JOSUE 13
13
Ti daga a di pay naparmec ken nabingay cadagiti capcaputotan. Ti pannacabingay ti Canaan cadagiti capcaputotan. Dagiti tawtawidda.
1Ita ni Josue #Jos. 14:10; 23:1.lacayen, ket nacapuyen cadagiti adu a tawtawenna; ket ni Jehova kinunana kencuana, Sica lacaycan ket nacapuyca cadagiti adu a tawtawenmo, ket adu pay laeng ti nabati a daga a matagicua.
2 #
Num. 21:24, 25. Daytoy ti daga a matda pay: isu-amin a sacup dagiti Filisteos, ken isu-amin a sacup ti Geseos;
3 #
1 Cron. 13:5. Jer. 2:18. Manipud iti Sihor, nga adda iti sango ti Egipto, nga agpaamianan met laeng agingga iti beddeng ti Accaron, isu a maibilang cadagiti Cananeos; dagiti #Oc. 3:3. 1 Sam. 5:8, 11; 6:4, 16.lima nga ap-appo dagiti Filisteos; dagiti Gazeos, ken dagiti Asdodios, dagiti Ascalonitas, dagiti Geteos, ken dagiti Accaronitas, casta met dagiti Heveos,
4Iti abagatan; isu-amin a daga dagiti Cananeos, ken Mehara a cucua dagiti Sidonios, inggana iti Afec, agtungpal iti beddeng dagiti Amorreos;
5Ket iti daga dagiti Gibleos, ken isu-amin a Libano, nga agturong iti leleggacan ti init, #Jos. 11:17; 12:7.manipud iti Baalgad nga adda iti arisadsad ti bantay Hermon inggana iti #Num. 34:8.sercan ti Hamat;
6Isu-amin dagiti agnaed iti caturodan manipud Libano inggana iti Misrefot-mayim, amin met laeng dagiti Sidonios; pasiaecto ida manipud iti saclang dagiti annac ti Israel: #Num. 34:2. Jos. 23:4. Oc. 18:1.ipabagim laeng iti Israel a ipatawid, a cas imbilinco kenca.
7Gapuna itatta bingayem daytoy a daga a maipaay a tawid cadagi siam a caputotan ken iti caguddua ti caputotan ni Manases.
8Daydiay nairaman cadagiti Rubenitas ken dagiti Gaditas inawatdan ti tawidda, nga inted ni #Num. 32:33. Deut. 3:12, 13.Moises cadacuada, idiay ballasiw ti Jordan nga agpadaya, cas pannangted cadacuada ni Moises nga adipen ni Jehova:
9 #
Deut. 2:36. Manipud Aroer, nga adda iti igid ti lobong ti Arnon, ken iti ili nga adda iti tengnga ti lobong, ken isu-amin a #Deut. 3:10.tanap ti medeba agingga iti Dibon;
10Ken isu-amin dagiti #Num. 21:24, 25.il-ili ni Sehon nga ari dagiti Amorreos, a nagari idiay Hesbon, inggana iti beddeng dagiti annac ni Ammon;
11Ken ti #Jos. 12:5.Galaad, ken iti nagpatinggaan dagiti Gesureos ken Maacateos, ken isu-amin a #Deut. 3:9.bantay Hermon, ken isu-amin a Basan inggana iti Salca;
12Isu-amin a pagarian ni Og idiay Basan a nagari idiay #Jos. 12:4.Astarot ken Edrei (daydi met laeng nabati cadagiti Rafeos); ta dagitoy kinabil ni Moises ket pinagtalaona ida.
13Nupay casta dagiti annac ti Israel saanda a pinagtalao dagiti Gesureos ken Maacateos; no di ket ti Gesureos ken Maaoat agnaedda iti tengnga ti Israel inggana ita nga aldaw.
14 #
Num. 18:20. Iti laeng caputotan ni Levi ti saanna nga iniccan ti tawidna; dagiti datdaton a mapuuran iti apuy ken Jehova, a Dios ti Israel, isu ti tawidda, a #bil. 33.cas kinunana kencuana.
15Ket ni Moises iniccanna ti caputotan dagiti annac ni Ruben iti cas mayannurot cadagiti famfamiliada.
16Ket ti beddengda isu idi #bil. 9.manipud Aroer, nga adda iti igid ti lobong ti Arnon, ken iti ili nga adda iti tengnga ti lobong, ken isu-amin a tanap ti Medeba;
17Ti Hesbon, ken isu-amin dagiti il-ili nga addada iti tanap; ti Dibon, ken ti Bamot-baal, ken ti Bet-baalmeon,
18Ken ti Jaas, ken ti Keddemot, ken ti Mefaat,
19Ken ti Kiryataim, ken ti Sibma, ken ti Saratasar idiay bantay ti lobong,
20Ken ti #Num. 23:28. Deut. 4:46.Bet-peor, ken dagiti bacbacras ti Pisga, ken ti Bet-jesimot,
21 #
Deut. 3:10. Ken isu-amin dagiti il-ili ti tanap, ken amin a pagarian ni Sehon nga ari dagiti Amorrheos, a nagari idiay Hesbon isu a #Num. 21:24.kinabil ni Moises agraman cadagiti #Num. 31:8.panguloen ti Madian, Hevi, ken Recem, ken Sur, ken Hur, ken Reba, a pangpangolo ni Sehon, a nagtaeng idiay a daga.
22Casta met ni #Deut. 18:10.Balaam, a mammadles, ti anac a lalaki ni Beor, pinatay dagiti annac ti Israel iti campilan iti tengnga dagiti dadduma a pinatayda.
23Ket ti beddeng dagiti annac ni Ruben isu idi ti Jordan, ken ti beddengna. Daytoy isu idi ti tawid dagiti annac ni Ruben a cas mayalubog cadagiti famfamiliada, dagiti il-ili ken dagiti purpurocda.
24Ket ni Moises iniccanna ti caputotan ni Gad, dagiti annac ni Gad, a cas mayalubog cadagiti famfamiliada.
25Ket ti #Num. 21:32; 32:35.beddengda isu idi ti Jazer, ken isu-amin dagiti il-ili ti Galaad, ken #Num. 25:26, 28, 29. Deut. 2:19. Oc. 11:13-37.caguddua ti daga dagiti annac ni Ammon, inggana iti Aroer nga adda iti sango ti Rabba;
26Ket manipud iti Hesbon inggana iti Ramotmizpa, ken Betonim; ken manipud #2 Sam. 17:24.Mahanaim inggana iti beddeng ti Debir.
27Ken idiay lobong ti Bet-aram, ken ti Beth-nimra, ken ti Socot, ken ti Safon, a natda iti pagarian ni Sehon nga ari ti Hesbon, ti Jordan ken iti beddengna, inggana iti caadayuan a paset ti #Num. 34:11.baybay a Cineret iti ballasiw a daya ti Jordan.
28Daytoy isu ti tawid dagiti annac ni Gad cas mayalubog cadagiti famfamiliada, dagiti il-ili ken purpurocna.
29Ket ni Moises inyawatna ti tawid iti caguddua ti caputotan ni Manases: ket isu daydi ti maipaay iti caguddua ti caputotan dagiti annac ni Manases a cas mayalubog cadagiti famfamiliada.
30Ket ti beddengda isu idi manipud iti Mahanaim, isu-amin a Basan, isu-amin a pagarian ni Og nga ari ti Basan, ken #Deut. 3:14.isu-amin dagiti il-ili ti Jair, nga addada idiay Basan innem a pulo nga il-ili:
31Ken ti caguddua ti Galaad, ken Astarot, ken Adrei, dagiti il-ili ti pagarian ni Og idiay Basan, agpaayda cadagiti annac ni Maquir nga anac a lalaki ni Manases, agpaay met laeng iti caguddua dagiti #Jos. 17:1.annac ni Maquir a cas mayalubog cadagiti famfamiliada.
32Dagitoy isuda dagiti tawtawid cadagidiay #Num. 22:1.tantanap ti Moab, nga imbunong ni Moises, iti ballasiw ti Jordan idiay dayaen ti Jerico.
33 # bil. 14. Jos. 18:7. Ngem ni Moises awan ti intedna a tawid iti caputotan ni Levi: ni Jehova, a Dios ti Israel, isu ti tawidda, a #Num. 18:20.cas sinaona cadacuada.
Currently Selected:
JOSUE 13: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
