ISAIAS 16
16
Ti pannacadadael ti Moab.
1 #
2 Ar. 3:4. Paipanyo dagiti cordero a maipaay iti agturay iti daga manipud Sela inggana iti let-ang, agingga iti bantay ti anac a babai ti Sion.
2Ta isunto, cas cadagiti agtawtawataw a tumatayab, a cas mawarawara nga umoc, castadanto dagiti annac a babbai ti Moab cadagiti ballasiwan ti Arnon.
3Mangbalacadca, tungpalem ti kinajusticia; pagbalinem ti #Isa. 4:6.linongmo iti matoon a cas maysa a rabii, ilingedmo dagiti naibelleng; dica liputan ti nagtalaw.
4Makipagyanda coma kenca dagiti imbellengco; maipapan iti Moab, sica coma ti maysa nga abbong kencuana manipud iti rupa ti manangranggas. Ta ti managpalalo mapucaw, ti pannacarba sumardeng, dagiti mamarparigat maibusda iti daga.
5Ket maysa a trono ti mabangonto iti kinamanangngaasi, ket maysa ti #Luc. 1:33.agtugawto kencuana iti kinapudno, iti tolda ni David, a #Sal. 72:2.mangocom, ken mangbiruc iti kinajusticia, ken nasingdat a mangaramid iti kinalinteg.
6 #
Jer. 48:29. Nangngeganmi ti kinatangsit ti Moab, nga isu natangsit unay; iti met laeng palangguadna, ken ti kinatangsitna, ken ti pungtotna; dagiti #Isa. 28:15.panagpasindayawna awan ti capapaayanda.
7Gapuna a ti #Jer. 48:20, 31.Moab agdung-awto a maipuon iti Moab, agdung-awto ti tunggal maysa: dung-awanyonto ti tinapay a pasas ti #2 Ar. 3:25.Kir-hareseth, a nadadael a naikisap.
8Ta dagiti taltalon #Isa. 15:4.ti Hesbon cumapuyda, ken ti uvas ti Sibma; dagiti appo dagiti nacion sinep-acda dagiti napili a sangsangana, a gimmaw-atda agingga iti #Num. 21:32.Jaser met laeng; a naglicawlicawda iti let-ang; dagiti saringitna nagwawarada, bimmallaswda iti baybay.
9Gapuna a makipagsangitacto iti panagsangit ti Jazer a maipuon iti uvas ti Sibma; sibugancanto cadagiti luluac, O Hesbon, ken Eleale: ta cadagiti bungbungam iti calgaw ken iti apitem isu ti nagpasagan ti ariwawa ti gubat.
10Ket ti rag-o, #Jer. 48:33.ken ti ragsac naipanawda iti nabunga nga away; ken iti cauvasan awanto ti panagcancanta, awan met ti nacaragragsac a timec: awan ti agpaypayat a mangpayatto iti arac cadagiti pagpespesan ti uvas; pinasardengco ti riaw ti panagburas.
11Gapuna ti #Isa. 6:13.pusoc aguni a cas arpa a maipuon iti Moab, ken dagiti lalaemco a maipuon iti Kir-hareseth.
12Ket maaramidto, intono agparang ti Moab, intono mabannog iti #Isa. 15:2.nangato a disso, ken umayto iti santuariona nga agcararag, isu saanto a mangatiw.
13Daytoy ti sao nga imbalicas ni Jehova a idi napalabas a pannawen a maipapan iti Moab.
14Ngem ita ni Jehova sinaona, a kinunana, Iti bayat ti tallo a tawen, a #Isa. 21:16.cas cadagiti tawen ti maysa a mangmangged, ti dayag ti Moab maumumsinto, agraman amin a kinaaduna; ket ti matidda bassito unay ken awan ti capapaayanna.
Currently Selected:
ISAIAS 16: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
