JEREMIAS 8
8
Ti gulib ken kinaawan ti bain ti Juda. Ti mangibales adda ti asideg. Maysa nga un-unnoy gapu iti nacaay-ay-ay a casasaad ti Sion.
1Iti dayta a pannawen, cuna ni Jehova, iruardanto cadagiti tantanemda dagiti tulang dagiti ar-ari ti Juda, ken dagiti tulang dagiti piprincipena, ken dagiti tulang dagiti papadi, ken dagiti tulang dagiti mammadto, ken dagiti tulang dagiti agnaed iti Jerusalem;
2Ket ibilagdanto #Deut. 4:19.ida iti init, ken iti bulan, ken amin ti buyot ti langit, isuda nga inayatda, ken nagservianda, ken dagidiay sinurotda, ken sinapulda, ken #2 Ar. 21:3; 23:5.nagrucbabanda; #Jer. 25:33.saandanto a maururnong, #Jer. 22:19.wenno maicali, agbalindanto a rugit iti rabaw ti daga.
3Ket ti patay #Job 3:21, 22.mapilinto a nangnangrona ngem ti biag cadagiti amin a tidda a mabati iti daytoy dakes a capuonan, a mabati cadagiti amin a disso a namagtalawac cadacuada, cuna ni Jehova dagiti buybuyot.
4Castamet cunaemto cadacuada, Castoy ti cuna ni Jehova; Matuangto aya dagiti lallaki ket saandanto a bumangon manen? Sumiasinto aya iti maysa, ket saanto nga agsubli?
5Apay ngarud a daytoy nga ili a Jerusalem #Jer. 27:4.naglicudda iti agnanayon a panaglicud? cumpetda iti al-lilaw, dida cayat ti agsubli.
6Inimutectecac ken dinengngegco, ngem saanda a nagsao a sililinteg: awan ti tao nga #2 Ped. 3:9.agbabawi iti kinadakesna, a cunana, Ania ti inaramidco? tunggal maysa agsubli iti pagnaanna, a cas ti cabayo a sumaracusuc iti gubat.
7Wen, ti cannaway #Isa. 1:3.cadagiti langlangit ammona dagiti nakedngan a pannawenna; ket ti pagaw ken ti sallapingaw ken ti tipor annurutenda ti pannawen ti yaayda: #Jer. 5:4, 5.ngem ti ilic saanna nga ammo ti linteg ni Jehova.
8Casano ti panagcunayo, Masiribcami, #Rom. 2:17, 18.ket ti linteg ni Jehova adda cadacami? Ngem, adtoy, ti naulbod a pluma dagiti escriba nagaramid a siuulbod.
9Dagiti masirib a lallaki maibabainda, maupayda ken mabaludda: Adtoy, naglictadanda ti sao ni Jehova; ket ania a kita ti sirib ti adda cadacuada?
10Gapuna #Aginga bil. 12. Jer. 6:12-15.itedconto dagiti assawada a babbai cadagiti sabsabali; ken dagiti taltalonda cadagidiay agtagicuanto cadacuada: ta tunggal maysa manipud iti cabassitan agingga met laeng iti cadackelan nagbalin a managagum; manipud iti mammadto agingga met laeng iti padi tunggal maysa agaramid a siuulbod.
11Ket inagasanda a parparawpaw ti dunor ti anac a babai ti ilic, a cunada, Talna, talna, idinto nga awan ti talna.
12Nagbainda aya idi nagaramidda ti macarimon? #Jer. 3:3.Saan, saanda a nagbain a pulos, ket dida met napalabbasit: gapuna mapasagdanto iti nagtengngaan dagidiay mapasag: intono sarungcarac ida maipalladawdanto, cuna ni Jehova.
13Talipupusecto ida, cuna ni Jehova: #Jer. 6:9.awanto dagiti bungbunga ti uvas iti cayo ti uvas, uray bungbunga ti higos iti cayo ti higos, ket ti bulong malaylayto; ket dagiti intedco cadacuada agpucawto cadacuada.
14Apay nga agtugawtayo a sitatalna? #Jer. 4:5.aggigimongcayo, ket intayon sumrec cadagiti nasarikedkedan nga il-ili, ket agulimectayo idiay; ta ni Jehova a Diostayo pinagulimecnatayo, ken #Jer. 9:15; 23:15.iniccannatayo iti danum nga apro nga inumen, ta nagbasoltayo a maibusor ken Jehova.
15Biniructayo ti talna, #Jer. 14:19.ngem awan ti imbag a dimteng; ken pannawen ti pannacaagas, ket adtoy, pannacacullayaw!
16Ti banang-es dagiti cabayona #Jer. 4:15.nangngeg nanipud iti Dan: gapu iti uni ti garaigi dagiti nabilegna ti amin a daga agkintayeg; ta immayda, ket linamutda ti daga ken amin nga adda kencuana; ti ili ken dagiti agnaed idiay.
17Ta, adtoy, ibaonconto dagiti uleg, carasaen, iti nagtengngaanyo, isuda a #Ecle. 10:11.saanto a masuma; ket cagatendacayto, cuna ni Jehova.
18O no maliwliwac coma ti bagic a maicaniwas iti leddaang! ti pusoc nalpay iti unegco.
19Adtoy, ti timec ti riaw ti anac a babai ti ilic manipud iti daga nga adayu unay: Awan aya ni Jehova idiay Sion? Awan aya ti Arina kencuana? Apay a pinanggargarida caniac nga agpungtot dagiti kinitikitan a ladladawan, ken gangannaet a kinaubbaw?
20Ti apit nalpas, ti pannawen ti pudot naggibusen, ket datayo saantayo a maispal.
21 #
Jer. 14:17. Gapu iti dunor ti anac a babai ti ilic madunorac: #Joel 2:6. Neh. 2:10.agladingitac; pannacacullayaw kimpet caniac.
22Awan ti balsamo aya idiay Galaad? #Gen. 37:25; 43:11. Jer. 46:11; 51:8.Awan ti mangngagas aya idiay? Apay ngarud a ti salunat ti anac a babai ti ilic saan a maipulang?
Currently Selected:
JEREMIAS 8: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
