MARCOS 12

Pangngarig dagiti agtaltalon a nadaeal.

1Ket rinugianna a #Mat. 21:33-46. Luc. 20:9-19.kinasao ida cadagiti pangngarig: Nagmula ti maysa a tao ti maysa a cauvasan ket linaolawna iti alad, ket kimmali ti pagaramidan ti arac ket nangbangon ti maysa a balay, ket impaupana cadagiti agtaltalon, ket napan iti sabali a daga.

2Ket idi tiempo a pannacaipaayna, nangibaon ti maysa nga adipenna cadagiti agtaltalon tapno awatenna coma cadacuada dagiti bunga ti cauvasan.

3Ket isu innalada, ket minalmaloda ket pinagawidda nga imaima.

4Ket nangibaon manen cadacuada ti sabali nga adipen, ket sinugatda ti olona ket pinagawidda a nagsasaoan.

5Nangibaon ngarud ti sabali; ket daytoy pinatayda: ket nangibaon ti adu a sabsabali, ket sinugatda dagiti dadduma, ket pinatayda dagiti dadduma.

6Idinto nga adda pay #Mat. 3:17. Luc. 20:13.maymaysa nga anacna, a dungdungoenna; imbaonna daytoy cadacuada a naud-udi, a cunana: Padayawandanto ti annacco.

7Ngem dagiti nga agtaltalon kinunada ti maysa ken maysa: Daytoy isu ti agtawid; umaycayo, papatayentayo ket cucuatayto ti tawidna.

8Ket innalada, ket pinatayda, ket imbel-lengda iti ruar ti cauvasan.

9Ania ngarud ti aramidento ti apo ti cauvasan? Umayto ket pucawennanto dagidiay agtaltalon ket itednanto ti cauvasan cadagiti sabsabali.

10Saanyo pay a nabasa aya daytoy a surat: #Sal. 118:22, 23.Ti bato nga imbel-leng dagiti agbangbangon ti balay, isu met laeng ti nagbalin nga olo ti nagsulianan:

11Daytoy naaramid gapu iti Apo, ket nacascasdaaw cadagiti matatayo?

12Ket isu agawaanda idi a tiliwen; ngem cabutengda dagiti adu a tao: #Mar. 11:18.ta naawatanda nga sinaona daydi a pangngarig a maibusor cadacuada; ket isu pinanawanda, ket nagawidda.

Ti susic a maipapan iti buwis.

13Ket #Mat. 22:15-45. Luc. 20:20, 38.nangibaonda kencuana cadagiti dadduma cadagiti Fariseo ken cadagiti Herodiano, tapno matiliwda coma iti panagsaona.

14Ket idi dimtengda, cunada kencuana: Mannursuro, ammomi a napudnoca, ket dica icancano iti uray siasino; casta met a dica bigbigen ti casasaad a naruar dagiti tao, ngem mangisuroca a sipupudno iti dalan ti Dios: Maipalubos ti panangted ti buis ken Cesar, wenno saan?

15Mangtedcamto, wenno saan? Ngem isu, nailasinna ti panaginsisingpetda, ket kinunana cadacuada: #Juan 8:6.Apayapay suutendac? ipakitaandac ti maysa a denario.

16Ket idi inyeganda, cunana cadacuada: Siasino ti akinladawan itoy, ken ania ti naisurat? Ket kinunada kencuana: Ni Cesar.

17Ket ni Jesus kinunana cadacuada: Itedyo ken Cesar ti cucua ni Cesar, ket iti Dios ti cucua ti Dios. Ket nasnasdaawda unay kencuana.

Dagiti Saduceo ken ti panagungar.

18Idin immayda kencuana dagiti Saduceo, nga agcuncuna nga awan ti panagungar; ket inintuudda kencuana a cuncunada:

19Mannursuro, ni Moises insuratna cadacami: #Deut. 25:5.No ti cabsat a lalaki ti maysa a lalaki matay, ket mabatina ti asawa, ngem awan ti anacna, alaen coma ni cabsatna di asawana, ket iputotanna ni cabsatna.

20Adda ngarud pito nga agcacabsat a lallaki: ket di inauna nangala ti asawa, ket idi natay, awan, nabatina a putot.

21Ket daydi babai innala daydi maicadua, ket natay nga awan nabatina a putot a sunona; ket daydi maicatlo casta met.

22Ken dagiti pito, ket awan nabatida a putot. Natay met daydi babai a naudi cadacuada amin.

23Inton panagungar, ngarud, asinonto cadacuada ti makin-asawa kencuana? ta dagidi pito nakiasawada amin kencuana.

24Ni Jesus kinunana cadacuada: Saan aya a gapu itoy ket maallilawcayo, ta dicay ammo dagiti Sursurat, ken ti pannacabalin ti Dios?

25Ta inton agungarda iti tengnga dagiti natay, saanda a mangasawa wenno makiasawa; no di ket isuda ti cacas la cadagiti angel nga adda idiay langit.

26Ngem no ti maipapan cadagiti natay, nga agungardanto, uray caano dicay aya nabasa idiay Libro ni Moises no casano ti panakisao ti Dios kencuana #Luc. 20:37.iti bassit a cayo a sumsumged a kinunana: #Ex. 3:6.Siac ti Dios ni Abraham, ken ti Dios ni Isaac, ken ti Dios ni Jacob?

27Saan nga isu ti Dios dagiti natay, no di ket dagiti nabiag: maallilawcayo iti nacaro.

Ti dackel a bilin.

28Ket dimteng ti maysa cadagiti escriba, ket nangngegna ida nga agsususic ket gapu ta ammona a sinungbatanna ida a naimbag, inintuudna kencuana: Ania ti cangronaan cadagiti bilbilin?

29Ni Jesus simmungbat: Ti umuna isu daytoy: #Deut. 6:4, 5.Denggem, O Israel: Ti Apo a Diostayo isu ti maymaysa nga Apo:

30Ket ayatem ti Apo a Diosmo iti amin a pusom, ken iti amin a cararuam, ken iti amin a panunotmo ken cadagiti isu-amin a pigsam.

31Ti maicadua isu daytoy: #Lev. 19:18.Ayatem ti caarrobam a cas iti bagim. Awan ti sabali a bilin a dacdackel ngem dagitoy.

32Ket kinunana di escriba kencuana: Agpayso, Mannursuro, naimbag ti pinagcunam a maymaysa laeng ti Dios; #Deut. 4:35.ket awan ti sabali no saan nga isu:

33Ket ti panagayat kencuana iti amin a puso, ken iti amin a cararua ken iti amin nga isip ken cadagiti amin a pigsa, ken ti panagayat iti caarroba a cas iti bagi met laeng, #1 Sam. 15:22.isu napatpateg ngem dagiti amin a daton ken sagut.

34Ket ni Jesus idi nakitana a simmungbat a sisisirib, kinunana kencuana: Saanca nga adayu iti pagarian ti Dios. #Mat. 22:46. Luc. 20:40.Ket awanen idiay ti nacaitured a nagimtuud kencuana.

Ni Cristo, anac ni David.

35 # Luc. 20:41-44. Ket idi a mangisursuro ni Jesus idiay Templo nagsao ket kinunana: Apayapay cuna dagiti escriba a ni Cristo isu ti anac ni David?

36Idinto a ni met laeng David gapu iti Espiritu Santo kinunana: #Sal. 110:1.kinuna ti Apo iti Apoc; agtugawca iti macanawanco, agingga iti maicabilco dagiti cabusormo iti baba dagiti sacsacam.

37No ni David met laeng awaganna nga Apo: casano ngarud, nga isu ti anacna? Ket dagiti caaduan a tao dimngegda a siayat kencuana.

Pannacababalaw dagiti escriba.

38Ket iti panangisursurona kinunana: #Luc. 20:45-47.Agannadcayo cadagiti escriba, nga maayayatanda ti magna a sipapagananay ti nagayad ken ayatenda ti #Mat. 23:6, 7.macablaawan cadagiti plaza.

39Ken dagiti cangatoan a tugaw cadagiti sinagoga, ken dagiti nagundawayan a saad cadagiti ramrambac:

40Isuda a mangalun-un cadagiti #Mat. 23:14.balbalay dagiti balo a babai, babaen ti pangal-lilaw dagiti atitiddag a lualo. Dagitoy awatendanto ti nainginget a pannacaocom.

Ti daton ti napanglaw a babai a balo.

41 # Luc. 21:1-4. Ket idi adda ni Jesus nga agtutugaw iti sangoanan ti #Juan 8:20.pagidulinan cadagiti daton, kinitana no casano ti panangipisoc dagiti umili ti #Mat. 10:9.pirac idi pagidulinan: ket adu dagiti nabacnang a nangipisoc ti nawadwad.

42Immay met ti maysa a balo a babai a napanglaw, ket nangipisoc ti dua a blancas a maysa a maravilis ti pategda.

43Ket inayabanna dagiti adalanna, ket kinunana cadacuada: Pudno cunac cadacayo a daytoy balo a babai a napanglaw, adadda ti impisocna ngem iti impisoc dagiti amin a sabsabali;

44Ta isuda amin nangipisocda cadagiti tiddada; ngem daytoy babai iti kinapanglawna incabilna ti amin nga adda kencuana ken amin a pagtaraonna.

Currently Selected:

MARCOS 12: TB1973

Highlight

Copy