maipaay cadagiti cabusorna.
3Ni Jehova #Ex. 34:5, 7.natanang nga agpungtot, ken dackel iti pannacabalin, ket uray casano dinanto ipalawag nga awanan basol ti nacabasol: ni Jehova adda dalanna iti alipugpog, ken bagio, ket dagiti ul-ulep isuda dagiti tapuc dagiti sacana.
4Isu ungtanna #Sal. 106:9.ti baybay, ket pagmagaenna, ket patiananna dagiti isu-amin a carayan: ti Basan aglaylay, ken ti Carmelo; ket ti sabong ti Libano aglaylay.
5Dagiti banbantay agkintayegda kencuana, ket dagiti turturod agrunawda; ket ti daga agcal-luyon iti saclangna, wen, ti lubong, ken isu-amin nga agnaed kencuana.
6Siasino aya ti macabalin nga agintec iti saclang ti pungtotna? ket siasino aya ti macabalin nga agtalinaed iti rungsot ti pungtotna? Ti ungetna maibuyat a cas apuy, ket dagiti batbato maburacda a mawarawara a gapu kencuana.
7Ni Jehova naimbag, maysa a #1 Cron. 16:34. Sal. 100:5. Jer. 33:11. D. Un. 3:25.sarikedked iti aldaw ti riribuc; ket #Sal. 1:6. 2 Tim. 2:19.ammona dagidiay nga agcamang kencuana.
8Ngem babaen ti maysa a napigsa unay a layus paggibusennanto ti dissona, ket camatennanto dagiti cabusorna ingana iti sipnget.
9Ania ti sicatenyo a maibusor ken ni Jehova? Isu paggibusennanto; ti tuoc dinto bumangon iti maicadua a daras.
10Ta agcacamet a cas cadagiti sisiit, ken cas nabartec iti panaginumda, isuda maibusdan a matalipupus a #Mal. 4:1.cas iti namaga a nagparaspasan.
11Adda rimmuar kenca a maysa a mangisicat iti dakes a maibusor ken ni Jehova, nga agipatigmaan iti kinadakes.
12Castoy ti cuna ni Jehova: Uray no addaanda coma iti naananay a pigsa, ken casta met nga aduda coma, nupay casta mapucandanto met laeng, ket isu aglasatto. Uray no pinarigatca idi, dicanto parigaten manen.
13Ket ita #Jer. 2:20; 30:8.bungtolecto ti sangolna manipud kenca, ket gursutecto dagiti baludmo, a pagcaduaen.
14Ket ni Jehova nagbilin a maipapan kenca, nga uray caano iti naganmo awanton ti maimula: manipud iti balay dagiti didiosmo pucanecto ti ladawan a kinitikitan ken ti ladawan a sinucog; aramidecto ti tanemmo; ta sica nadangkesca.
15Adtoy, iti #Isa. 52:7. Rom. 10:15.rabaw dagiti banbantay dagiti sacsaca daydiay a mangyeg cadagiti damdamag a naimbag, a nangipablaac iti cappia! Ngilinem dagiti fifiesta, O Juda, tungpalem dagiti carcarim; ta daydiay managdacdakes saanton a lumabas kenca: isu maikisap.
Currently Selected:
NAHUM 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
