OC-OCOM 17
17
Ni Mica ken dagiti ladladawanna. Tangdananna ti maysa a Levita nga agpadi a maipaay kencuana.
1Adda idi maysa a lalaki idiay #bil. 8. Jos. 24:33.caturodan ti Efraim, a ti naganna Mica.
2Ket kinunana ken inana, Dagiti sangaribu ket sangagasut a capisi ti pirac, a naala idi kenca, a gapu cadacuada nagilunodca, ket insaom met cadagiti pagdengngegco adtoy, ti pirac adda caniac; isu innalac idi. Idin ni inana kinunana, Bendicionan coma ni #1 Sam. 15:13.Jehova ti anacco.
3Ket isu insublina ken inana dagiti sangaribu ket sangagasut a capisi ti pirac; ket ni inana kinunana, Pudno idatonco daytoy a pirac ken Jehova manipud iti imac nga agpaay iti anacco, tapno #Ex. 20:4, 23. Lev. 19:4.mangaramid coma iti ladawan a kinitikitan ken sinocog; gapuna isu isublicto ita kenca.
4Ket idi nga insublina ken inana dagiti pirac, ni inana #Isa. 40:19; 46:6.nangala iti dua gasut a capisi ti pirac, ket isu intedna ida iti agtuntunaw, ket nangaramid cadagidiay iti maysa a ladawan a kinitikitan ken sinocog; ket adda idi idiay balay ni Mica.
5Ket ni lalaki a Mica addaan idi iti balay dagiti didios: ket nagaramid iti maysa nga #Oc. 8:27; 18:14, 17.efod, ken #Gen. 31:19, 30.terafim, ket kinonsagrarna ti maysa cadagiti annacna a lalaki, a nagbalin a padina.
6 #
Oc. 18:1; 19:1; 21:25. Cadagidiay nga al-aldaw awan idi ti ari iti Israel: ti #Deut. 12:8. Oc. 21:25.tumunggal maysa a tao aramidenna idi daydi a nalinteg iti matana met laeng.
7Ket adda idi maysa nga agtutubo a lalaki a taga Belen ti Juda, iti familia ni Juda, nga isu Levita; ket naggangannaet sadiay.
8Ket ti agtutubo a lalaki pimmanaw idi iti #Jos. 19:15. Oc. 19:1.Belen nga ili ti Juda, tapno aggangannaet iti sadinoman a pacasaracanna iti lugar; ket isu immay iti caturodan ti Efraim iti balay ni Mica, idi nga isu nagpagpagna.
9Ket ni Mica kinunana kencuana, Sadino ti naggapuam? Ket isu kinunana kencuana, siac Levitaac a taga Belen ti Juda, ket innac aggangannaet iti sadinoman a pacasaracac iti lugar.
10Ket ni Mica kinunana kencuana, #Oc. 18:19.Makipagtaengca caniac, ket sicanto ti #Gen. 45:8. Oc. 18:19. 2 Ar. 5:13.amac ken padi; ket siac mangtedacto kenca iti sangapulo a capisi ti pirac iti macatawen, ken iti pagan-anay a pagpelles, ken iti taraonmo. Iti casta ti Levita simrec.
11Ket ti Levita napnec iti pannakinaedna iti daydi a tao; ket daydi agtutubo a lalaki cas la maysa cadagiti annacna kencuana.
12Ket ni Mica #bil. 5.kinonsagrarna ti Levita, ket daydi nga agtutubo a lalaki nagbalin a #Oc. 18:30.padina, ket nagnaed idiay balay ni Mica.
13Idin ni Mica kinunana, Ita ammoc a ni Jehova agaramidto caniac iti imbag, agsipud ta addaanac iti maysa a Levita a padi.
Currently Selected:
OC-OCOM 17: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
