ISAIAS 5
5
Ti pangngarig a cauvasan. Ti panangay-ay cadagiti nadangkes. Ti pammales ni Jehova iti pannacaaramat dagiti nasnacion.
1Agcantaac coma a maipaay ken #Sal. 60:5.ayayatec unay iti maysa a canta ti ayayatec a maipapan iti #Sal. 80:8.cauvasanna. Ti ayayatec unay #Mat. 21:33.adda idi maysa a cauvasanna iti maysa a nabunga unay a turod:
2Ket isu kinalina ken iniccatna dagiti batbatona, ket minulaanna iti napili nga uvas, ken namatacder iti maysa a torre iti nagtengngaanna, ken nangtaga met iti pagpespesan iti arac idiay: #Mat. 21:19.ket inurayna nga agpataudto coma cadagiti uvas, ket nagpataud cadagiti uvas nga atap.
3Ket ita, O dacayo nga agnaed iti Jerusalem ken tattao ti Juda, dawatec nga ipatoyo man ti maipapan caniac ken ti cauvasac.
4Ania aya ti nabalin a naaramid pay coma iti cauvasac, a diac inaramid kencuana? ania ti gapuna, nga idi nga ur-urayec a mangpataud coma cadagiti uvas, isu namataud cadagiti uvas nga atap?
5Ket ita ibagac cadacayo ti aramidecto iticauvasac: iccatecto ti aladna, ket maibusto, rebbaecto ti bacudna, ket isu mapayatpayatto:
6Ket baybay-acto a madadael; saanto a maparaspasan ket di-met magabion; no di ket pagtuboanto dagiti cascasumba ken calcalunay: ket ibilinconto met cadagiti ul-ulep tapno dida tinnagan iti tudo iti rabawna.
7Ta #Isa. 3:14.ti cauvasan ni Jehova dagiti buybuyot isu ti balay ti Israel, ket dagiti tattao ti Juda isuda dagiti nacaay-ayo a mulana: ket nagsapul ti kinajusticia, ngem, adtoy, ti pammarigat; ken ti kinalinteg, ngem, adtoy, ti maysa a riaw.
8Asi pay dagiti mamagtitipon iti #Mik. 2:2.balay ken balay, ken mamagtitipon ti talon ken talon agingga iti awan pagdissoan, ket maaramidcayo nga agtaeng a dacdacayo iti tengnga ti daga!
9Iti lapayagco cuna ni Jehova dagiti buybuyot, Iti kinapudnona, adu a balbalay ti agongaongto, uray no dackel ken nasayaat, awanto ti agnaed kencuana.
10Ta ti uppat nga hectaria ti cauvasan mangtedto iti lima a litro, ket ti tallo cavan a bin-i mangpataudto laeng iti sangapulo salup.
11Asi pay dagiti #bil. 22. Prov. 23:29, 30.bumangon a masapa iti bigat, tapno sumurotda iti naingel nga inumen; nga idiayda a marabiian unay, agingga iti paggilayaben ida ti arac!
12Ket cadagiti rambacda adda arpa, gitarra a bassit, pandereta, pito ken arac; ngem #Sal. 28:5.dida imatangan ti aramid ni Jehova, ket dida met otoben dagiti panagaramid dagiti imana.
13Gapuna a ti ilic napan iti pannacacayaw agsipud ti kinakirang ti isip; ket dagiti natan-ocda a tattao nabisinanda, ket ti caaduanda mawawda unay.
14Gapuna a ni Tanem pinadackelna ti tarigagayna, ken linuctanna ti ngiwatna a di marucod; ket ti dayagda, ken ti caaduanda, ken ti rambacda, ken ti makipagragsac cadacuada, umologda itoy a Tanem.
15Ket ti nababa a #Isa. 2:9.tao maparucnoy, ket ti natan-oc a tao mapaemma, ket dagiti mata ti nangato mapaalumamayda:
16 #
Isa. 2:11. Ngem ni Jehova dagiti buybuyot maitanoc iti kinajusticia, ket ti Dios a Santo masantificar iti kinalinteg.
17Iti casta agarabton dagiti cordero a cas addada iti pacapastoranda, ket dagiti disso a #Isa. 10:16.langalang dagiti nalucmeg #Sal. 109:11.canento ti agtawtawataw.
18Asi pay dagiti agguyod ti kinadakes iti taltali ti kinatiri, ken basol a cas la iti pannacaaramat ti maysa a guyodan ti pasagad;
19A cunaenda, #2 Ped. 3:4.Agsiglat coma, dardarasenna coma ti aramidna, tapno isu makitatayo; ken ti patigmaan ti Santo ti Israel umasideg coma ken dumteng, tapno isu maammoantayo!
20Asi pay dagiti mangnagan naimbag iti dakes, ken dakes iti naimbag; nga icabilda a sipnget ti lawag, ket lawag ti sipnget; nga icabilda a napait ti nasam-it, ket nasam-it ti napait!
21Asi pay dagiti mamasirib cadagiti matada met laeng, #Rom. 12:16.ken dagiti manakem iti imatangda met laeng!
22Asi pay dagiti mamaingel nga #bil. 11.aginum iti arac, ken tattao a napigsa a mamaglalaoc iti naingel nga inumen;
23A #Prov. 17:15.mangjustificar iti maysa a managdacdakes #Ex. 23:8.a gapu iti maysa a pannocsoc, ket pucawenda ti kinalinteg iti nalinteg.
24Gapuna a cas iti gil-ayab, ti apuy ibusenna ti punget ti garami ken cas iti nagango a root a marunaw iti gil-ayab, castanto ti ramutda a cas iti pannacalungtot, ket ti sabongda tumayabto a cas iti tapoc; agsipud ta inwacsida ti linteg ni Jehova dagiti buybuyot, ken #Isa. 1:4.inuyawda ti sao ti #Isa. 12:6.Santo ti Israel.
25Gapuna a ti pungtot ni Jehova #2 Ar. 22:13, 16.simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.
26Ket isu mangitayagto iti maysa a wagayway #Isa. 11:12.cadagiti nasnacion iti adayu, ket #Isa. 7:18.sultipannanto ida manipud iti #Deut. 28:49.pungto ti daga; ket, adtoy, umaydanto a sigaganat ken napardas.
27Awanto ti mabannog wenno maitibcol cadacuada; awanto cadacuada ti agdungsa ket awan met ti maturog; ket di met maiccat ti barikes iti lomoda, ket di met mapugsat ti cordon dagiti zapatosda:
28A dagiti panada natarumamis, ken sibibiat dagiti ba-ida; ket dagiti cuco dagiti cabayoda maibilangdanto a cas la pamulinawen, ken dagiti pilid dagiti lugluganda cacasda la maysa nga alawig:
29Ti ungorda cas la iti leon a cabaiyan, agungordanto a cas cadagiti ur-urbon ti leon; wen, agungordanto, ken tucmaanda ti samsam, ket ipanawda a dida maanano, ket awanto a pulos ti mangisalacan.
30Ket agungordanto a bumosor cadacuada #Isa. 2:11.ti dayta nga aldaw a cas iti ungor ti baybay: ket #Isa. 8:22.no ti maysa cumita iti daga, adtoy, ti sipnget ken rigat; ket ti lawag napasipnget cadagiti ululepna.
Currently Selected:
ISAIAS 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
