JOSUE 22
22
Ti panagawid dagiti capcaputotan nga agyan iti baliw ti Jordan. Ti panangbangonda iti maysa nga altar a macapaunget. Ipalawagda ti pamuidan. Maisubli ti naimbag a nakem.
1Idin ni Josue inayabanna dagiti Rubenitas, ken dagiti Gaditas, ken iti caguddua ti caputotan ni Manases,
2Ket kinunana cadacuada, Dacayo #Num. 32:20, 22. Deut. 3:18-20. Jos. 1:12-17.inaywananyo amin daydiay a ni Moises nga adipen ni Jehova imbilinna idi cadacayo, ket nagtungpalcayo iti timecco iti isu-amin nga imbilinco cadacayo:
3Saanyo idi a binaybay-an dagiti cacabsatyo cadagitoy adu nga al-aldaw agingga ita nga aldaw, no di ket inaywananyo idi ti incumit ti bilin ni Jehova a Diosyo.
4Ket ita yantangay ni #Jos. 21:44; 23:1.Jehova a Diosyo intedna ti inana cadagiti cacabsatyo, a cas insaona idi cadacuada: gapuna nga ita agsublicayo, ket incayon cadagiti toltoldayo, iti daga a pagtagicuaanyo, isu a ni #Jos. 13:8.Moises nga adipen ni Jehova intedna idi cadacayo iti ballasiw ti Jordan.
5 #
Deut. 6:6, 17; 11:22. Isuna laeng nga iti kinaregta salimetmetanyo coma nga tungpalen ti bilin ken linteg a ni Moises nga adipen ni Jehova imbilinna idi cadacayo nga #Deut. 6:5; 10:12.ayatenyo coma ni Jehova a Diosyo, ket magnacayo coma cadagiti isu-amin a daldalanna, ken aywananyo coma dagiti bilbilinna, ken cumpetcayo coma kencuana, ken isu ti pagservianyo coma iti amin a pusoyo ken iti amin a cararuayo.
6Iti casta ni Josue #bil. 7. Ex. 39:43. Jos. 14:13.binendicionanna ida ket pinalubosanna ida; ket napanda cadagiti toltoldada.
7Iti caguddua ti caputotan ni Manases ni Moises intedna a tawid ti Basan; ngem iti sabali a #Jos. 17:5.caguddua ni Josue intedna iti nagtengngaan dagiti cacabsatda iti ballasiw ti Jordan nga agpalaud. Casta met nga idi a ni Josue imbaonna ida cadagiti toltoldada, binendicionanna ida,
8Ket nagsao idi cadacuada, a cunana, Agsublicayon cadagiti toltoldayo agraman nawadwad a sanicua, ken agraman dackel nga arban ti an-animal, agraman pirac, ken agraman balitoc, ken agraman suer, ken agraman landoc, ken agraman adu a cawcawes: bingayenyo cadagiti cacabsatyo ti nasamsam cadagiti cabcabusoryo.
9Ket dagiti annac ni Ruben ken dagiti annac ni Gad ken ti caguddua ti caputotan ni Manases nagsublida idi, ket pimmanawda cadagiti annac ti Israel idiay #Jos. 18:1.Silo, nga adda idiay daga ti Canaan, tapno #Num. 32:1, 26, 29.mapanda iti daga ti Galaad, iti daga a cucuada, isu nga tinagicuada idi, a mayannurot iti bilin ni Jehova a naaramat ni Moises.
10Ket idi a nacagtengda iti arubayan ti Jordan, nga adda idiay daga ti Canaan, dagiti annac ni Ruben dagiti annac ni Gad ken ti caguddua ti caputotan ni Manases nangbangonda idiay ti maysa nga altar iti denna ti Jordan, maysa nga altar a dackel ti buyana.
11Ket dagiti #Deut. 13:12. Oc. 20:12.annac ti Israel nangngegda idi a naisao, Adtoy, a dagiti annac ni Ruben ken dagiti annac ni Gad ken ti caguddua ti caputotan ni Manases nangbangonda iti maysa nga altar iti sango ti daga ti Canaan, idiay arubayan ti Jordan, iti abay a cucua dagiti annac ti Israel.
12Ket idi a dagiti annac ti Israel nangngegda, #Oc. 20:1.amin a gimong dagiti annac ti Israel naguornongda idiay Silo, tapno sumang-atda a makigubat a maibusor cadacuada.
13Ket dagiti annac ti Israel imbaonda cadagiti annac ni Ruben, ken cadagiti annac ni Gad, ken iti caguddua ti caputotan ni Manases, idiay daga ti Galaad, ni #Num. 25:7.Fenees nga anac a lalaki ni Eleazar a padi,
14Ken sangapulo a pangpangoloen kencuana, maysa a pangoloen iti tunggal balay ti ama ti isu-amin a caputotan ti Israel; #Num. 1:4.tunggal maysa cadagidiay isu idi ti pangolo ti balay dagiti ammada iti tengnga ti rinibribu ti Israel.
15Ket immayda cadagiti annac ni Ruben, ken cadagiti annac ni Gad, ken iti caguddua ti caputotan ni Manases, iti daga ti Galaad, ket nakisaoda idi cadacuada, a kinunada,
16Castoy ti cuna ti isu-amin a gimong ni Jehova, Ania a panaglabsing daytoy a panangbusoryo iti Dios ti Israel, nga suminacayo ita nga aldaw manipud iti isusurotyo ken Jehova, iti daydiay panangbangonyo iti maysa nga altar, tapno ita nga aldaw #bil. 19. Num. 14:9. Lev. 17:8, 9. Deut. 12:13, 14.sumungitcayo a maibusor ken Jehova?
17Bassit aya unay cadatayo daydi kinadakes ni #Num. 23:28.Peor, isu nga ditayo pay laeng nagugoran agingga ita nga aldaw, nupay immay ti didigra iti gimong ni Jehova,
18Ta dacayo suminacayo ita nga aldaw manipud iti isusurotyo ken Jehova? ket isunto, nga idinto a makita a dacayo sumungitcayo ita nga aldaw a maibusor ken Jehova, nga intono bigat #bil. 20. Num. 16:22.agpungtotto cadagiti isu-amin a gimong ti Israel.
19Ngem no ti daga tagicuaenyo isu ti narugit, umallatiwcayo ngarud iti daga a pagtagicuaan ni Jehova, isu a #Jos. 18:1.pagtaengan ti tabernaculo ni Jehova, ket mangalacayo iti cucua iti tengngami: ngem dicayo sumungit coma a maibusor ken Jehova, dicayo met sumungit a bumosor cadacami, iti panangbangonyo iti maysa nga altar iti lacsid ti altar ni Jehova a Diostayo.
20 #
Jos. 7:1, 5. Saan aya a nacaaramid ni Achan nga anac a lalaki ni Zera iti panaglabsing iti naipaay a banag, ket immay ti pungtot iti isu-amin a gimong ti Israel? ket daydi a lalaki saan a napucaw a maymaysa idi kinadakesna.
21Idin dagiti annac ni Ruben ken dagiti annac ni Gad ken ti caguddua ti caputotan ni Manases simmungbatda, ket nagsaoda cadagiti pangpangoloen ti rinibribu ti Israel,
22Ti Maymaysa a Maingel, ti #Deut. 10:17.Dios, a ni Jehova, ti Maymaysa a Maingel, ti Dios, a ni Jehova, isu ammona; ket ti Israel ammoenna coma; no isu isusungit, wenno isu panaglabsing a maicaniwas ken Jehova (#Job 10:7; 23:10. Sal. 44:20, 21. Jer. 12:3. 2 Cor. 11:11, 31.sica dinacami coma ispalen ita nga aldaw),
23Nga nangbangoncami cadacami iti maysa nga altar tapno suminacami manipud iti isusurot ken Jehova; wenno no agidatoncami kencuana ti daton a mapuuran wenno daton a macan wenno no agidatoncami iti rabawna cadagiti datdaton ti cappia, ni met laeng Jehova #Deut. 18:19. 1 Sam. 20:16.sapulenna coma cadacami:
24Ket dicami inaramid daytoy no di ket gapu iti kinaaluad, ken iti panggep, a kinunami, Iti tiempo nga umay dagiti annacyo saoendanto ngata cadagiti annacmi, a cunada, Ania ti bibiangyo ken Jehova a Dios ti Israel?
25Ta ni Jehova inaramidna ti Jordan a maysa a pagbeddengan iti nagbaetantayo, dacayo annac ni Ruben, ken annac ni Gad; dacayo awan ti biangyo ken Jehova: iti casta dagiti annacyo aramidendanto dagiti annacmi a sumardengda iti panagbutengda ken Jehova.
26Gapu itoy kinunami, Agsaganatayo coma ita a mangbangon cadatayo iti maysa nga altar, saan nga agpaay ti daton a mapuuran, saan met nga agpaay iti sacrificio:
27No di ket isu coma ti maysa a #bil. 28, 34. Jos. 24:27.pamanecnec cadacami ken cadacayo, ken cadagiti putottayo iti calpasantayo, tapno #Deut. 12:5, 6, 11, 12, 17, 18, 26, 27.aramidentayo coma ti panagservi ken Jehova iti saclangna cadagiti datdatontayo a mapuuran, ken cadagiti sacrificiotayo, ken datdatontayo ti cappia; tapno dagiti annacyo didanto coma cunaen iti tiempo a mapasungad cadagiti annacmi, Dacayo awan ti biangyo ken Jehova.
28Dacami ngarud kinunami, Isunto, nga intono cunaenda coma cadacami wenno cadagiti putputotmi iti mapasungad a tiempo, a datayo cunaentayto. Adtoy ti ladawan ti altar ni Jehova, isu nga inaramid idi dagidi ammami, saan nga agpaay iti daton a mapuuran, wenno iti sacrificio; no di ket isu ti pamanecnec cadacami ken cadacayo.
29Mayadayu coma cadacami a sumungitcami a bumosor ken Jehova, ken suminacami itoy nga aldaw manipud iti isusurot ken Jehova, iti panangbangon ti altar nga agpaay iti daton a mapuuran, agpaay iti daton a macan, wenno agpaay iti sacrificio, iti lacsid ti altar ni Jehova a Diostayo nga adda iti sango ti tabernaculona.
30Ket idi a ni #bil. 13, 14.Finees a padi, ken dagiti pangoloen ti gimong, a dagiti met laeng pangpangolo ti rinibribu ti Israel a maicuyog kencuana, mangegda dagiti sasao a dagiti annac ni Ruben, ken dagiti annac ni Gad, ken dagiti annac ni Manases insaoda, naparagsacanda a naimbag.
31Ket ni Finees nga anac ni Eleazar a padi kinunana cadagiti annac ni Ruben, cadagiti annac ni Gad, ken cadagiti annac ni Manases, Ita nga aldaw maammoanmi ni Jehova adda iti #Lev. 26:11, 12.nagtengngaantayo, agsipud ta dicayo inaramid daytoy a panglabsing a maicaniwas ken Jehova: itatta inyanawayo dagiti annac ti Israel iti ima ni Jehova.
32Ket da Finees nga anac ni Eleazar a padi, ken dagiti pangpangoloen nagawidda manipud cadagiti annac ni Ruben, ken cadagiti annac ni Gad, a naggapuda iti #bil. 10, 11, 15.daga ti Galaad, agtungpal iti daga ti Canaan, cadagiti annac ti Israel, ket inyegda manen ti sao.
33Ket ti panggep pinaragsacna dagiti annac ti Israel; ket dagiti annac ti Israel #1 Cron. 29:20. Neh. 8:6. Dan. 2:19. Luc. 2:28.binenditoda ti Dios, ket uray caano dida nagsaon iti isasang-atda a maibusor cadacuada iti pananggubat, a mangduprac iti daga a pagyanan idi dagiti annac ni Ruben, ken dagiti annac ni Gad.
34Ket dagiti annac ni Ruben ken dagiti annac ni Gad ninaganda daydi altar iti #Ed: cayatna a saoen, Pamanecnec. Ed: Ta, isuda kinunada, isu ti pamanecnec cadatayo a ni Jehova isu ti Dios.
Currently Selected:
JOSUE 22: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
