MIKIAS 2
2
Asi pay dagiti naagum a manangirurumen.
1Asi pay dagiti aggandat iti kinadangkes, ken #Sal. 36:4.agaramid iti dakes cadagiti iddada! No iti bigat aglawag, isu ti aramidenda, ta adda iti pannacabalin ti imada.
2Ket agumanda dagiti taltalon, #Isa. 5:8.ket agawenda ida; ken dagiti balbalay, ket iccatenda ida: ket irurumenda ti tao ken ti balayna, ti tao met laeng ken ti tawidna.
3Gapuna, castoy ti cuna ni Jehova: Adtoy, #Jer. 8:3. Amos 3:2.gandatec ti maysa a dakes a maibusor ti daytoy a familia, isu a dicayto pacailisian cadagiti teltelyo, ken dicayto met macapagna a sicucuspag; ta pannawen a dakes.
4Iti dayta nga aldaw #Isa. 14:4. Hab. 2:6.aramatendanto ti maysa a #Num. 21:27.pangngarig a maibusor cadacayo, ket agsangitda iti nasaem a panagunnoy, ket cunaenda, Nadadaeltayo a naikisap: isu baliwanna ti bingay ti ilic: anian ti panangisinana caniac! cadagiti nasukir bingayenna dagiti taltalonmi.
5Gapuna awanto ti siasinoman a mangipurruac kenca iti #Deut. 32:8, 9. Sal. 16:5, 6.singdan iti panaggiginnasat iti gimong ni Jehova.
6Dicayo agipadto, castoy ti panangibagada. Saandanto nga agipadto cadagitoy: pannacaibabain saandanto a pumanaw.
7O sica a managanan balay ni Jacob, bimmassit aya ti Espiritu ni Jehova? isuda dagitoy dagiti ar-aramidna? Saan aya a dagiti sasaoc agaramidda iti imbag iti daydiay magna a sililinteg?
8Ngem itay nabiit ti ilic timmacder a cas maysa a cabusor: dacayo ucsubenyo ti cagay iti pagan-anay cadagiti aglabas a natalged cas cadagiti tattao a madi iti gubat.
9Dagiti babbai ti ilic paruarenyo cadagiti nacaayayo a balbalayda; cadagiti annacda a babassit iccatenyo ti dayagco iti agnanayon.
10Tumacdercayo, ket pumanawcayo; ta daytoy saan nga #Deut. 12:9.isu ti paginanaanyo; agsipud iti kinarugit a mangdadael, agraman maysa met laeng a nasaem a pannacarba.
11No ti tao a magmagna iti espiritu ti ulbod agtiri, a cunana, Siac agipadlesacto kenca maipapan iti arac ken naingel nga inumen; #Jer. 5:31.isunto met laeng ti mammadto iti daytoy nga ili.
12Di bumurong, O Jacob, a siac urnongencanto #Mik. 4:6, 7.amin; di bumurong nga urnongecto ti tidda ti Israel; icabilconto ida a natiptipon a #Jer. 31:10.cas la carcarnero ti #1 Cron. 1:44.Bosra, cas maysa a pangen iti nagtengngaan ti pagarabanda; mangaramiddanto iti dackel nga anabaab a gapu iti caadu dagiti tao.
13Napanen ti manglucat iti sangoananda; linucatanda ket nagnada agingga iti ruangan, ket rimmuarda kencuana ket ti #Os. 3:5.arida limmabas iti sangoananda, ket ni Jehova iti #Isa. 52:12.unada.
Currently Selected:
MIKIAS 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
