OC-OCOM 21
21
Dagiti assawa a babbai a maipaay cadagiti Benjamitas magun-odda idiay Jabes-galaad ken idiay Silo.
1Ket dagiti #bil. 18. Oc. 20:1.lallaki ti Israel insapatada idi idiay Mizpa, a kinunada, Awan cadatayo ti mangtedto iti anacna a babai a maiyasawa iti Benjamin.
2Ket #Oc. 20:18.dagiti tattao immayda iti Bet-el, ket nagtugawda idiay agingga iti malem iti saclang ti Dios, ket inngatoda dagiti timtimecda, ket nagsangitda iti nacaro.
3Ket isuda kinunada, O Jehova, a Dios ti Israel, apay aya daytoy a naaramid iti Israel, nga iti daytoy nga aldaw maysa a caputotan agcurang iti Israel?
4Ket naaramid idi iti sumono nga aldaw, a dagiti lallaki timmacderda iti agsapa, ket #Oc. 20:36. 2 Sam. 24:25.namangonda idiay iti maysa nga altar, ket nagidatagda cadagiti datdaton a mapuuran ken datdaton ti cappia.
5Ket dagiti annac ti Israel kinunada, Siasino ti adda cadagiti amin a caputotan ti Israel a di-simmangat iti gimong ken Jehova? #Oc. 5:23.Ta isuda nagaramidda idi iti dackel a sapata maipapan iti daydiay a di-simmang-at ken Jehova idiay Mizpa, a kinunada, Isu maicabil a di bumorong ken patay.
6Ket dagiti annac ti Israel nagbabawida a gapu iti Benjamin a cabsatda, ket kinunada, Adda maysa a caputotan a naipusay iti Israel iti daytoy nga aldaw.
7Casano ti aramidentayonto a gapu cadagiti assawa nga agpaay cadagidiay nga natda, agsipud ta datayo insapatatayo gapu ken Jehova a ditayto mangted cadacuada cadagiti annactayo a babbai nga asawaenda?
8Ket kinunada, Adda maysa cadagiti caputotan ti Israel a saan a simmang-at ken Jehova idiay Mizpa? Ket, adtoy, sadiay awan ti immay iti pacarso a naggapu iti #1 Sam. 11:1; 31:11, 13. 2 Sam. 2:4-5; 21:12. 1 Cron. 10:11.Jabes-galaad agingga iti gimong.
9Ta idi a dagiti tattao nabilangda, adtoy, awan sadiay dagiti agnaed ti Jabes-galaad.
10Idin ti gimong nangibaon idiay cadagiti sangapulo ket dua a ribu a lallaki cadagiti camamaingelan, ket binilinda ida, a kinunada, #bil. 5. 1 Sam. 11:7.Incayo ket cabilenyo iti tadem ti campilan dagiti agnaed ti Jabes-galaad, agraman cadagiti babbai ken cadagiti babassit nga ubbing.
11Ket daytoy isu ti banag nga aramidenyonto: dacayo #Num. 31:17. Deut. 7:2.dadaelenyonto a talipupusen tumunggal lalaki, ken tumunggal babai a nakicaidda idi iti lalaki.
12Ket nacasaracda cadagiti agnaed ti Jabes-galaad cadagiti uppat a gasut a babbalasang a virgen a di nacaammo iti lalaki gapu iti pannakicaiddana kencuana; ket inyegda ida iti pacarso idiay #bil. 2. Jos. 18:1.Silo, nga adda idiay daga ti Canaan.
13Ket amin a gimong nangibaonda ket nagsaoda cadagiti annac ni Benjamin nga #Oc. 20:47.addada idi idiay bato ti Rimmon, ket #Deut. 20:10.impablaacda ti cappia cadacuada.
14Ket ti Benjamin nagsubli idi a tiempo; ket intedda cadacuada dagidi babbai a biniagda cadagiti babbai ti Jabes-galaad: ket nupay casta saanda idi nga umanay cadacuada.
15Ket dagiti tattao nagbabawianda ida a gapu iti Benjamin, agsipud ta ni Jehova inaramidna ti pannacadadael cadagiti capcaputotan ti Israel.
16Idin dagiti lallacay ti gimong kinunada, Casano ti aramidentayonto a gapu cadagiti assawa a maipaay cadagiti natda, agsipud ta dagiti babbai iti Benjamin nadadaelda?
17Ket kinunada, Adda coma maysa a tawid a maipaay cadagidiay a nacatalaw iti Benjamin, tapno ti maysa a caputotan saan coma a mapunas iti Israel.
18Ngem datayo met laeng ditayo mabalin ida nga iccan cadagiti assawada cadagiti annactayo a babbai: #bil. 1. Oc. 11:35.ta dagiti annac ti Israel insapatada idi, a kinunada, Mailunod coma daydiay a mangted iti asawa iti Benjamin.
19Ket kinunada, Adtoy, nga adda fiesta ni Jehova iti tinawentawen idiay Silo, nga adda iti amianan ti #Oc. 20:31.Bet-el, iti daya ti dalan a napatac a sumang-at manipud iti Bet-el agingga iti Siquem, ken iti abagatan ti Lebona.
20Ket binilinda dagiti annac ni Benjamin, a kinunada, Incayo, ket agsanebcayo idiay cauv-uvasan;
21Ket agsiputcayo, ket, #Ex. 15:20. Oc. 11:34. 1 Sam. 18:6; 21:11; 29:5.adtoy, a no rumuar dagiti annac a babbai ti Silo nga agsasalada cadagiti salsala, isunton ti iruruaryo cadagiti cauv-uvasan, ket cumemmegcayto tunggal maysa iti asawaenna cadagiti annac a babbai ti Silo, ket incayto iti daga ti Benjamin.
22Ket isunto, nga intono dagiti ammada wenno cacabsatda a lallaki agpulongda cadacami, dacami cunaminto cadacuada, Ipalubosyo cadacuada a siaasi cadacami; yantangay dacami dicami nangala ti agpaay tumunggal lalaki cadacuada ti asawana idiay paggugubatan, uray dacayo dicayo inted ida cadacuada; no saan a casta ita dacayo coma ti macabasol.
23Ket dagiti annac ni Benjamin inaramidda iti castoy, ket nangalada cadacuada cadagiti assawada, a mayalubog iti bilangda, cadagiti agsalsala idi isuda dagiti innalada: ket napanda ken simmublida iti tawidda, ket #Oc. 20:48.binangonda dagiti il-ilida, ket nagnaedda cadacuada.
24Ket dagiti annac ti Israel pimmanawda nanipud sadiay idi a tiempo tumunggal lalaki iti caputotanna ken familiana, ket napanda tunggal tao manipud sadiay agingga iti tawidna.
25Cadagidi nga #Oc. 17:6.al-aldaw awan idi ti ari idiay Israel: ti tumunggal tao aramidenna idi daydi a nalinteg iti matana met laeng.
Currently Selected:
OC-OCOM 21: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
