JUAN 12
12
Ni Maria sapsapoanna iti bangbanglo dagiti sacsaca ni Jesus.
1 #
Juan 11:55. Ni Jesus ngarud innem nga aldaw iti casangoanan ti #Mat. 26:6-11. Mar. 14:3-7.pascua, napan idiay Betania, isu nga yan idi ni #Juan 11:1.Lazaro, a pinagungar ni Jesus cadagiti natay.
2Iti casta #Mat. 26:6. Mar. 14:3.inyaramidanda idiay ti maysa a panangrabii; ket ni Marta nagrservi, ngem ni Lazaro maysa cadagidi nakisango kencuana iti panganan.
3Ni Maria ngarud nangala ti #Juan 19:39.maysa a libra ti bangbanglo a napulpulos a nardo, a napateg unay ket #Luc. 7:38.sinapsapoanna dagiti sacsaca ni Jesus, ket pinunasanna ida cadagidi boocna: ket ti balay napno ti ayamuum daydi bangbanglo.
4Ngem #Juan 6:71. Mat. 26:8. Mar. 14:4.ni Judas Iscariote, maysa cadagidi adalanna, nga isu a mangliputto kencuana, cunana;
5Apayapay a saan a nalaco daytoy a bangbanglo iti tal-lo gasut a #Agsangagasut a pisos.denario, ket naited coma cadagiti napanglaw?
6Ngem kinunana daytoy, saan a gapu ta isakitna dagiti napanglaw, no di ket gapu ta mannanacaw, #Juan 13:29.ket agsipud ta isu ti agiggem ti supot, innalana dagiti naipisoc.
7Ni Jesus ngarud kinunana: Baybay-am, #Mat. 26:12.tapno idulinna daytoy a maipaay iti aldaw ti pannacaitabonco.
8Ta dagiti napanglaw agnanayon nga addada cadacayo, ngem no siac saan nga agnanayon nga addaac cadacayo.
9Dagiti adu unay a tao cadagiti Judio naammoanda nga isu adda idiay idi; ket immayda saan laeng a gapu ken Jesus, no di ket tapno kitaenda ni Lazaro, #Juan 11:43, 44.isu a pinagungarna cadagiti natay,
10Ninumo dagidi cangatoan a papadi, a papatayenda met ni Lazaro;
11Ta gapu kencuana adu ti simmina cadagiti Judio ket namati ken Jesus.
Iseserrec a sibabal-ligi ni Jesus idiay Jerusalem.
12Iti sumuno nga aldaw, #Mat. 21:4-9. Mar. 11:7-10. Luc. 19:35-38.dagiti adu unay a tao nga immay iti fiesta, idi nangngegda a ni Jesus umumay idiay Jerusalem,
13Nangalada cadagiti bulbulong dagiti cayo a palma, ket rimmuarda a simmabet kencuana, ket inpucpuccawda ti: Hosana: Madaydayaw ti umay iti nagan ti Apo, ti Ari ti Israel.
14Ket idi nacasarac ni Jesus ti maysa nga urbon nga asno, nagsacay kencuana cas iti naisurat:
15Dica agbuteng, #Zac. 9:9.babai nga anac ti Sion: adtoy, ti Arim umay a sisasacay iti maysa nga urbon ti asno.
16Dagitoy #Luc. 18:34.saan a naawatan dagiti adalanna, idi damo; #bil. 23. Juan 7:39.ngem idi ni Jesus naitan-oken, idin nalagipda a dagitoy naisuratda a maipapan kencuana, ken inaramidda dagitoy a banag kencuana.
17Pinanecnecan ngarud dagiti adu a tao nga addada a naicuyog kencuana, daydi panangawagna ken Lazaro iti tanem ken pinagungarna kencuana cadagiti natay,
18 # bil. 11. Gapu itoy met dagiti adu a tao napanda simmabet kencuana ta nangngegda nga isu inaramidna daytoy a pagilasinan.
19Dagiti Fariseo ngarud kinunada iti maysa ken maysa: #Juan 11:47.Makitayo nga awan ti pangabacanyo? adtoy, ti sangalubongan napan simmurot kencuana.
Dagiti dadduma a taga Grecia cayatda a kitaen ni Jesus.—Isu saoenna ti mabiit nga ipapataynan.—Maysa a timec ti langit.—Ni Jesus, silaw ti lubong.
20Ket adda idi #Juan 7:39.dadduma a taga-#D. Ara. 8:27.Grecia cadagiti #bil. 1, 12. Juan 11:55.simmang-at a mapan makifiesta:
21Dagitoy ngarud immayda ken #Juan 1:44.Felipe, a taga Betsaida ti Galilea, ket nagdawatda a cuncunada kencuana: Apo, cayatmi coma a kitaen ni Jesus.
22Napan ni Felipe ket ibagana ken Andres: napan da Andres ken ni Felipe, ket ibagada ken Jesus.
23Ket ni Jesus sumungbat cadacuada, a cuncunana; Dumtengen #Juan 7:30; 17:1.ti horas a ti Anac ti tao maitanoc.
24Pudno, pudno, cunac cadacayo: #1 Cor. 15:36.No ti bukel ti trigo saan nga agtinnag iti daga ket matay, isu agtaeng a maymaysa; ngem no matay, adu a bunga ti itedna.
25Ti mangipangpangrona iti #Mat. 10:39.biagna, isu ti mapucawna: ket ti #Luc. 14:26.gumura iti biagna ditoy lubong, isu ti idulinnanto a maipaay iti biag nga agnanayon.
26No adda agservi caniac, surutennac coma: ket #Juan 14:3; 17:24. 1 Tes. 4:17.no adino ti yanco, agianto met idiay ti adipenco; no adda agservi caniac, isu itan-octo ni Amac.
27Ita #Mat. 36:38, 39.adda a naririboc ti cararuac: ket ania ti saoecto? Ama, isalacannac itoy nga horas. Ngem maipanggep itoy immayac iti daytoy nga horas.
28Ama, itan-ocmo ti naganmo. #Mat. 3:17; 17:5.Immay ngarud ti timec a nanipud langit a nagcuna: Intan-occon ket itan-occonto manen.
29Dagiti adu a tao ngarud nga adda iddiay ken nacangngeg, kinunada a naggurrood. Dagiti sabsabali kinunada: Maysa nga angel nakisao kencuana.
30Simmungbat ni Jesus ket kinunana: #Juan 11:42.Saan nga immay daytoy a timec gapu caniac no di ket gapu cadacayo.
31Ita #Juan 16:11; 14:30.ti pannacaocom daytoy a lubong: ita ti principe daytoy a lubong maibel-lengto iti ruar.
32Ket siac, no maipangatoac #Juan 3:14; 8:28.manipud iti daga, guyuguyecto caniac #Juan 6:44.amin a tao.
33Ngem #Juan 18:33.daytoy kinunana idi a pangipaawatna no ania a kita ti patay ti ipapataynanto,
34Simmungbat ngarud kencuana dagidi adu a tao: Nangngegmi iti #Juan 10:34.Linteg, #Sal. 89:4, 29, 36, 37; 110:4. Isa. 9:7. Eze. 37:25.a ti Cristo mataginayonto: ket casano ti panagcunam: Masapul a ti Anac ti tao maipangato? Siasino daytoy Anac ti tao?
35Kinuna ngarud ni Jesus cadacuada: #Juan 14:9.Agian pay iti bassit nga aldaw ti silaw cadacayo: #Efe. 5:8.magnacayo ita ta adda pay laeng ti silaw cadacayo tapno dinacay macamacam ti sipnget; ket #Juan 11:10. 1 Juan 2:11.ti magna iti sipnget saanna nga ammo no adino ti papananna.
36Ita ta adda pay laeng ti silaw cadacayo, mamaticayo iti silaw, tapno agbalincayo nga annac ti lawag. Dagitoy sinao ni Jesus, ket #Juan 8:59; 11:54.pimmanaw ket inlemmenganna ida.
37Ngem uray inaramidna iti sangoananda dagiti nagadu a pagilasinan, saanda pay a namati kencuana:
38Tapno matungpal idi ti sao nga insao ni mammadto nga Isaias: a kinunana: #Isa. 53:1.Apo, asino ti namati iti impadamagmi? Ket siasino ti nacaipakitaan ti tackiag ti Apo?
39Gapu itoy saanda a nabalin ti mamati, ta kinuna manen ni Isaias:
40Pinagbulsecna dagiti matada, #Isa. 6:10.ket pinatangkenna ti pusoda; Di la ket ta macakitada cadagiti matada, ken macaawatda iti pusoda, ket agbalbaliwda coma ket siac agasac coma ida.
41Dagitoy sinao ni Isaias, #Isa. 6:1.ta nakitana ti dayagna, ket nagsao ti maipapan kencuana.
42Nupay casta, #Juan 3:1; 7:48.uray cadagidi agturay adu dagiti namati kencuana: #Juan 9:22.ngem gapu cadagidi Fariseo saanda nga imparangarang, amangan no maparuarda iti sinagoga:
43Ta adadda nga inayatda ti dayaw a nataoan ngem dayaw a nadiosan:
44Ket ni Jesus nagpucaw ket kinunana: Ti mamati caniac, saan a siac ti patienna no di ti nangibaon caniac.
45Ket #Juan 14:9.ti macakita caniac, makitana ti nangibaon caniac.
46Siac #Juan 3:19.immayac a silaw ditoy lubong tapno amin a mamati caniac, saanda nga agtaeng iti sipnget.
47Ket no ti siasinoman a tao dumngeg cadagiti saoc ket dina tungpalen ida, #Juan 8:15.saan a siac ti mangocom kencuana; #Juan 3:17.ta saanac nga immay tapno mangocom iti lubong, no di ket tapno mangisalacan iti lubong.
48Ti tumal-licod caniac ket dina awaten dagiti saoc adda mangocom kencuana; #Deut. 18:19.ti sao nga insaoc isu ti mangocomto kencuana #Juan 5:28, 29.iti camaudianan nga aldaw.
49Ta saanac a nagsao a sisiac; no di ni Ama a nangibaon caniac, isu imbilinna caniac, #Deut. 18:18.no ania ti ibagac ken saoec.
50Ket ammoc a ti bilinna isu ti biag nga agnanayon: dagiti ngarud saoec, cas iti panangibaga caniac ni Ama, casta ti panagsaoc.
Currently Selected:
JUAN 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
