MARCOS 15

Ni Jesus iti sangoanan ni Pilato.

1Ket dagus nga iti #Mat. 27:1. Luc. 22:66.bigat, nagnunumo dagiti panguloen dagiti papadi agraman dagiti panglacayen ken dagiti escriba ken ti amin a gimong, ket #Luc. 23:1. Juan 18:28.rineppetda ni Jesus ket impanda ket inyawatda ken Pilato.

2Ket inintuud ni Pilato kencuana: #Mat. 27:11-14. Luc. 23:2, 3. Juan 18:29-38.Sica ti ari dagiti Judio? Ket isu idi a simmungbat, kinunana kencuana; Naisaomon.

3Ket dagiti panguloen dagiti papadi isu indarumda cadagiti adu a banag.

4Ni Pilato inintuudna manen kencuanan, a kinuna: Awan ti isungbatmo? Kitaem no mano a banag ti pangipulonganda kenca.

5Ngem ni Jesus awan ti insungbatnan iti casta nasnasdaaw ni Pilato.

6Ngem iti #Mat. 27:15-26. Luc. 23:17-25. Juan 18:39, 40.fiesta cadaoyanna idi a luc-atan ti maysa a balud, daydiay dawatenda kencuana.

7Ket adda idi ti maysa a managan ti Barrabas a sibabalud agraman cadagiti cacaduana nga immalsa isuda a nacapapatay iti panangriribucda.

8Ket immasideg dagidi adu a tao, ket rinugianda a dinawat ti cas iti cadaoyanna nga araramiden cadacuada.

9Ket ni Pilato simmungbat cadacuada, a cuncunana: Cayatyo a lucatac cadacayo ti Ari dagiti Judio?

10Ta ammona idi a gapu iti apal dagiti panguloen dagiti papadi isu inyawatda.

11Ngem dagiti panguloen dagiti papadi sinulbogda dagiti umili a nasaysayaat coma a luc-atanna cadacuada ni Barrabas.

12Ket simmungbat ni Pilato, ket kinunana cadacuada manen: Ania ti aramidecto ngarud iti daytoy naganenyo ti Ari dagiti Judio?

13Ket nagickisda manen: Isu ilansam iti cruz.

14Ni Pilato kinunana cadacuada: Ta ania aya ti dakes nga inaramidna? Ngem isuda nagickisda ketdi ti nalal-lalo. Isu ilansam iti cruz.

15Ket ni Pilato, agsipud ta cayatna a pagustoan ti umili, linuc-atanna cadacuada ni Barrabas, ket inyawatna ni Jesus, idi nalpasna a binaot, tapno isu mailansa iti cruz.

16Dagiti soldado idi nga #Mat. 27:27-32.isu impanda idi uneg ti #Mat. 26:3.patio, ti #Mat. 27:27.pangocoman, inayabanda ti amin a cabonggoyda.

17Ket isu kinawesanda ti purpura; ket naglagda cadagiti sisiit nga imbalangatda kencuana;

18Ket rinugianda a kinablaawan; Viva, Ari dagiti Judio!

19Ket pinang-orda ti olona iti maysa a cawayan, ken isu tinupraanda, ket idi nagparintumengda nagdaydayawda kencuana.

20Ket idi nalpasda a nagang-angawan, inucsubda daydi purpura, ket incauwesda met laeng kencuana dagiti pagananayna, ket inruarda tapno ilansada iti cruz.

Ti pannacailansana.

21Ket lumabas idi, ni Simon a taga Cirene, a naggapu iti away, ama ni Alejandro ken ni Rufo, ket impaawitda kencuana ti Cruz ni Jesus.

22 # Mat. 27:33-56. Ket isu ipanda #Luc. 23:33. Juan 19:17.idiay disso a Golgota, a no maipatarus: Disso ti Bangabanga.

23Ket ingay-atanda ti arac a nalaocan ti mirra; ngem isu saanna nga ininum daydi.

24Ket isu inlansada, ket biningbingayda dagiti pagananayna, a naggiginnasatanda no ania ti mabaginto ti tunggal maysa.

25Ket #A las nueve ti bigat.maicatlo ti horas #Juan 19:14.idi isu inlansada iti cruz.

26Ket ti kita ti nacaidarumana, naisurat iti ngatona: TI ARI DAGITI JUDIO.

27Ket inlansada nga ingiddan kencuana dagiti dua a tulisan, daydi maysa iti macanawanna, ket daydi sabali iti macatigidna.

28Ket natungpal ti Surat a cunana: #Isa. 53:12. Luc. 22:37.Ket naibilang cadagiti managdacdakes.

29Ket dagiti aglabas, isu nagsasaoanda nga ingilngilangilda dagiti oloda, ket cuncunada: Ania! sica a rebbaem ti Templo ket ti tal-lo nga aldaw bangonem met laeng.

30Isalacanmo ta bagim ket umulogca dita cruz.

31Casta met dagiti panguloen dagiti papadi isu inangangawda, a cuncunada ti maysa ken maysa agraman dagiti escriba: Insalacanna dagiti sabsabali, ket saanna a mabalin nga isalacan ti bagina.

32Ni Cristo, ti Ari ti Israel, umulog coma ita iti cruz, tapno makitami ket mamaticami. Casta met dagiti adda a nailansa a naigiddan nakipaglalaisda met kencuana.

33Ket idi horas a #A las doce ti aldaw.maicanemen, nagsipnget iti rabaw ti amin a daga, agingga iti horas a #A las tres ti malem.maicasiam.

34Ket idi horas a maicasiam nagpuccaw ni Jesus iti dackel a timec: ELOI, ELOI, LAMA SABACTANI? a no maipatarus: #Sal. 22:1.Diosco, Diosco, apayapay binaybayannac?

35Ket dagiti dadduma cadagiti adda idiay idi mangngegda, kinunada: Kitaenyo, ni Elias ti ayabanna.

36Ket timmaray ti maysa cadacuada, ket nangipasagepsep ti maysa nga esponja iti suca, ket incabilna iti maysa a sucdal ket impasepsepna kencuana, a cuncunana: Bay-anyo, kitaenyo, no umayto ni Elias a mangyulog kencuana:

37Ngem ni Jesus, pimmuccaw iti napigsa, ket inyawatna ti cararuana.

38Ket daydi abbong di Templo napigis a nagcadua, nanipud ngato agingga iti baba.

39Ket idi #Mat. 27:54. Luc. 23:47.ti centurion, nga adda iti sangoananna, nakitana nga inyawatna ti cararuana iti castoy, kinunana: Pudno daytoy a tao, isu Anac ti Dios.

40Ket addada met idi dagiti sumagmamano a babbai nga agbuybuya iti adayu ket adda cadacuada ni Maria Magdalena, ken ni Maria nga ina ni Santiago a basbassit ken ni Jose, ken #Mar. 16:1.ni Salome;

41Isuda nga, idi adda idiay Galilea, simmursurotda ken nagserservida kencuana: ken dagiti adu a sabsabali a babbai a simmang-at a kimmuyog kencuana idiay Jerusalem.

Ti tanem.

42Ket #Mat. 27:57-61. Luc. 23:50-56. Juan 19:38-42.idi nga mumalemen, agsipud ta isu ti #Mat. 27:62.Panagsagana, cayatna a saoen sacbay ti aldaw a panaginana,

43Immay ni Jose a taga Arimatea, #Luc. 23:50.panguloen a natan-oc, isu nga #Luc. 2:25.agur-uray met idi iti pagarian ti Dios ket simrec a situtured idi yan ni Pilato, ket dinawatna ti bagi ni Jesus.

44Ngem ni Pilato nasdaaw idi naammoanna a natayen; ket inayabanna daydi #bil. 39.centurion, ket inintuudna kencuana no natayen.

45Ket idi isu naammoanna idi centurion, intedna daydi bangcay ken Jose.

46Ket gimmatang ti maysa nga ules, ket idi isu imbabana binungonna idi ules ket incabilna iti maysa a tanem a naaramid iti bato; ket sa nangitulid ti maysa a bato iti ruangan ti tanem.

47Ket ni Maria Magdalena, ken ni Maria nga ina ni Jose #Luc. 23:55.kinitkitada ti nangitanemanda kencuana.

Currently Selected:

MARCOS 15: TB1973

Highlight

Copy