MARCOS 8

Maicadua nga yaadu dagiti tinapay.

1Cadagidi nga aldaw, idi #Mat. 15:32-38.adda manen umariwecwec a tattao, ket awan ti macanda, ni Jesus inayabanna dagidi adalanna, ket kinunana cadacuada.

2 # Mar. 6:34-44. Maasianac cadagitoy adu unay a tattao, ta tallo nga aldawen nga addada caniac nga awan ti macanda.

3Ket no pagawidec ida cadagiti balbalayda a dida pay mangan, agcapuydanto iti dalan, ta dagiti dadduma cadacuada naggapuda iti adayu,

4Ket dagiti adalanna simmungbatda kencuana: Asino ti macabalin a mangbussog cadacuada iti tinapay ditoy maysa a let-ang?

5Ket inintuudna cadacuada: Mano dagiti tinapay nga adda cadacayo? ket kinunada: Pito.

6Idin imbilinna cadagiti adu a tatao nga agtugawda iti daga; ket innalana dagiti pito a tinapay, ket idi a nacapagyaman, pinispisina, ket intedna cadagiti adalanna, tapno isangoda cadacuada; ket incabilda ida iti sangoanan dagiti adu a tattao.

7Adda met sumagmamano nga icanda a babassit; ket idi a binendicionanna ida, imbilinna nga icabilda met dagitoy iti sangoananda.

8Nanganda ngarud, ket nabsogda; ket innalada dagiti pispisi a natda pito nga alat a napno.

9Ket dagiti nangan aguppat a riboda; ket calpasanna pinagawidna ida.

10Ket simrec #Mat. 15:39–16:5.dagus idi barangay agraman dagiti adalanna, ket napan cadagiti dagdaga ti Dalmanuta.

Ti levadora dagiti Fariseo.

11Ket rimmuar dagiti Fariseo ket rinugianda ti nakisusic kencuana a dawatenda iti biangna ti maysa a pagilasianan nga aggapu sadi langit; a pangsuutda.

12Ket isu #Mar. 7:34.nagasug a nasaem iti cararuana, ket cunana: Apayapay dumawat daytoy a caputotan ti maysa a pagilasinan? Pudno cunac cadacayo a dinto maiccan ti aniaman a pagilasinan daytoy a caputotan.

13Ket pinanawanna ida ket idi a simrec manen idi barangay immalis iti sabali nga igid.

14Ket nalipatanda ti nangala ti tinapay; ket awan cadacuada no di maymaysa a tinapay ti incuyogda idi barangay.

15Ket ni Jesus imbilinna cadacuada a kinunana: Kitaenyo, agaluadcayo iti levadura dagiti Fariseo, ken iti levadura ni #Mar. 3:6; 12:13.Herodes.

16Ket pinanpanunot ti maysa ken maysa a cuncunada: Cunana daytoy ta awan ti tinapaytayo.

17Ket idi madlawan ni Jesus, cunana cadacuada: Apayapay agpanpanunotcayo ti casta, gapu ta awan ti tinapayyo? #Mar. 6:52.Dicay ammo ken dicay maawat pay laeng? Adda pay laeng ti pusoyo a timmangken?

18Idinto nga adda matayo, dicay macakita, ket idinto nga adda pagdengngegyo, dicay macangngeg? ket dicay malagip?

19Idi pinispisic dagiti #Mar. 6:41, 44.lima a tinapay cadagiti lima ribo, mano nga alat a napno dagiti pispisi nga inacupyo? Cunada kencuana: Sangapulo ket dua.

20Ken #bil. 6, 9.idi naiwaras dagiti pito cadagiti uppat a ribo, mano nga alat a napno dagiti pispisi nga inacupyo? Ket cunada kencuana: Pito.

21Ket cunana cadacuada: Dicay maawatan pay laeng.

Pannacaagas ti maysa a bulsec idiay Betsaida.

22Idi a dimtengda idiay Betsaida; iyegda kencuana ti maysa a bulsec a tao ket dawatenda kencuana nga isu sagidenna coma.

23Ket iniggamanna ti ima ti bulsec, ket innalana nga impan iti ruar di puroc; ket #Mar. 7:33.idi a tinupraanna dagiti matana ken impatayna dagiti imimana inintuudna kencuana: Macakitaca bassit?

24Ket isu intangadna dagiti matana, ket kinunana: Makitac dagiti tao, a casda la caycayo, a magmagna.

25Ket impatayna manen dagiti im-imana cadagiti matana ket inkitana manen ket naimbaganen ket makitanan idi a nalawag dagiti isu-amin.

26Ket ni Jesus pinagawidna iti balayna, a kinunana: Dica sumrec a pulos, idiay puroc, ket dica ibaga iti uray siasino.

Ti panangammo ni Pedro.

27 # Mat. 16:13-16. Luc. 9:18-20. Ket rimmuar ni Jesus agraman dagiti adalanna cadagiti purpuroc ti Cesarea ni Felipo. Ket iti dalan nagintuud cadagiti adalanna, a cuncunana cadacuada: Asinoac iti panagcuna dagiti tattao?

28Ket simmungbatda: ni Juan a Bautista; ket dagiti dadduma: Ni Elias; ket dagiti sabsabali: Maysa cadagiti mammadto.

29Ket cunana cadacuada: Ngem dacayo asinaoc iti panagcunayo? Ni Pedro, simmungbat, ket cunana kencuana: Sica ti Cristo.

30Ket #Mat. 16:20. Luc. 9:21.imbilinna cadacuada iti nairut nga awan ti pangibaanda iti maipapan kencuana.

31 # Mat. 16:21-28. Luc. 9:22-28. Ket rinugianna nga insursuro ida a masapul a ti Anac ti tao agsagaba cadagiti adu a banag, ket isu ipusay dagiti lallacay, ken dagiti turayen dagiti papadi, ken dagiti escriba, ket matay ken agungar inton malpas ti tal-lo nga aldaw.

32Ket sinaona daytoy a dina inlimlimed. Ket ni Pedro, isu innalana ket rinugianna a binabalaw.

33Ngem isu, idi a simmango ket kinitana dagiti adalanna, inungtanna ni Pedro, a kinunana: Pumanawca ditoy sangoc, Satanas! ta dica agpanunot cadagiti banag a maipapan iti Dios, no di ket maipapan cadagiti tattao laeng.

Awiten ti cruz.

34Ket inayabanna dagiti adu a tao agraman dagidi adalanna, ket kinunana cadacuada: #Mat. 10:38.No sinoman a tao ti mayat a sumurot caniac paglicudanna coma ti bagina ket alaenna ti cruzna ket surutennac.

35Ta siasinoman nga agtarigagay coma a mangisalacanto iti biagna, mapucawnanto; ket siasinoman a macapucaw iti biagna gapu caniac ken iti evangelio, maisalacannanto.

36Ta ania ti malac-am ti tao iti pannacaalana iti amin a lubong, ket mapucawnamet ti biagna?

37Wenno, anianto ti ited ti maysa a tao a talali ti biagna?

38Ta #Luc. 9:26.siasinoman a mangibain caniac ken cadagiti saoc iti daytoy a caputotan a naabig ken managbasol, toy Anac ti tao ibainnanto met intono umay iti gloria ni Amana, #Mat. 25:31.agraman dagiti sasanto nga angelna.

Currently Selected:

MARCOS 8: TB1973

Highlight

Copy