JUAN 20

Ti panagungarna.

1Ket #Mat. 28:1-8. Mar. 16:1-8. Luc. 24:1-9.iti umuna nga aldaw ti lawas ni Maria Magdalena napan a nasapa iti tanem idi nasipnget pay laeng; ket makitana #Mat. 27:66. Juan 11:38, 39, 41.ti bato a naligsayen idi tanem.

2Ngarud nagtartaray a napan ken Simon Pedro, ken iti daydi sabali nga #Juan 13:23.adalan, a dinungdungngo idi ni Jesus, ket kinunana cadacuada: Iniccatda ti Apo idiay tanem, ket dicam ammo no adino ti nangicabilanda kencuana.

3Rimmuar ngarud ni Pedro, #Luc. 24:12, 24.ken ti sabali nga adalan, ket napanda idi tanem.

4Ket tumartarayda idi a dua a nagcuyog; ngem ti sabali nga adalan inunaanna ni Pedro iti pinagtaray, ket dimteng nga immuna iti tanem:

5Ket idi a nagrucob, #Juan 19:40.nakitana dagidi lupot a naicabil; ngem saan a simrec iti uneg.

6Dimteng met ngarud ni Simon Pedro a simmaruno kencuana ket simrec idi tanem, ket mamatmatanna dagiti lupot a naicabil.

7Ket daydi lupot a naiparabaw iti rupana, saan a naitipon cadagiti sabali a lupot, no di ket nalucot a nailasin iti maysa a disso.

8Idin simrec met ti sabali nga adalan daydi simmangpet nga immununa idi tanem; ket nakitana ket namati.

9Agsipud ta dida pay naawatan idi #Sal. 16:10. D. Ara. 2:25-31.ti Surat, a masapul nga isu agungarto cadagiti natay.

10Gapuna a dagiti adalan nagsublida manen cadagiti balbalayda.

Ni Jesus agparang ken Maria Magdalena.

11Ngem ni Maria agtatacder nga agsangsangit idi #bil. 1, 2.iti ruar iti asideg ti tanem: ket idi adda nga agsangsangit, nagrucob a kimmita iti tanem;

12Ket mamatmatanna ti dua nga angel a nagtagipuraw nga agtutugaw, ti maysa iti oloan, ket ti sabali iti sacaanan, iti nacaicabilan di bagi ni Jesus.

13Ket cunada kencuana: Babai, apayapay agsangitca? Cunana cadacuada: Agsipud ta iniccatda ditoy ti Apoc, ket diac ammo no adino ti nangicabilanda kencuana.

14Idi naisaona dagitoy, timmaliaw iti licudan, ket mamatmatanna ni Jesus nga agtatacder idi, #Luc. 24:10. Juan 21:4.ngem dina impagarup nga ni Jesus.

15Cuna kencuana ni Jesus: Babai, apayapay agsangitca? asino ti sapulem? Isu, idi ipappapanna nga isu ti managaywan iti minuyungan, cunana kencuana: Apo, no sica ti nangiccat ditoy ibagam caniac no adino ti nangicabilam kencuana, ket ipanawconto ditoy.

16Cuna kencuana ni Jesus: Maria! Di babai simmango, ket cunana kencuana iti Hebreo: Rabboni! a cayatna a saoen, Mannursuro.

17Cuna kencuana ni Jesus: Dinac sagiden, ta saanac pay nga immuli ken Amac: ngem inca #Mat. 28:10.cadagiti cacabsatco, ket cunam cadacuada: Umuliac #Juan 14:12.ken Amac, ken Amayo, ken #Efe. 1:17.iti Diosco ken Diosyo.

18Napan ni Maria Magdalena #Mat. 28:10. Luc. 24:10, 22, 28.nga ipacaammona cadagiti adalan: Nakitac ti Apo; ket dagitoy ti imbagana caniac.

Ni Jesus agparang cadagiti sangapulo ket maysa. Saan a panamati ni Tomas.

19Ket idi malemen iti daydi nga aldaw, #Luc. 24:36.ti umuna nga aldaw ti lawas, ken idi adda a sipupunit dagiti ruangan, iti daydi nacatiptiponan dagiti adalan gapu iti butengda cadagiti Judio, immay ni Jesus ket nagtacder iti tengnga ket cunana cadacuada: #Juan 11:27.Talna coma cadacayo.

20Ket idi nasaona daytoy, impakitana cadacuada dagiti imimana ken ti bacrangna. Ket #Juan 16:22.dagiti adalan nagrag-oda idi makitada ti Apo.

21Ni Jesus ngarud kinunana manen cadacuada: Talna coma cadacayo: #Mat. 28:18-20. Juan 17:18. 2 Tim. 2:2. Heb. 3:1.cas iti pinangibaon caniac ni Ama, casta met ti panangibaonco cadacayo.

22Ket idi nasaona daytoy, #Gen. 2:7.sinang-awanna ida ket cunana cadacuada: Awatenyo ti Espiritu Santo;

23Cadagiti pamacawananyo cadagiti #Mat. 16:19.basbasol, mapacawan cadacuada; cadagiti pangigawidanyo, maigawidda.

24Ngem ni Tomas #Juan 11:16.a managan #Didimo singin.Didimo, maysa cadagiti sangapulo ket dua, awan cadacuada idi immay ni Jesus.

25Kinunada kencuana ngarud dagiti sabsabali nga adalan: Nakitami ti Apo: Ngem isu kinunana cadacuada: #Sal. 22:16.No diac makita cadagiti imimana ti gapuanan dagiti lansa, ken iserrecco toy ramayco iti naggapuan dagiti lansa, ken iserreconto ti imac iti bacrangna, diacto mamati.

26Ket idi nalabes ti walo nga aldaw, addada manen dagiti adalanna iti uneg ket adda met cadacuada ni Tomas: Immay ni Jesus; idi a sipupunit #bil. 19.dagiti ruangan, ket nagtacder iti tengnga, ket kinunana: Talna coma cadacayo.

27Sana cuna ken Tomas: Igawatmo ta ramaymo ditoy, ket kitaem dagiti imimac; ket iyegmo ditoy ta imam, ket iserrecmo iti bacrangco: ket saanca a di mammati, no di ket mammatica.

28Simmungbat ni Tomas, ket kinunana kencuana: Apoc ken Diosco.

29Cuna kencuana ni Jesus: Gapu ta nakitanac, Tomas, namatica: #2 Cor. 5:7. 1 Ped. 1:8.nagasat dagiti saan a nacakita ket namatida.

30Ket adu #Juan 21:25.dagiti sabsabali a pagilasinan nga inaramid ni Jesus iti sangoanan dagiti adalan, a saan a naisurat itoy a libro:

31Ngem dagitoy addada a naisurat, #Luc. 1:4.tapno patienyo a ni Jesus isu ti Cristo, ti Anac ti Dios; #Juan 3:15, 16; 5:24.ken tapno gapu iti pammatiyo maaddaancayo ti biag #D. Ara. 3:6, 16; 4:10. 1 Cor. 6:11.iti naganna.

Currently Selected:

JUAN 20: TB1973

Highlight

Copy