OC-OCOM 15
15
Ti aramid ni Samson a maaramat dagiti zorra. Mareppet cadagiti babbaro a taltali. Ti aramidna a maaramat ti tulang ti sangi.
1Ket naaramid idi iti calpasan ti dadduma a tiempo, nga iti tiempo ti panagani ti trigo, a ni Samson sinarungcaranna ni asawana a nangicuyog iti maysa nga #Gen. 38:17. Oc. 6:19.urbon ti calding, ket kinunana, Sumrecacto ken asawac iti siledna. Ngem ti ama ti babai isu dina pinalubosan idi a sumrec.
2Ket ti ama ti babai kinunana, Iti kinapudnona impagarupco nga isu ginuram unay, gapuna isu intedco iti caduam: ti cabsatna a babai nga inaudi saan aya a napinpintas ngem isu? Isu ti alaem a sunona, agdawatac kenca.
3Ket ni Samson kinunana cadacuada, Siac awanto ti basolco iti daytoy a daras cadagiti Filisteos, intono agaramidac cadacuada iti dakes.
4Ket ni Samson napan idi ket nangtiliw cadagiti tallogasut a zorra, ket nangala cadagiti al-aluten, ket pinagsisipolna dagiti ipus ken ipus, ket nangicabil iti baet ti tumunggal dua nga ipus iti maysa nga #Oc. 7:16.aluten.
5Ket idinto a napadarangna dagiti al-aluten, pinalubosanna ida a napan cadagiti sitatacder a trigo dagiti Filisteos, ket inuramna dagiti #Ex. 22:6.pinenpen ken sitatacder a trigo, ken casta met dagiti inol-olivaan.
6Idin dagiti Filisteos kinunada, Siasino ti nangaramid iti daytoy? Ket isuda kinunada, Ni Samson, a manugang ni Timnateo, ta iniccatna kencuana ni asawana, ket isu intedna iti caduana. Ket dagiti Filisteos #Oc. 14:15.immayda, ket pinasgedanda iti apuy daydi asawa ni Samson ken ni amana.
7Ket ni Samson kinunana cadacuada, No dacayo agaramidcayo iti casta, pudno nga ibalesconto cadacayo, ket iti calpasanna sumardengacto.
8Ket kinabilna ida iti dackel a panangpapatay iti patong ken luppo: ket simmalog ket nagtaeng iti #bil. 11. Isa. 2:21; 57:5.birri ti bato ti Etam.
9Idin dagiti Filisteos simmang-atda ket nagpacarsoda idiay Juda, ket #2 Sam. 5:18, 22.nagwarasda agingga iti #bil. 14, 17, 19.Lehi.
10Ket dagiti lallaki ti Juda, kinunada, Apayapay simmang-atcayo a maibusor cadacami? ket isuda kinunada, Tapno reppetenmi ni Samson simmang-atcami, tapno aramidenmi kencuana iti cas inaramidna cadacami.
11Idin dagiti tallo a ribu a lallaki ti Juda simmalogda agingga iti birri ti bato ti Etam, ket kinunada ken Samson, Dica ammo aya a dagiti Filisteos #Oc. 14:4.agturayda cadatayo? ania daytoy nga inaramidmo cadatayo? ket isu kinunana cadacuada, Ti cas inaramidda caniac, casta ti inaramidco cadacuada.
12Ket kinunada kencuana, Dacami simmalogcami tapno reppetendaca, tapno yawatdaca iti ima dagiti Filisteos. Ket ni Samson kinunana cadacuada, Isapatayo caniac a didacto cabilen.
13Ket isuda nagsaoda kencuana, a kinunada, Saan; ngem reppetendacanto a siiirut unay, ket yawatdacanto cadagiti im-imada: ngem pudno a dacami didacanto papatayen. Ket isu rineppetda cadagiti dua a babbaro a #Oc. 16:11, 12.tali, ket isu inyegda a naggapu iti bato.
14Idinto nga isu immay agingga iti Lehi, dagiti Filisteos dimmir-ida idi a simmabetda kencuana: ket ti #Oc. 14:6, 19.Espiritu ni Jehova immay a sipipigsa unay kencuana, ket dagiti taltali nga adda cadagiti tackiagna nagbalinda a cas lino, a mapuuran iti apuy, ket dagiti parparaotna nagtinnagda nanipud cadagiti imana.
15Ket isu nacasarac iti maysa a sadiwa a tulang ti sangi ti asno, ket inyunnatna iti madaras ti imana, ket innalana, ket isu ti #Lev. 26:8. Jos. 23:10. Oc. 3:31.pinangcabilna cadagiti sangaribu a lallaki.
16Ket ni Samson kinunana, iti maysa a tulang ti sangi ti asno, ginabgabsuon iti rabaw ti ginabgabsuon. Iti maysa a tulang ti sangi ti asno isu ti pinangcabilco cadagiti sangaribu a lallaki.
17Ket naaramid, idi a nagibusanna ti panagsaona, nga impuruacna daydi tulang ti sangi, nanipud iti imana ket daydiay a disso nanaganan idi iti #Ramat-lehi: cayatna a saoen, Ti turod ti tulang ti sangi.Ramat-lehi.
18Ket isu nagwaw unay idi, ket immasug ken Jehova, ket kinunana, Sica intedmo daytoy dackel a pannacaisalacan a gapu iti ima ti adipenmo; ket ita matayacto iti waw, ket matnagacto iti ima dagiti di nacugit.
19Ngem ti Dios linuctanna ti naliccucong a disso nga adda idiay Lehi, ket idiay rimmuar ti danum; ket idi isu nacainum, ti espirituna #Gen. 45:27.immay manen, ket pimmigsa: gapuna a napanaganan iti #En-haccore: cayatna a saoen, Ti ubbog ti immasug.Enhaccore, isu nga adda idiay Lehi, agingga ita nga aldaw.
20 #
Oc. 13:1. Ket isu inocomanna ti Israel cadagiti al-aldaw dagiti Filisteos bayat ti duapulo a tawen.
Currently Selected:
OC-OCOM 15: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
