MARCOS 3
3
Ti tao nga adda maysa nga imana a nagango.
1Ket simrec #Mat. 12:9-14. Luc. 6:6-11.manen ni Jesus #Mar. 1:21, 23, 39; 2:1.iti sinagoga: ket adda idiay idi ti maysa a tao nga ti maysa nga imana nagango.
2Ket isu sisiimenda, no paimbagenna iti aldaw a panaginana; tapno maipulongda.
3Ket kinunana iti tao nga nagango ti maysa nga imana: Agtacderca iti tengnga.
4Ket kinunana cadacuada; Maiparbeng, ti panagaramid iti naimbag, wenno ti panagaramid iti dakes cadagiti aldaw a panaginana? ti panangisalacan iti biag wenno ti panangpapatay? Ngem dida naguni.
5Ket idi a minatmatanna ida a sirururod iti licmutna, ken napaladingit iti kinatangken dagiti puspusoda, cunana idi tao: Unnatem ta imam. Ket isu inunnatna; ket daydi ima naipulang a naananay.
6Ket rimmuar dagiti Fariseo, ket nakinumoda a dagus #Mat. 22:16.cadagiti Herodianos iti maicaniwas kencuana, no casano ti pannacadadaelna.
7 #
Mat. 12:15. Ni Jesus agraman cadagiti adalanna, pimmanaw a napan iti baybay ket sinmurot kencuana ti #Mar. 1:45.umariwecwec a tao a taga Galilea ken Judea,
8Ket manipud idiay Jerusalem, ken idiay #Isa. 34:5, 6.Idumea, ken iti labes ti Jordan, ken iti arubayan ti #Mat. 15:21.Tiro ken Sidon, maysa a dackel a caadu ti tao idi mangngegda dagiti agcacadackel a banag nga araramidenna, immayda kencuana.
9Ket kinunana cadagiti adalanna a maysa a bilog maisagana coma kencuana, gapu iti caadu ti tao, tapno saan a mailetan:
10Ta pinaimbagna dagiti adu, gapuna nagdadarisonda kencuana, tapno isu sagiden dagidi amin nga addaan sacsakit.
11Ket dagiti espiritu a narugit, no isu makitada, nagrucbabda iti sangoananna, ket nagickisda a cunada: Sica ti Anac ti Dios.
12Ket isu binilinna ida iti nairut #Mat. 12:16.a dida coma ipadlaw.
Pannacaawis dagiti sangapulo ket dua.
13Ket immuli iti bantay, #Mat. 10:1. Luc. 6:12, 13; 9:1.ket inayabanna dagiti kinayatna: ket immayda kencuana.
14Ket pinilina dagiti sangapulo ket dua nga aggianda kencuana, ken tapno ibaonna ida a mangascasaba;
15Ken tapno adda pannacabalinda a mamaruar cadagiti sairo:
16 #
Mat. 10:2-4. Luc. 6:14-16. D. Ara. 1:13. Ni Simon a pinanagananna ti Pedro.
17Ken ni Santiago nga anac ni Zebedeo, ken ni Juan a cabsat ni Santiago, a pinanagananna ida ti #Luc. 9:54.Boanerges, a cayuluganna: Annac ti dulloog.
18Ken ni Andres, ken ni Felipe, ken ni Bartolome, ken ni Mateo, ken ni Tomas ken ni Santiago, anac ni Alfeo, ken ni Tadeo, ken ni Simon taga Cana,
19Ken ni Judas Iscariote, daydi nangliput kencuana.
Ti tabbaaw dagiti escriba.
20Ket nagsublida iti balay. Ket naguurnong manen dagiti adu unay a tao, #Mat. 6:31.iti casta uray mangan la coma ti tinapay, saanda a mabalin.
21Ket iti nangngeg #bil. 31.dagiti gagayyemna, rimmuarda tapno guyudenda #Juan 7:3-5; 10:20.ta cuncunada: Napucawna ti nakemna.
22Ngem dagidi escriba a simmalog nanipud Jerusalem, cuncunada; #Mat. 9:34; 12:24.Adda kencuana ni Beelzebub; ket gapu iti principe dagiti sairo, mamaruar cadagiti sairo.
23Ket isu inayabanna ida; ket nagsao #Mat. 12:25-29. Luc. 11:17-22.cadacuada cadagiti pangngarig: Casano ti pannacabalin ni Satanas a mamaruar ken Satanas?
24Ket no ti maysa a pagarian mabingaybingay a maibusor met la kencuana, dina mabalin ti mataginayon dayta a pagarian.
25Ket no ti maysa a balay aglalasin a maibusor met la kencuana, dinanto mabalin ti mataginayon dayta a balay.
26Ket no ni Satanas timmacder a maibusor met la kencuana dina mabalin ti mataginayon, no di ket adda gibusna.
27Uray siasino dina mabalin ti sumrec iti balay ti maingel ken mangikisap cadagiti gamengna, no dina umuna a reppeten ti maingel; ket sananto ikisap ti balayna.
28 #
Mat. 12:31, 32. Luc. 12:10. Pudno cunac cadacayo nga amin dagiti basbasol mapacawandanto cadagiti annac dagiti tao, ken dagiti tabbaaw, uray anianto nga itabbaawda;
29Ngem ti siasinoman nga agtabbaaw iti Espiritu Santo, awan ti pacawanna, uray no caano man, no di ket isu macabasol iti agnanayon a basol.
30Gapu ta kinuncunada: Adda espirituna a narugit.
Dagiti cacabsat ken ina ni Jesus.
31 #
Mat. 12:46-50. Luc. 8:19-21. Immay ngarud #bil. 21.dagiti cacabsatna ken ni inana, ket idi addada iti ruar nangibaonda ti mangayab kencuana.
32Ket dagiti adu a tao a situtugaw iti sibayna, kinunada kencuana: Adtoy, ni inam ken dagiti cacabsatmo idiay ruar sapsapulendaca.
33Ngem kinunana cadacuada: Siasino ti inac ken dagiti cacabsatco?
34Ket idi a kinitana iti sibayna dagiti adda nga agtutugaw iti dinnana, kinunana: Adtoy, ni inac ken dagiti cacabsatco!
35Ta siasinoman a mangaramid ti pagayatan ti Dios, dayta met laeng ti cabsatco a lalaki ken babai, ken inac.
Currently Selected:
MARCOS 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
