JONAS 3
3
Isu mangascasaba cadagiti taga Ninive, ket agbabawida.
1Ket ti sao ni Jehova immay ken ni Jonas iti capamindua, a cunana,
2Tumacderca, inca idiay #Jon. 1:2.Ninive, daydiay dackel nga ili, ket icascasabamto kencuana ti paibaga nga ibilinco kenca.
3Iti casta timmacder ni Jonas, ket napan idiay Ninive a cas iti sao ni Jehova. Ket ti Ninive isu idi ti dackel unay nga ili, a tallo nga aldaw a pagnaen.
4Ket nangrugi ni Jonas a simrec iti ili a nagmalem a nagna, ket impuccawna, a kinunana, uppat a pulo nga aldaw manipud ita, ket ti Ninive maracracto.
5Ket dagiti tattao a taga Ninive #Mat. 12:41. Luc. 11:32.pinatida ti Dios; ket inwarragawagda ti panagayunar, ket nagcawesda iti nakersang a lupot manipud cangatoan inggana iti cababaan.
6Ket dimteng daytoy a damag iti ari ti Ninive, ket isu timmacder iti tronona, ket #Isa. 58:5. Luc. 10:13.iniccatna ti lambon, ket nagcagay iti lupot a nakersang, ket nagtugaw iti dapu.
7Ket nangaramid iti pacdaar ken inwarragawagna idiay Ninive babaen ti bilin ti ari ken dagiti natan-oc a tattaona, a kinunana, Tattao ken #Sal. 36:6. Jon. 4:11.an-animal, arban ken pangen, dida coma mangan iti aniaman; saanda coma a pagaraben ida wenno painumen iti danum;
8Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.
9 #
2 Sam. 12:22. Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?
10Ket ti Dios nakitana dagiti aramidda, a #Jer. 18:8.nagtuckiadda iti dakes a dalanda; ket ti Dios imbabawina ti dakes nga imbagana idi nga aramidenna coma cadacuada; ket saanna nga inaramid.
Currently Selected:
JONAS 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
