MATEO 14
14
Ipapatay ni Juan a Bautista.
1Idi a tiempo ni #Mar. 6:14-29. Luc. 9:7-9.Herodes a #Luc. 3:1.gobernador nangngegna ti damag a maipapan ken Jesus,
2Ket kinunana cadagiti catulonganna: Daytoy isu ni Juan a Bautista; a nagungar cadagiti natay, ket gapu iti casta dagitoy a pannacabalin agararamidda kencuana.
3Ta ni Herodes #Luc. 3:19-20.tiniliwna idi ni Juan, ket kinawaranna ken impisocna iti pagbaludan gapu ken Herodias, #Luc. 3:1.asawa ni Felipe a cabsatna.
4Ta ni Juan kinunana idi kencuana: Saan a maipalubos kenca nga isu ti cupicupam.
5Ket idi isu ti papatayenna coma, #Mat. 21:26.nagbuteng cadagiti umili ta imbilangda a cas maysa a #Mat. 11:9.mammadto.
6Ngem idi a marambacan ti aldaw ti pannacayanac ni Herodes, ti anac a babai ni Herodias nagsala iti tengnga ket pinaayatna ni Herodes.
7Gapuna incarina nga insapata nga itednanto kencuana ti amin a dawatenna.
8Ket isu, gapu ta immuna nga insuro ni inana, cunana: Itdem caniac ditoy iti maysa a pinggan, ti ulo ni Juan a Bautista.
9Ket nagladingit di ari; ngem gapu iti sapatana ken gapu cadagiti adda a nakisango idi panganan, imbilinna nga maited kencuana;
10Ket nangibaon, ket pinaputulanna ni Juan iti pagbaludan.
11Ket naiyeg di ulona iti maysa a pinggan ken naited idi balasang; ket inyegna daydi ken inana.
12Idin dimteng dagiti adalan ni Juan, ket innalada di bangcay, ket imponponda; ket napanda, impadamag ken Jesus.
Umuna nga yaadu dagiti tinapay.
13 #
Mat. 10:23. Ket idi nangngegan ni Jesus, #Mar. 6:32-44. Luc. 9:10-17. Juan 6:1-13.pimmanaw sadiay, a nagbarangay, a napan iti maysa a disso nga awan matagtagitao ken putputong; ket idi maammoan dagiti adu a tattao simmurotda kencuana a nagnagna nanipud cadagiti ciudad.
14Ket idi rummuar ni Jesus, nakitana ti umariwecwec a tao, ket #Mat. 9:36; 15:32-38.simnec ti asina cadacuada, ket pinaimbagna dagiti masakitda.
15Ket idi #Luc. 9:12.immay ti malem, immasideg kencuana dagiti adalanna, a cuncunada: Ti disso awan ti matagtagitaona, ket mumalemen; pagawidem dagiti tao, tapno mapanda cadagiti purpuroc, ket gumatangda ti canenda.
16Ngem ni Jesus kinunana cadacuada: Awan ti pacasapulanda nga agawid; pacanenyo ida.
17Ket kinunada: Adda cadacam ditoy limlima laeng a tinapay ken dua nga ican.
18Ket kinunana cadacuada: yegyo ida caniac ditoy.
19Ket imbilinna cadagiti adu a tao nga agtugawda iti carootan, ket innalana dagiti lima a tinapay ken dagiti dua nga ican ket #Mar. 7:34.intangadna dagiti matana iti langit, #Mat. 26:26. Mar. 6:41; 8:7; 14:22. Luc. 9:16; 24:30.binendicionanna; ket pinispisina, ket intedna dagiti tinapay cadagiti adalan, ket dagiti adalan intedda cadagiti adu a tao.
20Ket nanganda amin, ket nabsogda, ket inacupda dagiti pispisi a natda, sangapulo ket dua nga #Mat. 16:9.alat a napno.
21Ket dagidi nangan aglimariboda a tattao, malacsid dagiti babai ken ubbing.
Ni Jesus magna iti rabaw ti baybay.
22 #
Mar. 6:45-56. Juan 6:15-21. Ket dagus a ni Jesus pinilitna a sumrec dagiti adalanna iti barangay ket mapanda nga umun-una iti sabali a bangir di baybay bayat ti panamagawidna cadagiti adu a tao.
23Ket idi napagawidnan dagiti tattao immuli #Luc. 6:12; 9:28.iti bantay a nagcarcararag a nagwaywayas: ket idi rumabii, adda idiay a maymaysa.
24Ngem daydi barangay idi addan iti tengnga ti baybay, sinabuasabuagan dagiti dal-luyon; ta ti angin sungat idi.
25Ket iti maicapat a panagbantay iti #Nagbaetan ti a las tres ken ti ilawag ti init.rabii, ni Jesus napan cadacuada a nagnagna iti rabaw ti baybay.
26Ket dagiti adalan, idi isu nakitada a magmagna iti rabaw ti baybay, naglagawda a cunada: Alalia daytoy; ket gapu iti buteng nagickisda.
27Ngem ni Jesus dagus a kinasaona ida a cuncunana: Agtalgedcayo; siac; #Mat. 17:7.dicay agbuteng.
28Ket ni Pedro simmungbat kencuana, ket kinunana: Apo, no sica ngarud, ibilinmo nga umayac kenca a magna iti rabaw dagiti danum.
29Ket kinunana: Umayca. Ket dimsaag ni Pedro idi barangay, ket nagna iti rabaw dagiti danum a mapan ken Jesus.
30Ngem idi nakitana ti angin, nagbuteng; ket idi mangrugi a lumned, nagickis a cunana: Apo, isalacannac.
31Ket dagus a ni Jesus, inunnatna ti imana, ken iniggananna ket kinunana kencuana: O sica a bassit ti pammatina. Apayapay nagduaduaca?
32Ket idi simrecda idi barangay, nagtalna ti angin.
33Ket dagidi adda idi barangay, nagdaydayawda Kencuana a cuncunada: Kinapudnona a #Sal. 2:7. Mat. 4:3, 6; 8:29; 26:63.sica ti Anac ti Dios.
34Ket idi nacabal-lasiwda iti sabali a bangir, immayda iti daga a Genezaret.
35Ket idi isu naammoan dagiti tao iti daydi a disso, nagbaonda cadagiti amin a beddeng iti aglawlaw, ket inyegda kencuana dagiti amin a masacsakit;
36Ket dinawatda kencuana a masaggidda coma laeng ti uray pingir di cagayna; ket #Mat. 9:20.isu-amin dagidi nangsagid, napaimbagda.
Currently Selected:
MATEO 14: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
