MATEO 12
12
Ni Jesus Apo ti Sabado.
1Iti daydi a tiempo #Aginga bil. 8. Mar. 2:23-28. Luc. 6:1-5.limmabas ni Jesus iti aldaw a panaginana cadagiti catrigoan, ket dagiti adalanna idi a nagbisinda, #Deut. 23:25.nangrugida a nagala ken nangan cadagiti dawa ti trigo.
2Ngem idi nakita daytoy dagiti Fariseo, kinunada kencuana: Kitaem, dagiti adalam aramidenda #Ex. 20:10.ti saan a maipalubos nga aramiden iti aldaw a panaginana.
3Ngem isu kinunana cadacuada: Saanyo a nabasa aya #1 Sam. 21:6.ti inaramid ni David, idi nagbisin, isu ken dagiti naicuyog kencuana:
4No casano ti iseserrecna iti balay ti Dios, ket kinnanna dagiti #Ex. 25:30. Lev. 24:5-8.tinapay a sidadaya iti altar a saan a maipalubos kencuana a canen ket casta met cadagiti naicuyog kencuana, #Lev. 24:9.no di cadagiti sacerdote laeng?
5Wenno, Dicay aya nabasa #Num. 28:9, 10.iti linteg, a cadagiti aldaw a panaginana, dagiti sacerdote iti Templo saanda a ngilinen ti aldaw a panaginana ket dida macabasol?
6Ngem siac cunac cadacayo a ditoy adda maysa a dacdackel ngem iti Templo,
7Ngem no maammoanyo coma no ania ti cayatna a saoen daytoy: “#Os. 6:6. Mat. 9:13.Asi ti calicagumac ket saan a daton,” saanyo coma a dusaen dagiti awan basolda.
8Ta ti Anac ti tao isu ti Apo ti aldaw a panaginana,
Pannacaagas ti tao nga adda imana a nagango.
9Ket pimmanaw sadiay ket #Aginga bil. 14. Mar. 3:1-6. Luc. 6:6-11.simrec iti sinagogada;
10Ket adtoy idi ti maysa a tao nga adda imana a nagango. Ket inintuudda kencuana, a cuncunada: #Luc. 13:14; 14:3. Juan 9:16.Maipalubos ti mangagas iti aldaw a panaginana? Tapno adda pangipulonganda kencuana.
11Ngem isu kinunana cadacuada. Asino ngata ti tao nga adda cadacayo, nga adda maysa a carnerona, ket no daytoy matnag coma iti maysa nga abut iti aldaw a panaginana, saanna aya nga iggaman ken aonen?
12Ket, Saan aya a napatpateg ti maysa a tao ngem iti maysa a carnero? Gapuna, maipalubos cadagiti aldaw a panaginana ti panagaramid ti naimbag.
13Idin kinunana idi tao: Unnatem ta iman. Ket isu inunnatna, ket nagbalin a nasalun-at a cas idi sabali nga imana.
14Ngem rimmuar dagiti Fariseo ket ninumoda ti maibusor kencuana, no casano coma ti pannacabalinda a pamucaw kencuana.
15Ngem idinto a nadlawan ni Jesus, #Mat. 10:23.immadayu sadiay; #Mat. 19:2.ket simmurotda kencuana dagiti adu a tattao, ket inagasanna ida amin.
16 #
Mar. 1:25; 3:12; 8:30. Ket imbilinna cadacuada nga isu dida coma ipadlaw,
17Tapno matungpal coma ti sinao ni mammadto nga Isaias, a cuncunana:
18Adtoy ti adipec #Isa. 42:1-3.isu a pinilic,
Ti dungdungngoec, a #Isa. 42:1-3.pacaayaywan unay toy cararuac,
Icabilconto kencuana ti Espirituc,
Ket cadagiti Gentil ipacaammonanto ti kinalinteg.
19Saanto a makisusec ket dinto met agickis,
Ket awanto met ti macangngeg ti timecna cadagiti plaza.
20Ti runo a naparpar dinanto tuccolen,
Ket ti micha nga umas-asuc dinanto iddepen.
Agingga ti mapagbal-ligina ti kinalinteg,
21Ket iti naganna panginanamaanto dagiti Gentil.
Ti tabbaaw dagiti Fariseo.
22Idin inyegda kencuana ti #Mat. 9:32-34.maysa a nagun-gan ti sairo a bulsec ken umel; ket isu pinaimbagna ket nagbanaganna a daydi umel nacapagsao ken nacakita.
23Ket isu-amin dagiti adu a tattao nagmalmalangada, ket kinunada: Mabalin ngata nga isu daytoy ti #Mat. 9:27.Anac ni David?
24Ngem dagiti Fariseo, idi mangngegda daytoy, kinunada: Daytoy #Mar. 3:22.saanna a paruaren dagiti sairo, no di gapu ken Beelzebub, a pangulo dagiti sairo.
25Ni Jesus idinto a #Mat. 9:4.naammoanna dagiti panunotda kinunana cadacuada: #Mar. 3:23-27. Luc. 11:17-22.Amin a pagarian a mabingaybingay a maibusor met la kencuana, marbec; ket isu-amin nga ili wenno balay a malasinlasin iti maibusor met la kencuana, dinto mataginayon.
26Ket no ni Satanas, paruarenna ni Satanas, malasinlasin iti maibusor met la kencuana: Casano ngarud, ti pannacataginayonto ti pagariana?
27Ket no siac gapu ken Beelzebub paruarec dagiti sairo, asino ti akinpannacabalin ti panamaruar dagiti annacyo cadagiti sairo? Isuda ngarud ti mangocom cadacayo.
28Ngem no gapu iti Espiritu ti Dios paruarec dagiti sairo, pudno a dimtengen cadacayo ti pagarian ti Dios.
29Wenno. Casano ti pannacabalin ti maysa a sumrec iti balay ti maingel, ken mangrabsut cadagiti gargaretna no dina umuna a reppeten ti maingel ket calpasanna #Isa. 53:12. Col. 2:15.ikisapnanto ti balayna?
30 #
Mar. 9:40. Luc. 9:50; 11:23. Ti saan a makicaddua caniac, isu ti bumusor caniac; ket ti saan a makipagornong caniac agiwara.
31Gapuna, cunac cadacayo: #Mar. 3:28-30. Luc. 12:10.Amin a kita ti basol ken tabbaaw, mapacawanto cadagiti tao; ngem ti tabbaaw a maibusor iti Espiritu, saanto a mapacawan.
32Ket uray siasino nga agsao iti #Mat. 11:19; 13:55-57.maibusor iti Anac ti tao, mapacawanto kencuana; ngem uray siasino nga agsaonto ti maibusor iti Espiritu Santo, saan a mapacawanto kencuana, uray itoy a biag, uray iti biag a mapasungad.
Caycayo ken bungbunga.
33 #
Mat. 7:16, 20. Uray aramidenyo ti cayo a nasayaat, ket ti bungana nasayaat; wenno aramidenyo iti cayo a dakes, ket ti bungana dakes; ta gapu iti bungana mailasin ti cayo.
34Dacayo #Mat. 3:7; 23:33.caputotan dagiti carasaen. Casano ti pannacabalinyo nga agsao cadagiti banag a naimbag, idinto a dakescayo? #Luc. 6:45.Ta ti naruay iti puso isu ti saoen ti ngiwat.
35Ti tao a naimbag, iti nasayaat a gupitna iruarna dagiti naimbag a banag; ket ti tao a dakes, iti dakes a gupitna iruarna dagiti dakes a banag.
36Ket cunac cadacayo, nga amin a sao nga awan capapaayanna a saoento dagiti tao, isu ti sungbatandanto iti aldaw ti pannacaocom.
37Ta #Sant. 3:2-12.gapu cadagiti saom maibilangcanto a nalinteg ket gapu cadagiti saom maibilangcanto a dakes.
Ti pagilasinan ni Jesus.
38Idin dadduma cadagiti escriba ken Fariseo, simmungbatda kencuana a cuncunada: #Mar. 8:11, 12. Luc. 11:16, 29. Juan 2:18; 6:30.Mannursuro, cayatmi a makita ti maysa a pagilasinan nga aggapu kenca.
39Ngem isu simmungbat, ket kinunana cadacuada: #Luc. 11:29-32.Ti maysa a caputotan a dakes ken mannakiabig dumawat ti maysa a pagilasinan; ngem awanto ti pagilasinan a maited kencuana, no di ti pagilasinan ni Jonas a mammadto.
40Ta no #Jon. 2:1.casano ti panaggian ni Jonas iti tian ti ballena iti tal-lo nga aldaw ken tal-lo a rabii, casta ti panaggianto ti Anac ti tao iti puso ti daga iti tal-lo nga aldaw ken tal-lo a rabii.
41Dagiti tattao sadi Ninive tumacderdanto iti panangocom a maigiddan iti daytoy a caputotan, ket isu pabasolendanto; ta #Jon. 3:5-9.isuda nagbabawida iti panangascasaba ni Jonas; ket adda ditoy ti maysa a nangnangrona ngem ni Jonas.
42 #
1 Ar. 10:1. Ti Reina iti Abagatan tumacderto iti panangocom itoy a caputotan, ket isu pabasolennanto; ta isu immay nanipud cadagiti ungto ti daga tapno agdengngeg iti kinasirib ni Salomon: ket adda ditoy ti maysa a nangnangrona ngem ni Salomon,
43Ngem ti espiritu a narugit no #Luc. 11:24-26.rimmuaren iti tao, magna cadagiti disso a namaga, nga agsapsapul ti inana, ket dina masaracan.
44Iti casta cunana: Agsubliacto iti balayco a rinuarac; ket intono umay, masaracanna nga awan naggian, nasagadan ken natarimaan.
45Iti casta mapan ket mangala ti icuyugna a sabali a pito nga espiritu a dacdakes ngem isu, ket sumbrecda ken agbalayda sadiay; ket #2 Ped. 2:20-22.rumsua a dacdakes ti camaudianan a casasaad daydiay a tao ngem iti immuna: casta met ti maaramidto itoy dakes a caputotan.
Dagiti cacabsat ken ina ni Jesus.
46Ket isu idi madama pay laeng nga agsasao cadagiti adu a tao, #Mar. 3:31-35. Luc. 3:19-21.adtoy, ni inana ken #Mat. 13:55. Mar. 6:3. Juan 2:12; 7:3, 5, 10. D. Ara. 1:14. 1 Cor. 9:5. Gal. 1:19.dagiti cacabsatna addada a sitatacder iti ruar, a tarigagayanda ti pannakisao kencuana.
47Ket ti maysa kinunana kencuana: Adtoy, na inam ken dagiti cacabsatmo addada idiay ruar, a tarigagayanda ti pannakisao kenca.
48Ngem isu simmungbat idi nagsao kencuana, ket kinunana: Asino ti inac ken siasinoda dagiti cacabsatco?
49Ket intudona dagiti adalanna, ket kinunana: Adtoy ni inac ken dagiti cacabsatco!
50Ta #Juan 15:14.siasinoman a mangaramidto iti pagayatan ni Amac, nga adda sadi langit, isu dayta ti cabsatco a lalaki ken babai, ken inac.
Currently Selected:
MATEO 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
