JOSUE 24
24
Ti pannacapabaro ti tulag idiay Sicham. Ti ipapatay ken pannacaitanem da Josue ken Eleazar. Ti pannacaitanem dagiti tultulang ni Jose.
1Ket ni Josue inummongna amin dagiti capcaputotan ti Israel idiay #bil. 25, 32. Jos. 17:7.Siquem ket #Jos. 23:2.inayabanna dagiti lallacay ti Israel, ken dagiti pangpangoloenda, ken dagiti oc-ocomda, ken dagiti #Jos. 1:10.agturturayda; ket #1 Sam. 10:19.nagparangda iti saclang ti Dios.
2Ket ni Josue kinunana iti amin nga ili, Castoy ti cuna ni Jehova, a Dios ti Israel, #bil. 14, 15. Gen. 11:26, 31.Dagidi ammayo nagnaedda idi ugma iti ballasiw ti Carayan, ni met laeng Tare nga ama ni Abraham, ken ama ni Nacor: ket nagservida idi cadagiti sabsabali a didios.
3Ket siac #Gen. 12:1, 6. D. Ara. 7:2, 3.innalac idi ni amayo nga Abraham nanipud iti ballasiw ti Carayan, ket isu inyegco idi iti amin a daga ti Canaan, ket pinaaduc idi dagiti putputotna, ket #Gen. 21:2, 3.intedco kencuana ni Isaac.
4Ket intedco ken Isaac da #Gen. 25:24, 26.Jacob, ken ni Esau: ket intedco ken #Gen. 36:8.Esau ti bantay Seir, tapno tagicuaenna; ket ni #Gen. 46:1, 6.Jacob ken dagiti annacna simmalogda idi sadi Egipto.
5Ket #Ex. 3:10; 4:14.imbaonco ni Moises, ken ni Aaron, ket #Ex. 7:12.dinidigrac idi ti Egipto, cas mayannurot iti daydi nga inaramidco iti tengngana: ket iti calpasanna inaoncayo.
6Ket #Ex. 12:37, 51.inaonco dagiti ammayo sadi Egipto: ket #Ex. 14:2.immaycayo iti baybay; ket dagiti taga Egipto #Ex. 14:9.kinamatda dagiti ammayo agingga iti Baybay a Nalabaga agraman luglugan ken nagsasacay cadagiti cabcabayo.
7Ket idi nga immasugda ken Jehova, isu #Ex. 14:20.incabilna ti maysa a sipnget iti nagbaetan dacayo ken cadagiti taga Egipto, ket #Ex. 14:27, 28.inyegna iti rabawda ti baybay isu a nanglapunos cadacuada; ket dagiti #Deut. 4:34; 29:2.matayo nakitada daydi nga inaramidco sadi Egipto: ket nagyancayo idi iti adu nga al-aldaw idiay let-ang.
8Ket inserreccayo iti daga dagiti Amorreos, a nagnaed ballasiw ti Jordan: ket isuda #Num. 21:21-35. Deut. 2:32; 3:1.nakibacalda cadacayo; ket inyawatco ida iti imayo; ket tinagicuayo ti dagada; ket dinadaelco ida manipud iti sangoananyo.
9 #
Oc. 11:25. Idin ni Balac nga anac a lalaki ni Sefor, nga ari dagiti Moabitas timmacder ket nakibacal idi iti Israel: ket #Num. 22:5. Deut. 23:4.nagbaon ket inayabanna ni Balaam nga anac a lalaki ni Beor, tapno ilunodnacayo coma idi;
10Ngem siac diac kinayat a dinengngeg ni Balaam; ngarud #Num. 23:11, 20; 24:10.binendicionannacayo pay ketdi: iti casta inispalcayo iti imana.
11 #
Jos. 3:14, 17; 4:10. Ket dacayo bimmallasiwcayo iti Jordan, ket immaycayo iti Jerico: ket dagiti #Jos. 6:1; 10:1, 3; 11:1-3.tattao a taga Jerico nakibacalda idi cadacayo, dagiti Amorreos, ken dagiti Perezeos, ken Cananeos, ken Heteos, ken Gergeseos, dagiti Heveos, ken Jebuseos; ket siac inyawatco ida ita imayo.
12Ket #Ex. 23:28. Deut. 7:20.imbaonco idi dagiti alimboboyog iti sangoananyo, a nangpatalao cadacuada manipud iti sangoananyo, cadagiti met laeng dua nga ar-ari dagiti Amorreos; #Sal. 44:3, 6.saan nga iti campilanmo, saan a iti ba-im.
13Ket intedco cadacayo ti daga isu a dica nagbanbannogan, ken dagiti #Deut. 6:10, 11. Jos. 11:13.il-ili, a dicayo binangon, ket agnaedcayo kencuana; ken dagiti cauv-uvasan ken caol-olivaan a dicayo minulaan, isuda a pagcaananyo.
14Ita ngarud agbutengcayo ken Jehova, ket agservicayo kencuana iti kinadalus ken kinapudno; ket #bil. 2, 32. Lev. 17:7. Eze. 20:18.iccatenyo dagiti didios isuda a dagidi ammayo nagservianda iti ballasiw ti Carayan, ken sadi #Eze. 20:7, 8; 23:3.Egipto; ket agservicayo ken Jehova.
15Ket no dakes ti panangipagarupyo iti panagservi ken Jehova, #Rut. 1:15. 1 Ar. 18:21.agpilicayo ita nga aldaw no siasino ti pagservianyonto: no ketdi dagiti didios a nagservian idi dagiti ammayo idi addada dita ballasiw ti Carayan, wenno cadagiti #Ex. 23:24, 32, 33; 34:15. Deut. 6:14; 13:7. Oc. 6:10.didios dagiti Amorreos, a ti dagada pagtaenganyo: #Gen. 18:19.ngem siac ken ti balayco agservicamto ken Jehova.
16Ket ti ili simmungbat, ket kinunana, Adayu cadacami nga idianmi coma ni Jehova, tapno agservicami cadagiti sabsabali a didios;
17Ta ni Jehova a Diostayo, isu ti nangaon cadatayo ken cadagiti ammatayo nanipud daga ti Egipto, nanipud iti balay ti pannacaadipen, isu nga iti imatangmi nangaramid cadagiti dadackel a pagilasinan, ken nangsalacnib cadacami iti amin a dalan isu a nagnaanmi; ken cadagiti il-ili isuda a linasatmi;
18Ket ni Jehova pinagtalaona idi iti sangoananmi dagiti isu-amin nga il-ili, iti met laeng Amorreo nga agnaed idi iti daga: gapuna a dacami met agservicamto ken Jehova: ta isu ti Diostayo.
19Ket ni Josue kinunana iti ili, #Mat. 6:24.Dicayo mabalin ti agservi ken Jehova: ta isu ti #Lev. 19:2. 1 Sam. 6:20. Sal. 99:5, 9. Isa. 5:16.Dios a nasantoan, isu ti #Ex. 20:5.Dios a naimun; dinanto pacawanen dagiti panaglabsingyo uray dagiti basbasolyo.
20No idianyo ni Jehova, ket agservicayonto cadagiti sabsabali a didios, isu ti panagbaw-ingnanton ket agaramidto cadacayo iti dakes, ket runawennacayto iti calpasan daydi panagaramidna iti imbag cadacayo.
21Ket ti ili kinunana ken Josue, Saan; no di ket agservicaminto ken Jehova.
22Ket ni Josue kinunana iti ili, Dacayo dagiti macasacsi a maibusor cadacayo met laeng a dacayo #Sal. 119:173.piniliyo cadacayo ni Jehova, nga isu ti pagservianyo. Ket isuda kinunada, Dacami dagiti macasacsi.
23 #
Gen. 35:2. Oc. 10:16. 1 Sam. 7:3. Iccatenyo ngarud ita, isu kinunana, dagiti sabsabali a didios nga addada iti tengngayo ket irucnoyyo ta pusoyo ken Jehova a Dios ti Israel.
24Ket ti ili kinunana ken Josue, Agservicaminto ken Jehova a Diosmi; ken ipangagminto ti timecna.
25Iti casta ni #Ex. 15:25. 2 Ar. 11:17.Josue nagaramid ti tulag iti ili iti daydi nga aldaw, ket nangicabil cadacuada cadagiti al-alagaden ken linlinteg idiay Siquem.
26Ket ni Josue #Deut. 31:24.insuratna dagitoy a sasao iti libro ti linteg ti Dios: ket nangala iti maysa a dackel a bato ket isu #Gen. 28:18. Jos. 4:3.impatacderna iti #Gen. 35:4.siroc ti maysa a cayo a lugo nga adda idi iti denna ti santuario ni Jehova.
27Ket ni Josue kinunana iti amin nga ili, Adtoy, #Gen. 31:48, 52. Jos. 22:27, 28, 34.daytoy a bato isunto macasacsi a maibusor cadatayo; ta nangngegna amin dagiti sasao ni Jehova nga insaona idi cadatayo: gapuna a isunto ti macasacsi a maibusor cadacayo, di la ket ta ilibacyo ti Diosyo.
28Iti casta ni Josue #Oc. 2:6, 9.imbaonna ti umili, tunggal maysa a tao iti tawidna.
29Ket naaramid iti calpasan dagitoy a banag, a ni Josue nga anac ni Nun nga adipen ni Jehova, natay, idinto nga agtawen iti sangagasut ket sangapulo a tawen.
30Ket isu imponponda idiay sacup ti cucuana idiay #Jos. 19:50.Timnat-sera, nga adda idiay caturodan ti Efraim iti amianan ti bantay Gaas.
31Ket ti Israel nagservi idi ken Jehova iti #Oc. 2:7.isu-amin nga al-aldaw ni Josue, ken amin nga al-aldaw dagiti lallacay a nagbiag idi calpasan ni Josue, ken #Deut. 11:2.nacaammo cadagiti isu-amin nga aramid ni Jehova, nga inaramidna idi nga agpaay iti Israel.
32Ket dagiti tultulang ni Jose, isuda a dagiti annac ti Israel innalada a ingapu sadi Egipto, #Gen. 50:25. Ex. 13:19.imponponda idiay Siquem idiay paset ti daga a ni Jacob #Gen. 33:19. D. Ara. 7:16.ginatangna idi cadagiti annac ni Hemor nga ama ni Siquem iti sangagasut a capisi a pirac: ket isuda nagbalinda a tawid cadagiti annac ni Jose.
33Ket ni Eleazar nga anac ni Aaron natay; ket isu imponponda idiay turod ni #Jos. 22:13.Finees nga anacna, isu a naited idi kencuana idiay #Jos. 17:15. Oc. 2:9.caturodan ti Efraim.
Currently Selected:
JOSUE 24: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
