OC-OCOM 9
9
Ti yaalsa ni Abimelech; papatayenna dagiti annac ni Gedeon. Ti sarita ni Joatham. Ti yaalsa ni Goal a maibusor ken Abimelech. Ni Abimelech parmekenna ni Gaal, ket cayawanna ti Siquem ken Tebes.
1Ket ni Abimelec nga anac a lalaki ni Jerobaal napan idiay Siquem cadagiti #Oc. 6:24.cacabsat ni inana, ket nakisao cadacuada, ken iti amin a familia ti balay ti ama ni inana, a kinuna,
2Siac agdawatac cadacayo nga isaoyo coma cadagiti pagdengngeg dagiti amin a lallaki ti Siquem, Ania ti nasaysayaat cadacayo, nga amin dagiti annac ni Jerobaal, nga isuda dagiti #Oc. 8:30.pitopulo a lallaki, iturayandacayo, wenno ti maymaysa ti agturay cadacayo? lagipenyo met a siac #Gen. 29:14.tulangdac, ken lasagdac.
3Ket dagiti cacabsat ni inana insaoda iti maipapan kencuana cadagiti pagdengngeg dagiti amin a lallaki ti Siquem amin dagitoy a sasao: ket dagiti pusoda nagayatda a sumurot ken Abimelec; ta kinunada, #bil. 18.Isu ti cabsattayo.
4Ket isuda nangtedda kencuana iti pitopulo a capisi a pirac a naggapu iti balay ni #bil. 46.Baal-berit, cadagidiay ti #Oc. 11:3. D. Ara. 17:5.pinanangdan ni Abimelec cadagiti lallaki nga ubbaw ken nadamsac, a simmurotda kencuana.
5Ket isu immay iti balay ni amana idiay #Oc. 6:24.Ofra, ket #2 Ar. 11:1-2.pinatayna dagiti cacabsatna nga annac ni Jerobaal, a pitopulo a lallaki, iti rabaw ti maysa a bato: ngem ni Joatam inaudian nga anac a lalaki ni Jerobaal natda; ta naglemmeng idi.
6Ket amin dagiti lallaki ti Siquem naguornongda, ken amin ti #2 Sam. 5:9.balay ni Millo, ket napanda ket inaramidda ni Abimelec nga ari, iti denna ti lugo ti monmon nga adda idi idiay Siquem.
7Ket idi nga insaoda ken Jotam, isu napan ket nagtacder iti tapaw ti #Deut. 11:29.bantay Gerizim, ket intebbagna ti timecna, imkis, ket kinunana cadacuada, Dumngegcayo caniac lallaki ti Siquem, tapno ti Dios denggennacayo coma.
8 #
2 Ar. 14:9. Dagiti caycayo napanda iti naminsan a tiempo a nangpulot iti maysa nga ari cadacuada; ket kinunada iti oliva, #Oc. 8:22-23.Agarica ala cadacami.
9Ngem ti oliva kinunana cadacuada, #Sal. 104:15.Bay-ac coma aya ti kinatabac, isu nga gapu caniac isuda agdaydayawda iti Dios ken iti tao, ken innac #bil. 11, 13.agam-ampayag iti rabaw dagiti caycayo?
10Ket dagiti caycayo kinunada iti higos, Umayca ala, agarica cadacami.
11Ngem ti higos kinunana cadacuada, Bay-ac coma aya ti kinasam-itco, ken iti naimbag a bungac, ket innac agam-ampayag iti rabaw dagiti caycayo?
12Ket dagiti caycayo kinunada iti uvas, Umayca ala, ket agarica cadacami.
13Ket ti uvas kinunana cadacuada, #Sal. 104:15.Bay-ac coma aya ti baro nga arac, a liwliwa ti Dios ken dagiti tattao, ket innac agam-ampayag iti rabaw dagiti caycayo?
14Idin dagiti caycayo kinunada ken calunay, Umayca ala, ket agarica cadacami.
15Ket ti calunay kinunana cadagiti caycayo, No iti kinapudnona pulotandac nga agari cadacayo, umaycayo ngarud ket agtaleccayo iti #Dan. 4:12. Os. 14:7.linongco; ket no saan, rumuar coma ti #Eze. 19:14.apuy nga aggapu iti calunay a mangrunaw cadagiti #2 Ar. 14:9. Sal. 104:16. Isa. 2:13; 37:24. Eze. 27:5.cedro ti Libano.
16Gapuna a no dacayo nangaramidcayo iti kinapudno ken kinalinteg, iti daydiay a nangaramidanyo ken Abimelec nga ari, ket no dacayo nagaramidcayo ti imbag ken Jerobaal ken iti balayna, ken no inaramidyo kencuana ti #Oc. 8:35.mayannatop cadagiti ar-aramid dagiti im-imana;
17(Ta ni amac nakibacal idi gapu cadacayo, ket impeggadna ti biagna, ket insalacannacayo iti ima ti Madian:
18 # bil. 5-6. Ket dacayo timmacdercayo ita a maibusor iti balay ni amac iti daytoy nga aldaw, ket pinapatayyo dagiti annacna, a pitopulo a lallaki, iti rabaw ti maysa a bato, ket inaramidyo ni Abimelec nga #Oc. 8:31.anac ti tagabuna a babai, nga ari dagiti lallaki ti Siquem, #bil. 3.ta isu ti cabsatyo);
19No dacayo ngarud nagaramidcayo iti kinapudno ken kinalinteg ken ni Jerobaal ken iti balayna iti daytoy nga aldaw, #Isa. 8:5.agragsaccayo coma ken Abimelec, ket isu met agragsac coma cadacayo:
20Ngem no saan, #bil. 15, 56-57.rummuar coma ti apuy nga aggapu ken Abimelec a #bil. 6.mangrunaw coma cadagiti lallaki ti Siquem, ken iti balay ni Millo; ket rumuar coma ti apuy nga aggapu cadagiti lallaki ti Siquem ken iti balay ni Millo nga mangrunaw ken Abimelec.
21Ket ni Jotam nagtaray, ket nagtalaw, ket napan idiay Beer, ket nagtaeng sadiay a gapu iti butengna ken Abimelec a cabsatna.
22Ket ni Abimelec isu idi ti pangulo iti Israel bayat ti tallo a tawen.
23 #
1 Sam. 16:14; 18:10; 19:9. Ket ti Dios nangibaon iti maysa nga espiritu a dakes iti baet da Abimelec ken cadagiti lallaki ti Siquem; ket dagiti lallaki ti Siquem nagaramidda a #Isa. 33:1.sililiput ken Abimelec.
24 # bil. 56. 1 Ar. 2:32. Est. 9:25. Sal. 7:16. Tapno ti pannacaranggas dagiti pitopulo nga annac ni Jerobaal umay coma, tapno dagiti darada a maisaad coma ken Abimelec a cabsatda, a namapatay cadacuada, ken cadagiti lallaki ti Siquem, a namapigsa cadagiti im-imana a namapatay cadagiti cacabsatna.
25Ket dagiti lallaki ti Siquem nangicabilda kencuana cadagiti agsansaneb cadagiti taptapaw dagiti banbantay, ket inagawanda amin dagiti immay iti daydiay a dalan iti dennada: ket isu naisao idi ken ni Abimelec.
26Ket ni Gaal nga anac a lalaki ni Ebed immay a caduana dagiti cacabsatna, ket napanda iti Siquem; ket dagiti lallaki ti Siquem nakipinnatalgedda kencuana.
27Ket isuda rimmuarda iti away, ket nagburasda cadagiti cauv-uvasanda, ket pinespesda dagiti uv-uvas, ket #Isa. 16:9-10. Jer. 25:30.nagaramidda iti rambac, ket #bil. 4, 46.simrecda iti balay ti diosda, ket nanganda ken imminumda, ket inlunodda ni Abimelec.
28Ket ni Gaal nga anac ni Ebed kinunana, #1 Sam. 25:10.Siasino ni Abimelec, ket asino ti Siquem tapno datayo agservitayo coma kencuana? saan nga isu ti anac ni Jerobaal? ket ni Zebul saan nga isu ti catulonganna? agservitayo cadagiti lallaki ni #Gen. 34:2, 6.Hemor nga ama ni Siquem: ngem apayapay a rebbengtayo coma ti agservi kencuana?
29 #
2 Sam. 15:4. Ket amangan coma no daytoy nga ili adda coma iti babaen ti imac! iti casta siac pagalisec coma ni Abimelec. Ket kinunana ken Abimelec: Nayunam ta buyotmo, ket rumuarca.
30Ket idi a ni Zebul nga agturay iti ili nangngegna dagiti sasao ni Gaal nga anac ni Ebed, simged ti pungtotna.
31Ket isu nangibaon a sisisicap unay cadagiti babaonen ken Abimelec; a kinunana, Adtoy ni Gaal nga anac ni Ebed ken dagiti cacabsatna immayda iti Siquem; ket, adtoy, isuda pilitenda ti ili a makigubat a maibusor kenca.
32Gapuna ita tumacderca iti rabii, sica ken dagiti tattao nga adda kenca, ket agsanebcayo idiay away:
33Ket isunto nga iti bigat, apaman a lumgac ti init, sica tumacdercanto a masapa, ket duclusemto ti ili; ket, adtoy, intono isu ken dagiti tattao nga addada kencuana rumuardanto a maibusor kenca, isunton ti #1 Sam. 10:7; 25:8.panangaramidmo cadacuada ti cas masaracamto a panggundawayan.
34Ket ni Abimelec timmacder, ken amin dagiti tattao nga adda kencuana, iti rabii, ket nagsanebda a maibusor iti Siquem iti nagcapat a cabuyotan.
35Ket ni Gaal nga anac ni Ebed rimmuar, nagtacder iti pagsercan ti ruangan ti ili: ket ni Abimelec timmacder, ken dagiti tattao nga adda kencuana, a naggapuda iti nagsanebanda.
36Ket idi a ni Gaal nakitana dagiti tattao, kinunana ken Zebul, Kitaem, addada tattao nga agsalog manipud iti tapaw dagiti banbantay. Ket ni Zebul kinunana kencuana, Sica makitam ti #bil. 7, 25.aniniwan dagiti banbantay a cas la isuda dagiti tattao.
37Ket ni Gaal nagsao manen ken kinunana, Kitaem, dagiti tattao sumalogda iti nagtengngaan ti daga, ket maysa a capangen umay iti dalan ti lugo ni Meonenim.
38Ket ni Zebul kinunana kencuana, Ayanna ita ti ngiwatmo, a kinunam, #bil. 28-29.Siasino ni Abimelec, tapno agservitayo kencuana? daytoy saan aya nga isu ti ili a linaismo? ita, agdawatac, rumuarca ket makibacalca kencuana.
39Ket ni Gaal rimmuar iti sango dagiti lallaki ti Siquem ket nakibacal ken Abimelec.
40Ket ni Abimelec isu kinamatna, ket isu nagtaray iti saclangna, ket aduda dagiti napasag a nasugsugat agingga iti pagsercan ti ruangan.
41Ket ni Abimelec nagnaed idiay Aruma: ket ni Zebul pinagtalaona ni Gaal ken dagiti cacabsatna, tapno dida agnaed coma idiay Siquem.
42Ket naaramid iti sumuno nga aldaw, a dagiti tattao rimmuarda idi iti away; ket naibaga ken Abimelec.
43Ket isu innalana dagiti tattao, biningbingayna ida iti nagcatlo cabuyotan, ket nagsaneb iti away; ket kimmita, ket, adtoy, dagiti tattao a nagruarda iti ili; ket timmacder a maibusor cadacuada, ket kinabilna ida.
44Ket ni Abimelec, ken dagiti buybuyot nga adda idi kencuana, dimmuclosda, ket nagtacderda iti pagsercan ti ruangan ti ili: ken dagiti dua a buybuyot dimmuclosda amin dagiti adda iti away, ket kinabilda ida.
45Ni Abimelec ginubatna ti ili amin daydi nga aldaw; ket innalana ti ili, ket pinatayna dagiti tattao nga adda kencuana: ket rineb-bana ti #Deut. 29:23. 1 Ar. 12:25.ili, ket isu minulaanna iti asin.
46Ket idinto a dagiti amin a tattao ti #bil. 6.torre ti Siquem nangngegda dayta, simrecda iti #bil. 49.sarikedked ti balay ni dios #bil. 4. Oc. 8:33.Berit.
47Ket naibaga ken Abimelec nga amin dagiti tattao ti torre ti Siquem addada a naurnong.
48Ket ni Abimelec simmang-at iti bantay #Sal. 68:14.Zalmon, isu ken amin a tattao nga adda kencuana; ket ni Abimelec nangiggem iti maysa nga wasay iti imana, ket nangpucan iti sanga cadagiti caycayo, ket innalana, ket isu ti imparabawna ti abagana: ket kinunana cadagiti tattao nga adda kencuana. Ti makitayo caniac nga aramidec, aramidenyo iti masingdat, cas ti inaramidco.
49Ket iti castoy amin dagiti tattao pimmucanda met tunggal tao iti sangana, ket sinurotda ni Abimelec, ket isu incabilda iti sidiran ti sarikedked; ket cadagidiay pinuuranda ti sarikedked; iti casta amin dagiti tattao ti torre ti Siquem natayda met, agsangaribuda a lallaki ken babbai.
50Sa napan ni Abimelec idiay Tebes, ket nagpacarso a maibusor iti Tebes, ket isu innalana.
51Ngem iti uneg ti ili adda maysa a torre a natibker, ket idiay ti nagcamangan amin dagiti lallaki ken babbai, ken amin dagiti adda iti ili, ket #Oc. 3:23.impupucda dagiti bagbagida met laeng, ket immulida iti pangatepan ti torre.
52Ket ni Abimelec immay iti torre, ket isu ginubatna a dimmanun iti ruangan ti torre tapno isu pasgedanna iti apuy.
53 #
2 Sam. 11:21. Ket maysa a babai intupacna ti akinrabaw a bukel ti #Deut. 24:6.gilingan iti olo ni Abimelec, ket nabuong ti bangabangana.
54Idin isu #1 Sam. 31:4.inayabanna iti nasingdat ti agtutubo a lalaki nga agaw-awit iti igamna, ket kinunana kencuana, asutem ta campilanmo, ket papatayennac, tapno dagiti tattao dida coma cunaen iti maipapan caniac, Maysa a babai ti namapatay kencuana. Ket daytoy nga agtutubo isu sinalpotna, ket natay.
55Ket dagiti tattao ti Israel idinto a nakitada a natay ni Abimelec, pimmanawda tunggal maysa a napan iti lugarna.
56 # bil. 24. Job 31:3. Sal. 94:23. Prov. 5:22. Iti casta ti Dios sinupapacanna ti kinadakes ni Abimelec, nga inaramidna ken amana, iti panangpapatayna cadagiti pitopulo a cacabsatna.
57Ket amin a kinadakes dagiti tattao ti Siquem sinupapacan ti Dios cadagiti ol-oloda: ket ti #bil. 20.panangilunod ni Jotham nga anac ni Jerobaal immay idi cadacuada.
Currently Selected:
OC-OCOM 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
