JEREMIAS 6
6
Ti pannacasalacnib ti Jerusalem maipadto. Ti pannacatnagna a gapu ti kinasukir ken kinabangadna. Ti pannacarbec nga umay manipud iti amianan.
1Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, #Jer. 4:5.ket puyotenyo ti tangguyob idiay Tecoa, ket mangipasdeccay iti maysa a pagilasinan idiay #Neh. 3:14.Bet-hacerem; ta ti kinadakes cumita manipud iti #Jer. 1:13.amianan, ken dackel a pannacarbec.
2Ti napintas ken nalami, ti anac a babai ti Sion, keltayecto.
3Dagiti pastor agraman dagiti arbanda umaydanto kencuana; ipatacderdanto dagiti toldada a maibusor kencuana iti aglicmut; agpaarabdanto tunggal maysa iti dissona.
4Isaganayo ti gubat a maicaniwas kencuana; #Jer. 51:27. Joel 3:9.tumacdercayo, ket sumang-attayon intono tengnga ti aldaw. #Jer. 15:8.Asitayo pay ta ti aldaw aglikig, ta dagiti aniniwan ti malem mayatiddugda.
5Bumangoncayo ket sumang-attayon iti rabii, ket dadaelentayo dagiti palaciona.
6Ta castoy ti kinuna ni Apo Jehova dagiti buybuyot, Agpucancayo cadagiti caycayo, ket mangaramidcayo iti gabsuon a maibusor iti Jerusalem: daytoy ti ili a masarungcaran; isu naananay ti pannacailupit iti tengngana.
7Cas ti maysa a bubon iruarna dagiti danumna, #Isa. 57:20.casta ti panangiruarna cadagiti kinadakesna: #Eze. 7:11, 23.panangrabsut ken panagdadael mangngeg, kencuana; iti sangoanac cancanayon ti sakit ket sugsugat.
8Maisuroca coma, O Jerusalem, #Eze. 23:18. Os. 9:12.di la ket ta ti cararuac maisina kenca; di la ket ta aramidenca a langalang, maysa a daga nga awan ti agnaed.
9Castoy ti cuna ni Jehova dagiti buybuyot, #Deut. 24:21.adasendanto a #Isa. 46:3.nalaing unay ti matda iti Israel a cas ti maysa a puon ti uvas: isublim manen ti imam a cas ti agpurpuros iti uvas iti uneg dagiti labba.
10Siasino ti pakisaoac ken pangpanecnecac, tapno #D. Ara. 7:51.mangngegda coma? Adtoy, ti lapayagda saan a nacugit, ket saanda a macaipangag: adtoy, #Jer. 20:8.ti sao ni Jehova nagbalin cadacuada a umsi; awan ti ragsacda kencuana.
11Gapuna napnoac iti pungtot ni Jehova; nabannogac nga agibibtor: ibuyatmo cadagiti ubbing iti lansangan, castamet iti gimong dagiti agtutubo a lallaki, ta uray pay ti asawa a lalaki agraman ti asawa a babai maaladanto, ti lacay agraman daydiay napnoanen cadagiti al-daw.
12Ket dagiti #Deut. 28:30.balbalayda maitedto cadagiti sabsabali agraman #Aginga bil. 15. Jer. 8:10-12.dagiti taltalonda ken assawada a babbai; ta yunnatconto ti imac cadagiti agnaed ti daga, cuna ni Jehova.
13Ta #Isa. 56:11.manipud iti cabassitan agingga iti cadackelan cadacuada tunggal maysa maiyawat iti kinaagum; ket #Jer. 14:18.manipud iti mammadto uray pay agingga iti padi tunggal maysa manangallilaw.
14 #
Jer. 4:10; 14:13; 23:17. Inagasanda met a parparawpaw ti dunor ti ilic, a cunada, Talna, talna; idinto nga awan ti talna.
15Nagbainda aya idi nagaramidda ti macarimon? Saan, saanda a nagbain a pulos, ket dida met napalabbasit: gapuna a mapasagdanto iti nagtengngaan dagidiay mapasag; intono sarungcarac ida, maipalladawdanto, cuna ni Jehova.
16Castoy ti cuna ni Jehova, Agtacdercayo cadagiti daldalan ket cumitacayo, ket damagenyo #Jer. 18:15. Luc. 16:29.dagiti daan a dandana, sadino ti yan ti nasayaat a dalan; ket magnacayo idiay, ket #Mat. 11:29.macasaraccayo iti inana a maipaay cadagiti cararuayo: ngem isuda kinunada, Saancamto a magna kencuana.
17Ket nangicabilac cadagiti agbanbantay #Isa. 56:10. Hab. 2:1.cadacayo, a kinunac, Ipangagyo ti uni ti tangguyob; ngem isuda kinunada, Dicamto ipangag.
18Denggenyo ngarud, dacayo a nasnacion, ket ammoenyo, O gimong, no ania ti adda iti nagtengngaanda.
19 #
Jer. 2:12. Denggem, O daga; #Isa. 1:2.adtoy, iyeg-conto ti dakes ditoy nga umili, ti met laeng #Prov. 1:31.bunga dagiti pampanunotda agsipud ta saanda nga impangag dagiti sasaoc; ket no maipapan iti lintegco, naglictadanda.
20 #
Sal. 40:6. Ania ti capapa-yanna ti pannacayegna caniac #Isa. 60:6.ti incienso nga aggapu idiay Seba, ken ti nasam-it nga unas iti adayu a daga? #Jer. 7:21.dagiti datdatonyo a mapuuran saanda a maawat, ket dagiti sacrificioyo saanda met a macaay-ayo caniac.
21Gapuna castoy ti cuna ni Apo Jehova, #Eze. 3:20.Adtoy mangicabilacto cadagiti pacaitibcolan iti sangoanan daytoy nga umili; ket dagiti amma agraman cadagiti annac a lallaki maitibcoldanto cadacuada; ti caarruba ken ti gayyemna mapucawdanto.
22Castoy ti cuna ni Jehova, #Aginga bil. 24. Jer. 50:41-43.Adtoy, ti umili umay nga aggapu #Jer. 13:20.iti amianan a daga; ket maysa a dackel a nacion #Jer. 25:35; 31:8.mariingto manipud caadayuan a paspaset ti daga.
23Nacaiggemda iti bai ken gayang; isuda naulpitda, ket awan ti asida; ti timecda agungor a cas ti baybay, ket sumacayda cadagiti cacabayo, tunggal maysa makiintar, cas iti lalaki iti gubat, a maicaniwas kenca, O anac a babai ti Sion.
24Nangngegmi ti damagna, dagiti imami kimmapsutda; ti sennaay #Jer. 49:24.kinapetnacami, ken ut-ut a cas ti babai nga agpasical.
25Saancayo nga umaway, wenno magna iti dalan; ta ti campilan ti cabusor, ken pangigtot, adda iti tunggal sikigan.
26O anac a babai ti ilic, agbarikesca #Jer. 25:34. Eze. 27:30.iti nakersang a lupot, ket lumumlumca cadagiti dapdapu: agladingitca, a cas maipaay iti bugbugtong nga anac a lalaki, ti casaeman nga ununnoy; ta ti managdadael umayto a pettat cadatayo.
27Inaramidca a torre ken maysa #Isa. 23:13.a sarikedked iti nagtengngaan ti ilic; tapno maammoam coma #Jer. 9:7; 11:20. Zac. 13:9.ken mapadasmo ti dalanda.
28Isuda amin nasukirda unay, agpasiarda a #Jer. 9:4.mamarpardaya; #Eze. 22:18.isuda dagiti suer ken landoc; isuda amin manangallilawda.
29Dagiti yubuyoban agpuyotda a sirurungsot; ti buli maibus iti apuy; barengbareng ti panangituloyda a mangpagugor; #Amos 4:11. Zac. 3:2.ta dagiti nadangkes saanda a maparut.
30Tulis a pirac ti pangnaganto dagiti tao cadacuada, #Isa. 1:22.ta ni Jehova pinaidna ida.
Currently Selected:
JEREMIAS 6: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
