OC-OCOM 2
2
Ti angel ni Jehova idiay Bochim. Ti ipapatay ni Josue. Ti panaglicud ti ili iti daan a pammatina ken sursurona.
1Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, #Deut. 31:16.Diacto dadaelen uray caano ti tulagco cadacayo:
2 #
Deut. 7:2. Ket dacayo dicayo coma agaramid iti tulag cadagiti agnaed ditoy a daga; dacayo #Deut. 12:3.duprakenyonto dagiti alaltarda, ngem dacayo dicayo impangag ti timecco: Apayapay inaramidyo daytoy?
3Gapuna kinunac met, diacto ida pagtalaoen iti sangoyo; ket isudanto ti cas #Jos. 23:13. Num. 33:55.sisiit nga agpaay cadagita bacbacrangyo, ket dagiti #Oc. 3:6.didiosda isudanto ti silo cadacayo.
4Ket naaramid, idinto a ti angel ni Jehova sinaona dagitoy a balbalicas cadagiti amin nga annac ti Israel, a dagiti amin a tattao impangatoda ti timecda, ket nagsangitda.
5Ket isuda ninaganda daydiay a lugar iti #Boquim: cayatna a saoen, Dagiti agsasangit.Boquim: ket nagidatonda sadiay ken Jehova.
6Ita idinto a ni #Jos. 24:28-31.Josue naibaonna dagiti tattao, dagiti annac ti Israel napanda tunggal tao iti tawidna, tapno tagicuaenda ti daga.
7Ket dagiti tattao nagservida ken Jehova cadagiti amin nga al-aldaw ni Josue, ken cadagiti amin nga al-aldaw dagiti lallacay a nagbibiagda iti nabayag nga aldaw iti calpasan ni Josue, dagidiay nacakita cadagiti amin a dackel nga aramid a ni Jehova inaramidna a gapu iti Israel.
8Ket ni Josue nga anac ni Nun, nga adipen ni Jehova natay, idinto nga agtawen iti sangagasut ket sangapulo a tawen.
9 #
Jos. 19:50; 24:30. Ket isu imponponda idiay beddeng ti tawidna sadi Timnat-sera, idiay caturodan ti Efraim, iti amianan ti bantay Gaas.
10Ket amin daydi a caputotan naitiponda met cadagiti ammada: ket timmaud ti sabali a caputotan iti calpasanda, nga #Ex. 5:2. 1 Sam. 2:12. Gal. 4:8. 1 Tes. 4:5. 2 Tes. 1:8.dida inammo ni Jehova, uray iti aramid nga isu inaramidna idi a gapu iti Israel.
11Ket dagiti annac ti Israel inaramidda dagidiay a dakes iti imatang ni Jehova, ket nagservida cadagiti Baales.
12Ket isuda inidianda ni Jehova, a Dios dagiti ammada, a nangaon idi cadacuada nanipud iti daga ti Egipto, ket simmurotda cadagiti #Deut. 6:14.sabsabali a didios, a didios dagiti il-ili nga aglicmut cadacuada, ket nagrucnoyda cadacuada: ken isuda ginargarida nga agpungtot ni Jehova.
13Ket isuda indianda ni Jehova, ket #Oc. 3:7; 10:6. 1 Sam. 7:4. Sal. 106:36.nagservida ken Baal ken ni Astarot.
14 #
Sal. 106:40-41. Ket ti pungtot ni Jehova simged a maibusor iti Israel, ket #2 Ar. 17:20.inyawatna ida cadagiti im-ima dagiti agag-agaw, a nangagaw cadacuada; ket #Deut. 32:30.inlacona ida cadagiti ima dagiti cabusorda nga aglicmut, ket uray caano dida mabalin ti agtacderen iti sango dagiti cabusorda.
15Uray sadinoman a ruaranda, ti ima ni Jehova isu idi ti maibusor cadacuada a maipaay iti dakes, cas ni Jehova insaona idi; ken cas ni Jehova #Lev. 26. Deut. 28.insapatana cadacuada: ket isuda naparparigatda iti casta unay.
16Ngem ni #Oc. 3:9, 15. 1 Sam. 12:11. D. Ara. 13:20.Jehova nangbangon cadagiti oc-ocom, a nangisalacan cadacuada iti ima dagiti nangagaw cadacuada.
17Ngem nupay casta isuda saanda nga impangag dagiti oc-ocomda; no di ket #Ex. 34:15. Oc. 8:33.nagaabigda a siannurot cadagiti sabsabali a didios, ket nagrucnoyda cadacuada: ket simmiasida iti nadaras iti dana a nagnaan dagidi ammada, iti panagtultulnog cadagiti bilbilin ni Jehova; ngem isuda dida inaramid ti casta.
18Ket idinto a ni Jehova naibangonanna ida cadagiti oc-ocom, nanipud idin ni #Jos. 1:5.Jehova adda idi iti ocom, ket insalacanna ida iti ima dagiti cabusorda iti amin nga al-aldaw daydiay nga ocom #Deut. 32:36. Gen. 6:6. Sal. 106:45. Jon. 3:12.ta ni Jehova nagbabawi a gapu iti #Ex. 2:24; 6:5.asasugda maipanggep cadagidiay a mangparigat cadacuada ken mangtutuoc cadacuada.
19 #
Oc. 3:12; 4:1; 8:33. Ngem naaramid idi, a no matay ti ocom, isuda agsublida, ket adadda manen ti pannacadadaelda ngem cadagidi ammada, iti isusurotda cadagiti sabsabali a didios, agservida cadacuada ken agrucnoyda cadacuada; a dida nagpatingga iti aramidda, uray iti natagengteng a dalanda.
20Ket ti pungtot ni Jehova simged a maibusor iti Israel; ket kinunana, Agsipud ta daytoy a nacion sinalungasingna ti tulagco nga imbilinco cadagiti ammada, ket dida ipangag ti timecco;
21 #
Jos. 23:13. Casta met diacto pagtalaoen iti sangoda ti uray siasinoman cadagitoy a nasnacion, a nabati ni Josue idi natay;
22 #
Oc. 3:1, 4. Tapno gapu cadacuada #Ex. 15:25. Oc. 5:31; 8:28.pangsuutac coma iti Israel, no isuda aywananda wenno saan ti dalan ni Jehova, iti pannagnada kencuana, a cas panangaywan dagidi ammada.
23Gapuna ni Jehova binay-anna dagidiay a nasnacion, ket dina pinagtalao ida iti nasingdat; dina inyawat ida iti ima ni Josue.
Currently Selected:
OC-OCOM 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
