ISAIAS 7

Da Rezin ken Peca gumubatda a maibusor iti Jerusalem. Ti ipadamag ni Isaias ken Acaz. Ti ubing nga Emmanuel. Ti pannacadadael ti Juda.

1Ket naaramid cadagidi aldaw ni Acaz nga anac ni Jotham, nga anac ni Uzias nga ari ti Juda, a ni #2 Ar. 15:37.Rezin nga ari ti Siria, ken ni Peca nga anac ni Remalias, nga ari ti Israel, simmang-atda idiay Jerusalem a manggubat kencuana, ngem dida nabalin ti nagballigi a maibusor kencuana.

2Ket naipacaammo iti balay ni David, a nacuna, Ti Siria nakisingalut iti Efraim. Ket ti pusona nagkintayeg, ken ti puso dagiti tattaona, a cas cadagiti caycayo iti bakir magongonda a gapu iti angin.

3Idin kinuna ni Jehova ken Isaias, Inca ita a sumabet ken Acaz, sica, ken ni Searjasub nga anacmo, iti #2 Ar. 18:17.pungto ti calasugan ti nangatngato a tangke, iti dalan iti tay-ac ti agdaldalus iti lupot;

4Ket cunaem kencuana, Agaluadca, ken agtalnaca; dica agbuteng ket dica met ipalubos a maupay ta pusom, a gapu cadagitoy dua a ngudo ti aluten nga umasasuc, a gapu iti narungsot a pungtot ni Rezin ken ti Siria, ken ti #Isa. 8:6.anac ni Remalias.

5Agsipud ta ti Siria, ti Efraim ken ti anac ni Remalias nagpanggepda iti dakes a maibusor kenca, a cunaenda,

6Sumang-attayo a maibusor iti Juda, ket isu ti riribukentayo, ket gutbawantayo sadiay a maipaay cadatayo, ken mangisaadtayo iti ari iti nagtengngaanna, uray ti anac ni Tabeel;

7Castoy ti cuna ni Apo Jehova, Isu saanto nga agtaeng, ket dinto met maaramid.

8Ta #2 Sam. 8:6.ti olo ti Siria #Isa. 17:1, 3.isu ti Damasco, ket ti olo ti Damasco isu ni Rezin; ket #2 Ar. 17:24.iti bayat dagitoy innem a pulo ket lima a tawen maburacto ti Efraim, iti casta isu saanton nga ili:

9Ket ti olo ti Efraim isu ti #1 Ar. 16:24.Samaria, ket ti olo ti Samaria isu ti anac ni Remalias. No saancayo a mamati, pudno a dicayto mataginayon.

10Ket ni Jehova nakisao manen ken ni Acaz, a kinunana,

11Agkiddawca iti maysa a #2 Ar. 19:29.pagilasinan ken Jehova a Diosmo; uray ti kiddawem iti #Mat. 12:28, 39.caadalman, wenno iti cangatoan sadi ngato.

12Ngem ni Acaz kinunana, #2 Ar. 16:7.Diacto agkiddaw, ket diacto met suuten ni Jehova.

13Ket kinunana, Denggenyo ita, #Luc. 1:27, 69.O balay ni David: Bassit laeng aya a banag cadacayo ti panangrengrengyo cadagiti tattao, a rengrengenyonto pay met ti Diosco?

14Gapuna a ti Apo met laeng iccannacayonto iti maysa a pagilasinan: #Gen. 3:15. Mat. 1:23.adtoy, a maysa a virgen agsicogto, ken mangipasngayto iti maysa nga anac a lalaki, ket maigaladto iti naganna nga #Emmanuel: cayatna a saoen, Ti Dios adda cadatayo.#Isa. 8:8, 10.Emmanuel.

15Mantequilla ken diro ti #bil. 22.canennanto, #Luc. 2:40, 52.intono ammona a paiden ti dakes, ken pilien ti naimbag.

16Ta intono di pay #Isa. 8:4.ammo ti ubing a paiden ti dakes, ken pilien ti naimbag, ti daga a dagiti #2 Ar. 15:30.dua nga arina caguram mabaybay-anto.

17Ni Jehova yegnanto kenca, ken iti ilim, ken iti balay ni amam, dagiti al-aldaw a dida pay immay, nanipud idi aldaw nga ipapanaw ti #1 Ar. 12:16.Efraim iti Juda uray pay ti ari ti Asiria.

18Ket maaramidto iti dayta nga aldaw, a ni Jehova #Isa. 5:26.sultipannanto ti ngilaw nga adda iti caadayuan a paset dagiti carayan ti Egipto, ken ti uyocan nga adda iti daga ti Asiria.

19Ket umaydanto, ket agtaengdanto amin cadagiti nalangalang a loblobong, ken cadagiti rengrengngat dagiti batbato, ken iti rabaw ti amin a caremmengan, ken iti rabaw ti amin a pagpaaraban.

20Iti dayta nga aldaw ti Apo #2 Ar. 16:8. Eze. 5:1.kiskisannanto nga aramatenna ti pangiskis nga inupaan cadagiti disso a labes ti Carayan, ti met laeng, ari ti Asiria, ti olo ken muldot dagiti sacsaca; ket ikisapnanto met ti iming.

21Ket maaramidto iti dayta nga aldaw, a ti maysa a tao mangtarakento iti maysa a vaca a danawan, ken dua a carnero;

22Ket maaramidto a gapu iti kinawadwad ti gatas a pataudendanto manganto iti mantequilla: ta mantequilla ken diro ti canento ti tunggal maysa a mabati iti tengnga ti daga.

23Ket maaramidto iti dayta nga aldaw, a tunggal disso, a yan idi ti sangaribu nga uvas nga agpateg iti sangaribu a capisi a pirac, maipaayto cadagiti cascasumba ken calcalunay.

24Umayto ti maysa iti dayta a disso a mangicuyog cadagiti pana ken ba-i, agsipud ta amin a daga addanto dagiti cascasumba ken calcalunay.

25Ket isu-amin a turturod a nacali iti gabion, dicanto umay dita a disso a gapu iti buteng cadagiti cascasumba ken calcalunay; ngem daydiay #Isa. 27:10.maipaayto a pagpaipanan cadagiti vacvaca, #Isa. 5:5.ken pagpayatpayatan dagiti carcarnero.

Currently Selected:

ISAIAS 7: TB1973

Highlight

Copy