JEREMIAS 46
46
Maipadto ti pannacaparmec ni Faraon sadi Carkemis gapu ken Nabucodonosor. Ti Israel maliwliwa.
1Ti sao ni Jehova nga immay ken Jeremias a mammadto a maipapan #Jer. 25:13; 35:25.cadagiti nasnacion.
2Iti Egipto: #2 Ar. 23:29. 2 Cron. 35:20.maipapan iti buyot ni Faraon-neco nga ari ti Egipto, nga adda idi iti denna ti carayan Eufrates idiay Carkemis, a kinabil ni Nabucodonosor nga ari ti Babilonia idi maicapat a tawen ni Joakim nga anac ni Josias, nga ari ti Juda.
3Agsaganacayo iti #Jer. 51:11, 12.sarapa ken calasag, ket umadanicayo iti bacal.
4Cawesanyo dagiti cabayo, ket sumacaycayo, dacayo a tattao nga agcabayo, ket sumangocayo a sicacabal ti oloyo; pasilengenyo dagiti gayang, icabilyo dagiti cabal a badoyo.
5Apay nga adda nakitac? isuda agcullayawda ket agsanodda; ket dagiti mamaingelda mapasagda, ket mapagtalawda a masingdat, ket dida tumaliaw: ti pangigtot adda iti tunggal sikigan, cuna ni Jehova.
6Saan coma nga agtaray dagiti nasiglat, di met agtalaw ti maingel a tao; iti amianan iti denna ti carayan Eufrates nagtibcolda ket napasagda.
7Asino daytoy a dumackel a #Isa. 8:7, 8. Jer. 47:2. Dan. 11:22.cas iti Nilo, a dagiti danumna agpalongda a cas cadagiti carayan?
8Ti Egipto dumackel a cas iti Nilo, ket dagiti danumna agpalong a cas cadagiti carayan: ket cunana, Tumacderacto, abbongacto ti daga; dadaelecto dagiti il-ili ken dagiti naed cadacuada.
9Dumucloscayo, dacayo cabayo; ket agrungsotcayo, dacayo lugan; ket dagiti mamaingel a tattao magnada coma; da Cus ken Put, nga agiggem iti calasag; ken dagiti Ludim a mangiggem ken mangbiat iti ba-i.
10Ta daytoy nga #Joel 1:15.aldaw isu ti aldaw ti Apo, ni Jehova dagiti buybuyot, aldaw ti panangibales, tapno mabalesna dagiti casupadina: ket ti campilan mangalununto, ket mapnecto, ket uminumto nga agpennec iti darada; ta ti Apo, ni Jehova dagiti buybuyot, adda #Isa. 34:6. Sof. 1:7.sacrificiona #bil. 6.iti daga nga akinamianan iti denna ti carayan Eufrates.
11Sumang-atca sadi Galaad, ket #Jer. 8:22; 51:8.alaem ti balsamo, O #Isa. 47:1.virgen nga anac ti Egipto: awan capapay-anna ti panangaramatmo cadagiti adu nga ag-agas; awan ti pannacaagas a maipaay kenca.
12Dagiti nasnacion nangngegdan ti pannacaibabainmo, ken ti daga napno iti riawmo; ta dagiti mamaingel maitublacda cadagiti mamaingel, mapasagda a maicanunong.
13Ti sao ni Jehova nga imbagana ken Jeremias a mammadto, maipanggep iti yaay coma ni Nabucodonosor nga ari ti Babilonia ket cabilenna ti daga nga Egipto.
14Ipalawagyo sadi Egipto, ket iwarragawagyo sadi #Jer. 44:1.Migdol, ket iwarnacyo sadi #bil. 19.Memfis ken #Jer. 2:16.Tafnes: cunayo, Agtacdercayo, ket agsaganacayo; ta ti campilan nangalun-un iti aglicmut kenca.
15Apay a dagiti napigsa #wenno diossem.a tattaom mapacsiatda? dida nagtacder, agsipud ta ni Jehova pinagtalawna ida.
16Pinagtibcolna dagiti adu, wen, napasagda maysa iti rabaw iti sabali: ket kinunada, Tumacdercayo ket intayo coma manen iti bucodtayo nga ili, ken iti nacayanacantayo a daga a panawantayo ti campilan a mangparigat.
17Imkisda sadiay, Ni Faraon nga ari ti Egipto nadadaelen; #Jer. 37:7.pinalabasnan ti natudingan a pannawen.
18Cas sibibiagac, #Jer. 48:15; 51:57.cuna ti Ari, a ti naganna Jehova dagiti buybuyot, pudno a cas #Jos. 19:12.Tabor iti nagbaetan dagiti banbantay, ken cas Carmelo iti denna ti baybay, casta ti umayto.
19O sica nga anac a babai nga #Jer. 48:18.agnaed sadi Egipto, agsaganaca a macayawan; ta ti Memfis agbalinto a langalang, ket mapuuranto ket awan ti agnaed.
20Ti Egipto maysa a naimnas a bumalasang a vaca, ngem ti pannacadadael manipud iti amianan, #bil. 6, 10, 24. Jer. 1:13.dumteng wen dimtengen.
21Casta met dagitinatangdanan a lallakina iti tengngana mayarigda cadagiti bumaro a vaca iti pagyaponan; ta mapasublida met, nagtalawda a nagcucuyog, dida nagtacder: ta ti aldaw ti pannacaparigatda dimtengen cadacuada, ti pannawen ti pannacasucnalda.
22Ti unina umaspingto iti uni ti uleg; ta magnadanto agraman maysa a buyot, ket umaydanto a maibusor kencuana agraman cadagiti wasay, a cas cadagiti agtaga iti cayo.
23Pucanendanto ti bakirna, cuna ni Jehova, nupay nasamec; agsipud ta ad-aduda ngem cadagiti dudon, ket saanda a mabilang.
24Ti anac a babai ti Egipto mabainanto; mayawatto iti ima dagiti tattao a taga amianan.
25Ni Jehova dagiti buybuyot, a Dios ti Israel, cunana, Adtoy, dusaecto ni Amon a taga #Eze. 30:4, 15, 16. Nah. 3:8.No, ken Faraon, ken Egipto, agraman cadagiti diosenna, ken ar-arina; ni met laeng Faraon ken dagiti agtalec kencuana;
26Ket yawatconto ida iti ima dagiti mangsapul cadagiti biagda, ken iti ima ni Nabucodonosor nga ari ti Babilonia, ken iti ima dagiti adipenna; #Isa. 19:22-25. Eze. 29:11, 13, 14.calpasanna addanto manen agnaed, cas cadagiti aldaw idi ugma, cunani Jehova.
27Ngem dica agbuteng, O Jacob nga #bil. 28. Jer. 30:10, 11.adipenco, dica met agcullayaw; O Israel: ta adtoy, siac ispalencanto manipud iti adayu, ken ti capuonam manipud iti daga ti pannacacayawda; ket ni Jacob agsublinto, ket natalgedto ken natalna, ket awanto ti mangpabuteng kencuana.
28Dica agbuteng, O Jacob nga adipenco, cuna ni Jehova; ta addaac kenca: ta aramidecto ti naananay a panungpalan dagiti amin a nasnacion isuda a nangiturongac kenca; ngem diacto aramiden ti naananay a panungpalam, ngem bagbagaancanto cas maiparbeng ket diacto ipalubos a pulos nga awan ti dusam.
Currently Selected:
JEREMIAS 46: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
