MATEO 22

Pangngarig ti boda.

1Ket ni Jesus simmungbat, ket kinasaona manen ida, #Luc. 14:16-24.cadagiti pangarig, a cuncunana:

2Ti pagarian ti langit maipadis iti maysa nga ari, a rinambacanna ti #Apoc. 19:7, 9.boda ti anacna.

3Ket imbaonna dagiti adipenna tapno ayabanda dagiti naawis iti boda; ngem dida kinayat ti immay,

4Nangibaon manen cadagiti sabsabali nga adipen, a cuncunana: Ibagayo cadagiti naawis: Adtoy, insaganac ti dayac: dagiti vacvaca ken dagiti animalco a pinalucmeg napartidan, ket naisaganada aminen: umaycayo iti pagbodaan.

5Ngem saanda nga incancano; ket napanda, ti maysa idiay pagtalonanna, ket ti sabali cadagiti pagsapulanna.

6Ket dagiti dadduma, tiniliwda dagiti adipenna, ket nagsasaoanda ket pinapatayda ida.

7Iti casta daydi ari nacaunget, ket imbaonna dagiti buyotna ket pinucawna dagiti nangpapatay ket pinuuranda ti ciudadda.

8Idin cunana cadagiti adipenna: Ti boda naisagana; ngem #Mat. 10:11, 13.dagiti naawis isuda ti saan a maicari.

9Incay ngarud cadagiti pagsisinaan dagiti daldalan; ket cadagiti isu-amin a masaracanyonto, awisenyo ida iti pagbodaan.

10Ket rimmuar dagiti adipen cadagiti daldalan, ket inurnongda dagiti isu-amin a nasaracanda, #Mat. 13:38, 47; 25:2.dakes man, ken naimbag; ket ti pagbodaan napno cadagiti sangaili.

11Ngem idi simrec ti ari tapno kitaenna dagiti sangaili, nabigbigna idiay ti maysa a tao a #Isa. 61:10. Apoc. 19:8.di nagpagananay ti cawes ti makiboda:

12Ket kinunana kencuana: Gayyem, Apayapay simrecca ditoy nga awan pagananaymo a maipaay iti boda? Ket isu saan a naguni.

13Idin ti ari kinunana cadagiti babaonenna: Isu pungoenyo dagiti sacsaca ken dagiti imimana, ket iduronyo iti sipnget iti ruar; #Mat. 8:12.idiay addanto panagsangit ken panagngaretnget dagiti ngipen.

14Ta #Mat. 20:16.adu dagiti maayaban, ngem bassit dagiti mapili.

Ti riri a maipapan iti buis.

15Idin, napan dagiti Fariseo, ket #Mar. 12:13-37. Luc. 20:20-38.ninumoda no casano ti pannacabalinda coma a mangtiliw kencuana iti panagsaona.

16Ket imbaonda kencuana dagiti adalanda agraman dagiti #Mar. 3:6; 12:13.Herodianos a nagsao kencuana: Mannursuro, ammomi a sica napudnoca, ken isursurom a sipupudno ti dalan ti Dios; ket dica met agamac iti uray siasino, ta dica bigbigen ti casasaad dagiti tao.

17Ibagam ngarud cadacami no ania ti panangipagarupmo: Maipalubos ti agbayad ti buis #Luc. 3:1.ken Cesar wenno saan?

18Ngem ni Jesus, nadlawna ti kinadakesda ket kinunana: Apayapay suutendac, managinsisingpet?

19Ipakitayo caniac ti pirac ti buis. Ket inyegda kencuana ti maysa a denario.

20Ket cunana cadacuada: Asino ti akinladawan ken ti naisurat itoy?

21Cunada kencuana: Ni Cesar. Idin cunana cadacuada: #Rom. 13:7.Itedyo ngarud ken Cesar ti cucua ni Cesar; ket iti Dios, ti cucua ti Dios.

22Idi nangngegda daytoy, nagsiddaawda, ket pinanawanda, ket nagawidda.

Dagiti Saduceo ken ti panagungar.

23Idi met laeng nga aldaw immayda kencuana dagiti #Mat. 3:7; 16:1, 6, 11, 12. D. Ara. 4:1; 5:17; 23:6, 8.Saduceo, nga agcuncuna nga awan ti panagungar ket nagsaludsudda kencuana,

24A cuncunada: Mannursuro, ni Moises kinunana: #Deut. 25:5.No ti maysa a lalaki matay nga awan putotna, asawaento ti cabsatna ti asawa a babai daydi, ket iputotanna ni cabsatna iti sunona.

25Adda ngarud cadacami idi pito nga agcacabsat a lallaki: ket ti immuna, nangasawa ket natay; ket idinto nga awan ti putotna imbatina ti asawana iti cabsatna:

26Casta met daydi maicadua, ken daydi maicatlo agingga iti maicapito.

27Ket idi nalpasda aminen, natay met di babai.

28Inton panagungar ngarud, Asinonto cadagiti pito ti akin-asawa iti babai? ta isuda amin kinupicupanda.

29Ngem ni Jesus simmungbat, ket kinunana cadacuada: Maal-lilawcayo, #Juan 20:9.agsipud ta dicay ammo dagiti Sursurat wenno ti pannacabalin ti Dios.

30Ta inton panagungar, saandanto a mangasawa wenno makiasawa; ngem #1 Juan 3:2.casdanto la cadagiti angel idiay langit.

31Ngem ti maipapan iti panagungar dagiti natay, Dicay aya nabasa ti sinao ti Dios cadacayo, a cuncunana:

32Siac ti Dios ni Abraham, #Ex. 3:6. D. Ara. 7:32.ken ti Dios ni Isaac, ken ti Dios ni Jacob? Ti Dios saan a Dios dagiti natay, no di dagiti sibibiag.

33Ket idi nangngeg daytoy dagiti adu a tattao, #Mat. 7:28.nagsidsiddaawanda ti sursurona.

Ti dackel a bilin.

34Ngem idi dagiti Fariseo nangngegda, a pinagulimecna dagiti Saduceo, naguurnongda.

35Ket ti maysa cadacuada, a #Luc. 10:25; 11:45, 46, 51; 14:3.manangipalawag iti linteg, nagimtuud ti maysa a saludsud a pangsusuutna kencuana.

36Mannursuro. Ania ti dackel a bilin iti linteg?

37Ni Jesus kinunana kencuana: #Deut. 6:5. Luc. 10:27.Ayatem ti Apo a Diosmo iti amin a pusom, ken iti amin a cararuam, ken iti amin nga isipmo.

38Daytoy isu ti umuna ken ti dackel a bilin.

39Ket ti maicaddua isu umasping kencuana: #Lev. 19:18. Mat. 19:19.Ayatem ti padam a tao a cas iti bagim.

40Cadagitoy dua a bilin mapucpoc amin a linteg ken ti sinao dagiti mammadto.

Ni Cristo, anac ni David.

41Ket idi adda pay laeng a naurnong dagiti Fariseo, #Luc. 20:41-44.ni Jesus nagintuud cadacuada,

42A cuncunana: Ania ti panangipagarupyo ti maipapan ken Cristo? Siasino ti akin-anac kencuana? kinunada kencuana: #Mat. 1:1.Ni David.

43Cunana cadacuada: Casano ngarud, a ni David, idi adda iti Espiritu, isu ti awaganna ti Apo a cuncunana:

44Kinuna ti Apo iti Apoc;

# Sal. 110:1. D. Ara. 2:34-35. Heb. 1:13. Agtugawca iti macanawanco,

Agingga iti panangicabilco cadagiti cabusormo a pagbatayan dagiti sacsacam?

45No ni David ngarud, awaganna ti Apo, casano nga isu ti Anacna?

46Ket awan ti nacabalin a sumungbat kencuana ti maysa a sao; #Mar. 12:34. Luc. 20:40.ket awan met nanipud idi nga aldaw ti macaitured nga aginintuud kencuana.

Currently Selected:

MATEO 22: TB1973

Highlight

Copy